王錦輝小學家長,請多多指教.

niara

佢哋英文科測驗考試同一般學校好唔同，READING卷有閱讀理解，但選擇題嘅答案唔會好直接。WRITING卷只有一條題目，以P1為例，佢會叫你先畫一幅好細嘅畫，再寫文，全份卷靠份文打分，所以你個小朋友最好喜歡寫字
呢間學校喜歡要小朋友留意身邊事物加思考，每學期都有兩次SHOW AND TELL，圍繞一個題目做手工加2-3分鐘PRESENTATION
到三年班學嘅文體就更多，今年英文期末考係議論文
如你想小朋友入HKBUAS，可以先培養小朋友用畫來表達自己，當年我幫嗰個小朋友都係畫咗幅五級大火加警署，呢個小朋友今年升小二了
不過我睇返佢地今年書單，好似又會改課程，不過我覺得讀得HKBUAS嘅小朋友第時支筆係好強嘅
你可以陪小朋友睇TOM AND JERRY，個升小四嘅話佢地有時上堂都會睇
(笑)

niara

寫作對hkbuas嘅小朋友係好重要，你個小朋友今次考a zoo animal寫得多唔多？其實可以自己跟，你用佢平時english folder入面嘅notes就會知道佢嚟緊會考小朋友啲咩，例如今次zoo animal，係課堂farm animal嘅延續篇，要考小朋友adjective，所以我同個小朋友準備咗好多adjective嘅用法...至於二年班，今年考super-duper family member，學校考試前寫過super-duper teacher，要考adverb，所以係可以溫㗎！呢個暑假，你可以叫小朋友繼續寫journal，練返多啲adjectives，最好寫到15句啦，下年就會好勁的啊！ (笑)
下年唔駛買書~唔知道個課程會改成點呢？期待

niara

原帖由 idy926 於 11-7-26 16:23 發表
niara, 多謝你回覆呀！經過一年，我都知A school係好重視寫作，仲有show and tell，又作又講，真係幾好嘅訓練。
我女寫zoo animal寫左半版，應該都有15句，老師都話寫得ok，但我見佢成績表上，中文，數學成績都好好，係英文爭一級...覺得自 ...

呵呵~唔駛客氣~啲小朋友唔係我嘅，你明㗎喇
我跟咗王錦輝呢間學校都有四年，我認為今年一年級嘅學生係最幸福嘅，因為間學校知道點教小朋友了
我見有好多人話hkbuas唔好，我相信嗰啲係個小朋友都要升小五小六，殘忍啲講，我個小六王錦輝同小四王錦輝嘅英文程度係一樣，所以有人話hkbuas唔好係唔出奇，不過唔係而家，所以嚟緊我都幫緊兩個小朋友考入去，希望得啦
你都應該同你個小朋友完成了詩集了吧？當中嘅 acrostic poem，兩年前係二升三嘅暑期功課，而家一年班嘅要做了。
你女女寫到十五句都好叻，要讚，佢爭一級嘅原因可能係寫得唔似說明文，舉個例，如果你寫I like lions because they are big. I can see they eat meat. I like brown lions.
呢啲句子係啱，無離題，但高分唔到，因為第一，句子唔夠長；第二，說明文係唔可以有 I呢個字。所以寫成咁：
Lions are big and they are brown. They eat meat. They live in a zoo. Their babies are called cubs...
寫返十句八句加埋長句子咁就perfect!! 我個P.1 臨場話唔記得咗好多LION，所以佢寫BIRD，佢話同之前學校教嘅DUCK好似，有信心啲，因為佢喺WRITING GROUP所以個分OK，係仲未掌握到長句點寫，一年班啫，慢慢教
(等陣回來再探討GRAMMAR問題)

niara

原帖由 idy926 於 11-7-26 16:23 發表
niara, 多謝你回覆呀！經過一年，我都知A school係好重視寫作，仲有show and tell，又作又講，真係幾好嘅訓練。
我女寫zoo animal寫左半版，應該都有15句，老師都話寫得ok，但我見佢成績表上，中文，數學成績都好好，係英文爭一級...覺得自 ...

