成日欠功課....

洋蔥頭媽咪

hi_baby 發表於 17-3-9 12:30
班主任已經同我傾過，問題係佢懶寫家課又甩漏，應該並唔係唔識做嘅問題，呢家唯有聽天由命，班主任佢叫佢 ...

懶同甩漏只係藉口，若非唔識做而刻意唔寫唔記得，根本就係學習態度有問題，學校有 e class 嗎？中一應該仲有渠道可以睇，又或者佢在校有好朋友嗎？就算冇抄都可以問同學啫，佢唔做功課在家時間有咩做？玩電話？煲劇？睇小說？佢成績ok嗎？樓主你女兒是否小學習慣有人督住做？如果倚賴慣升中後冇人督促通常易失控。樓主要做嘅並不是聽天由命，而是與孩子約法三章，適量地收緊孩子自由度，e.g.在家玩電話唔做功課就減少上網功能，與老師協商佢唔抄功課就搵班長/同學幫佢檢查，抄好才可以放學，佢咁大個覺得醜自然自己會去做好佢。樓主若而家唔管，過兩年就更加冇法再管到架啦。

洋蔥頭媽咪

hi_baby 發表於 17-3-10 12:40
我個女正正係唔係第二日交嘅就唔記得交

呢樣問題好易解決啫。我仔升中就比左個日曆佢放響書枱，會遲交嘅功課、默書、測驗、要帶嘅嘢都會寫在日曆上要交功課的前一天，每天執書包/執功課時就睇下個月曆， so far 我仔暫沒有有帶漏嘅情況，不過而家佢已經懶唔會寫在日曆上，我就教佢可以好好利用手機嘅日曆做記錄，手機亦有提示功能。其實孩子剛剛升中可能未摸索到如何管理自己，家長可以提點下方法，待孩子習慣了，就能建立到自我管理嘅模式。只要佢肯做，其實一定有方法，問題在於孩子是否有責任心啫。

洋蔥頭媽咪

CPLA 發表於 17-3-10 19:53
我仔寫家課冊時，將功課索性寫喺交嗰日，並會寫低收到功課日子。例如今天10/3老師話26/3要交剪報，佢就喺 ...

做功課本來就是學生基本責任，最重要孩子自己都有責任心，各施各法，佢地自然會搵倒啱自己嘅方法 。