中四已重讀一年，升學問題

洋蔥頭媽咪

noonooho 發表於 23-4-19 13:31
小女在2B-2C中學中四已重讀一年，今年老師說升中五困難，英文差一點，建議她去讀VTC職專，但朋友說職專是不 ...

你朋友有偏見，唔清楚職專文憑嘅路徑就踩低人， 說話講得好難聽，何謂不歸路呢？ 唔少讀書唔叻嘅年青人都會選擇青年學院/職專文憑， 一樣有好嘅出路。條條大路通羅馬，如果肯比心機讀上去，職專文憑嘅學生一樣可以駁上大學，叫你朋友睇清楚先唔好胡亂評論。

樓主女兒中四已經重讀一年，成績仍未能跟上，究竟係孩子已經盡咗力還是無心向學？ 唔係每個人都 一定會行同一條路， 讀得上當然考完 DSE再打算 ，但如果女兒真係唔適合傳統學校， 努力過後仍然跟唔上， 就算拖到上到中六都未必畢到業，女兒已經留咗一年班，老師話佢跟唔上，你想佢今年繼續留定明年又繼續留，勉強要佢年年留班去打擊自信， 何不及早轉跑道幫佢搵門手藝發掘興趣，對佢或許係另一條好嘅出路呢。
家長唔好衹聽朋友講，對課程自己都要去了解多啲，同女兒好好地頃下，前途係孩子自己嘅，條路想點行亦係睇佢自己。