回來了！繼續！
指教...不敢當，只係見足四年五個年級嘅學生，而我又真係好鍾意呢間學校啲小朋友，所以分享下，令唔知點幫個小朋友溫書嘅家長冇咁心急啫！希望幫到你

下年唔買書，以我推測係佢哋用四五年嘔心瀝血做嘅教材終於完成了(係就太好了！)佢哋每年本SPELLING同PHONICS都淨太多，下年又用唔返，再講，本書美國出，入面內容唔係好啱香港小朋友，再整過一套係一間負責任嘅學校嘅表現

如果下年都唔教GRAMMAR，你可以自己教，唔好話自己英文唔好，亦都唔好喺個女面前講，MOM，YOU CAN DO IT XD!先頭講過，HKBUAS二年級教ADVERB (下年唔知，開咗學再CONFIRM)用ADVERB先要VERB，所以你可以用今個暑假同女女串定一啲日常用VERB，EAT, GO, PLAY, BUY, READ, WATCH, LOOK, DO, DANCE, SING...(串埋PAST TENSE)最好係佢會做嘅動作，佢寫JOURNAL先會用得返

再嚟教佢用AND同BUT寫長句，提佢用FIRST, NEXT, THEN, LAST技巧分段，記熟了下年會得心應手

HKBUAS的小朋友不要做坊間同年級嘅作業，因為會打亂佢哋平時學嘅進度，如ADVERB是小五才教的，再小二的練習只會有PRESENT TENSE同 PRESENT CONTINOUS TENSE，你女女做完後返學又用唔返出嚟，會唔開心

你花很多時間陪她溫書的嗎？其實每日15MIN就可以了，你同佢做口頭JOURNAL，叫佢講六句，講講吓就好多㗎喇！你同佢都冇咁大壓力啦！我啲小朋友都係一個WEEK溫1.5-2HRS㗎咋！唔駛成日溫，去玩吓啦！

再聊吧！
NIARA

niara

原帖由 Schoolbus26 於 11-7-26 14:40 發表
佢地的英文咁無論是寫及講都應該好好, 學生是否每天都有很多寫作的呢?  佢地學的英文是否很深?  因為你地話小一二已經考很多adjective and adverb.  而且我想了解下佢地通識堂是學什麼呢? ...

佢哋唔係成日寫，係同一款寫好多次，寫到慣晒先再開新TOPIC。以班小鬼同我講，佢哋有時上堂會睇TOM AND JERRY，有啲班會有零食PARTY，加埋二十個同學輪住SHOW AND TELL，佢哋嘅英文堂真係好好玩

小一ADJECTIVE同小二ADVERB係教佢哋運用，唔係好深，都係教HAPPY, SAD, RED, BLUE或者SLOWLY, FAST...呢兩年嘅小朋友要習慣寫，唔識要先靠自己找答案，記得個P1仔開學無幾耐要寫MY FAMILY，爸爸喜歡茄汁但佢唔知茄汁點串，於是就打開雪櫃搵支茄汁抄，但唔記得擺返入去結果俾媽咪話。佢真係好可愛 ^W^，HKBUAS嘅小朋友就係咁樣幫自己，絕不港童

佢哋未有一科叫通識，係常識加科學，科學英文教，呢兩科俾我嘅感覺係班老師同小朋友一齊研究呢個世界，研究身邊的事物，從中得到知識，或者你講得冇錯，呢啲咪就係通識咯。最起碼嗰日個P1會同我講：「姐姐，哥士的加漂白水係會「銀呀」㗎！」

niara

原帖由 elizatyy 於 11-7-26 19:24 發表
How about 中 / 數 level?

數學跟一般學校一樣~只係用英文教~~

中文...我都幾佩服佢哋教嘅中文，一年班寫作已開始用關聯詞，仲有四素句，人看句等等...其他小學很少咁教，班小朋友支筆都唔錯！唯閱讀理解練得不太夠。希望他們下年的新教材有進步！

niara

原帖由 c1234 於 11-7-27 12:20 發表
hi niara,
thank you very much for your sharing.may I discuss with u about hkubas by PM or e-mail?

好呀~~ PM吖~

niara

原帖由 Schoolbus26 於 11-7-27 09:20 發表
什麼是四素句及人看句?

哈哈~係唔係覺得啲TERM好PRO呢？嘿嘿~

四素句，即句子內有四個要素：時、地、人、事，小朋友只要寫得出呢啲句子就OK！
例：
早上，媽媽到市場買菜
星期天，我和妹妹到圖書館看書

好易...係HKBUAS俾咗個PRO TERM....WAKA


人看句...我記得仲有人聽句、人動句、人感句同人說句
人看句：我看到天上有很多星星
人聽句：妹妹聽到小鳥在唱歌
等等...

呢啲都係LV1嘅題目，我覺得最難都係要小朋友掌握關聯詞嘅用法
想起都好笑，跟大家分享一下
我記得P1有一次要小朋友以「假如」作十句，是堂課，我見到很多句子都作得不錯，例如
假如我是超人，我便可以救日本的小朋友 (地震嘛)
不過最精彩的，是第十句：
假如我是老師，我便不會要小朋友做功課

衰豬~哇哈哈哈~

[ 本帖最後由 niara 於 11-7-27 22:05 編輯 ]

niara

原帖由 jql 於 11-7-27 16:37 發表
My son will start his P1 this Sept.  After viewing all your comments about the school, I really excite to see the change of my son in his new school life.  

Enjoy everyone!

恭喜晒~~！

PS:圖中就是你的仔仔嗎？個肉緊樣好可愛啊

niara

原帖由 idy926 於 11-7-27 14:00 發表
嘩，好詳盡呢！間學校有你咁有心嘅"姐姐"，D小朋友真係有福氣！
　　真慚愧 ，其實我平時只係同女女跟下功課，溫書只係默書同評估時...睇黎P2要每日溫番少少先得!
　　詩集做緊啦，都幾深㗎，吾知比功課前有無教？我女有些吾 ...

欸，你做緊詩集，以下條LINK可能幫到你，ACROSTIC POEM

http://college.holycross.edu/faculty/dhummon/acrostics/singapore_austrailia.html

參考吓都好

niara

想請問WKF係咪由小學起，除了中文外，其他科全部都係英文教學？係
咁如果小朋友英文弱D，咪追唔上？
咁又唔可以咁講，四年班之前都唔可以話小朋友啲英文弱，你覺得佢弱或者係家長安排咗啲唔太合適嘅課程俾小朋友。你要睇小朋友怕唔怕英文就真，不過對英文有興趣係可以培養出嚟。再講，讀得wkf，家長就要全情投入，即你要同佢一齊享受這個學習過程。有爸爸媽媽對自己的英文冇信心，你的小朋友又何嘗不是呢？那何不坦誠相對，媽媽上網搵wiki，女女你幫我查本(兒童)字典：阿仔你隻木伐仔支旗油住顏色先，啲雪條棍等阿爸嚟黐！試想一下，如果大家花了這些時間在ipad，或者冒險墓園，轉眼間，孩子大了，再也沒有機會再做小木伐了

講到有點感觸添~ 希望冇離題~ 我淨係想講，wkf比其他學校令你有更多機會和孩子一起成長，共勉之

niara

原帖由 candysweet18 於 11-7-28 23:25 發表
Hi niara

請問收到PM嗎?有事請教!!!

Thanks

覆咗你喇~ (笑)

niara

原帖由 sweetbaby999 於 11-7-28 23:50 發表
WKF是我心儀的一間學校,但某些原因令我有所顧慮:

1. WKF一向被外界定形為一間Happy School, 學術水平淺, 我睇過一些網友寫功課少得可怕, 學生如何在一間少功課, 水平淺學校維持兢爭力, 大家去到考大學高考時,便是見 ...

1. WKF一向被外界定形為一間Happy School, 學術水平淺, 我睇過一些網友寫功課少得可怕, 學生如何在一間少功課, 水平淺學校維持兢爭力, 大家去到考大學高考時,便是見真章時候?Happy School係因為大部份老師都唔會惡言相向，懂得尊重小朋友，失敗了也不會被人鬧地底泥，係一間用正面方式(幫小朋友定目標，而唔係淨係叫你乖啲啦嘅方法)令小孩子改過。他們看似功課少，因為大部份嘅功課都要思考，而不是抄寫。他們水平不淺，我做過一個實驗，將一本英文故事書miss daisy is crazy同時俾一個wkf2年，一個粉嶺于良發4年同一個大埔田家炳6年睇，他們都是用2.5小時完成，寫嘅book report都係80-100字，係2年個小朋友嘅句子短一點，但她的詞彙生動多了. (4年同6年二人在校內都是全級20名內)
雖然你可以話係個別事見，但wkf嘅小朋友識字能力很強，這是不能否認的
見真章...無錯，我知道他們長大後最叻嗰科一定係通識
2. WKF開校一直受行政混亂,老師流失率高的負面新聞困擾,近兩年是否有改善?
嗯...其他科不太記得了，英文科班底都冇咩點變，我都知道班老師仲教緊...有個加拿大老師改文好細心，我很喜歡，他們的課程近兩年好了很多，學生也知道自己在學甚麼了
3. WKF開校時接收大量Band2/3學生, 想問一下, WKF屬於Band幾?
冇錯，呢班學生都五六年班了，而間學校band幾，係靠三年同六年班小朋友考tsa㗎，間學校今年批三年班比之前好了，相信grading也會好了點
4.WKF 收生準則如何? 本人準備为小女準備,不知Niara認为應如何裝備提高錄取機會?
表達！我都有兩個要考
1.要有禮貌，見人講早晨！食飯要嗌人~(我句格言~waka)
2.要學識講全句說話，要飲水就唔好講「水！」要講：「媽媽，我想飲水唔該」齊晒先好俾佢(頭幾次要教嘅)
3.畫畫，唔係出去學，係俾張紙佢，叫佢畫自己鐘意嘅嘢，然後叫佢講吓幅畫係咩，千萬不要話呢樣唔似，嗰樣唔似，唔似唔緊要，最緊要佢肯分享
4.學識喺自己唔識嘅時候講sorry i dont know，唔好驚
其實，學校今年開始唔收portfolio，這是一件好事，太多cert反而會令人覺得你唔識為小朋友打算(個人認為)與其我同時見到小朋友學長笛、小提琴、畫畫、phonics、跳舞...不如俾我知道你們參加了親子農場等...我感覺會好好，you are always together with your child，樂器一樣就夠
5. 帶佢去圖書館，博物館等，再叫佢話俾第二個人聽
我試過問過一個小朋友：邊個同你去圖書館睇書書？
小朋友答：工人姐姐
結果，媽媽帶了小朋友去了圖書館兩個月，小朋友才改變了答案(一定唔可以叫小朋友講大話)
5. WKF是否双班主任制?係
6. WKF校風如何?一間學校，一定會有好壞學生，喺另一條link有人講過wkf啲學生喺地鉄好嘈，我相信呢啲係家長教小朋友如何潔身自愛，you can do it! :)
7.學生功課量多嗎?抄寫少，思考多，手工也多 有考試嗎?有  是否有名次?冇

呼~答完了~希望幫到你
我真係對wkf有點情意結，佢哋冇佣俾我㗎 (講笑)

niara

原帖由 idy926 於 11-7-28 01:05 發表
Niara,
有關資詢或教學上的知識可否都PM埋比我呀?不過如果post出黎方便D,都好呀. Many Thanks !

講番関於ACROSTIC POEM條link, 原來就甘一行一個詞語都得架咩?我仲叫女女寫句子添. 眞係幾好嘅reference呀!

...

欸欸
你叫女女寫咗就唔好改啦，一行一字仲要跟主題好難作㗎，好易離題，同埋學校都係教用句子，你冇教錯㗎，不過真係諗唔到，一句半句用一隻字都ok，我有時都偷雞...hehe...

niara

不如咁，wkf教學資源我開過個新主題吧~

niara

原帖由 elizatyy 於 11-7-29 20:43 發表


WKF的老師多由外国回來的？我不見有外国人NET.

華人嚟㗎，個仔仔話個老師喺加拿大返嚟

niara

原帖由 sweetbaby999 於 11-7-29 22:39 發表
Niara,

您真係好好人,資料好詳盡,幫我更了解WKF.

Interview 係考D乜?用英文考到中文?普通話駛唔駛考?

家長要唔要面試?

多謝你讚我，嘻嘻~
很可惜，佢年年考嘅都唔同，我覺得佢係免得大家質啲小朋友去面試班，不過我覺得他們一定會睇小朋友嘅禮貌、自信、表達、分享，最最最重要就是家長你將會如何配合WKF教學，俾學校知道你心目中想個小朋友在WKF學到咩...

你可以試答以下問題：
1.點解你會揀WKF?

2.你覺得你仔仔／女女有咩優點？

呢兩條絕不是面試題，只是我讓你想一下，讓你更能夠在校方面前表達到你和小朋友的關係

我見好似有幾位準P1嘅媽媽，她們一定比我知得更多
我聽有家長話小朋友是會用自己母語面試，WKF今年的介紹會你有去嗎？

niara

原帖由 sweetbaby999 於 11-7-31 09:59 發表
學生唔知名次,咁点知自已banding ??

我唔係太明~~點解學生要知道自己banding? 你係話驚自己小朋友跟唔上？

niara

原帖由 carollung 於 11-8-5 01:24 發表
niara,

多謝你詳盡的解答,本人真的無為小兒選錯學校,之前的疑慮一掃而空

多謝你, 小一嘅小朋友今個月要早啲瞓呀! :)

niara

問咩呀？名次？

原帖由 cocohead 於 11-8-10 21:13 發表
可唔可以問學校呢?