終於塵埃落定

yuenwa

由6月6日開始打仗, 在7月2日終於完結.

為了心儀的嘉諾撒聖方濟各, 之前花了好多時間準備, 可惜最後都不能成功, 只好說是我一廂情願.

由於家主東涌, 我早在亞囡兩歲時已為她籌謀出市區讀書.  我特意安排她由兩歲開始便在銅鑼灣上學, 好樣她在生理時鐘和體能上都能適應在市區上小學.

因為不想借地址抽小學, 所以亦一早崔谷個女, 裝備好自己去叩門.  叩問Profile個女都有努力參與, 自己親自書寫.  以為只要有誠意, 叩問應該沒問題, 卻原來這全都是我一廂情願.  我認為書是小朋友讀的, 只要小朋友"掂", 學校便會取錄.  後來發覺, 原來不成功不是小朋友的問題, 而我父母的問題.  面試時我自問亞囡表現95分, 只是我作為父母, 沒能力安排亞囡在灣仔區居住, 又沒能力安排工人照顧, 結果在面試時處處受質詢.  

我為亞女叩了6間小學:
嘉諾撒聖方濟各 - 不成功
嘉諾撒聖心 - 沒有面試機會
聖保祿天主教小學 - 不成功
英皇書院同學會小學 - 取錄
聖公會基恩小學 - 取錄
東華三院李賜豪小學 - 不用面試已取錄

3 間成功.  不成功的3間都是傳統名女校.  我為亞女選這些學校都是因為該校有中學, 而且傳統名校的校風一定不會差.  

經過幾輪面試後, 我老公才坦白同我講, 就算考到, 我也不會讓亞女入讀.  他覺得這些傳統名校的老師, 都有一定年資, 相信只有他們說一, 亞女不能說二.  亞女性格百厭外向, 好奇心重, 說話又多, 在這些學校讀書一定"冇運行", 難道要亞女每日返學比老師罰?

我是不甘心, 亞女的表現真是不差 (除了聖公會基恩面試外), 但聖公會基恩都取錄她, 我真是想不通.

之後我就同亞女話, 所有學校都取錄你, 讓你選的話, 你會選那一間?  她想也不想, 便說要到"英皇書院同學會小學"讀．　她知道我最心儀是聖方濟各，她還懂得安慰我, 她向我保證, 無論在那裏讀書, 她都會考第一.

結果在未有聖保祿的消息前, 我們一家都決定了讀英皇.  我老公竟然很慶幸聖保祿面試不成功, 否則我們一定會有另一場爭辯.

我心現在已平復, 亦很開心終於塵埃落定, 不用睡不安, 食不下.  現在只是每天都同亞女商量買個怎樣的書包, 上學時午餐要吃甚麼.  我會只好等亞女完成一年班, 再作檢討.

在此, 我很感謝所有在我叩門戰鬥時給我很多鼓勵和祝福的BK媽咪和爹地．

我亦祝福來年參加大抽獎的小朋友和家長, 希望大家都派到心儀的學校.

yuenwa

原帖由 rabbit 於 09-7-10 14:38 發表
Yuen...

曾幾何時我亦深信女兒的能力不比別的小朋友差,所以我亦變得理所當然,顺理成章一定有好學校在等着我們.殊不知原來除了孩子的能力,父母多少付出、緣份亦相當重要.孩子的爸爸說莫強求.塞翁失馬焉知非福.不要用 ...

我同意塞翁失馬焉知非福.  對於英皇, 我面試完都有些喜出望外.  平平無奇一間學校 (我身邊的同事和朋友都話在中西區, 英皇不算是好出名, 不明白為何我個選這學校), 估不到有個"頂瓜瓜"的校長.  大家如果細心留意各學校的學習報告和師資, 這間學校比其他如"聖公會基恩" 還要好.  我對這學校沒多少認識, 只是從我舊老闆(他是科大教授) 和一個街坊(她的細仔都是山長水遠從東涌出外讀這校, 她的大仔現在聖保羅書院讀中四)那裏得知.  

我曾向神祈禱, 給我應許讓亞女成功叩入聖方濟各, 若這不是祂的旨意, 希望祂會教我順服.  但知道不成功時, 我心真是好似小朋友, 有些"嬲"祂, 因為我有不住的祈禱, 不住的努力.  但慶幸第二天, 我已學會順服.  現在相信這一切都是神的美意.  我老公認為, 在這校最起碼校長很喜歡亞女, 校長一定會好鍚個女, 不會"冇運行".

yuenwa

原帖由 KaHeiBaBa 於 09-7-10 17:27 發表


出年輪到我囡囡，校網：12 ......

送首歌俾妳，yuenwa，加油呀 !!

UN8nK3DSZFI

KaHeiBaBa,

多謝首歌.  如果你住灣仔區, 你就不用擔心. 因為灣仔區女仔好多好學校選擇.  我個女住灣仔區或南區的同學, 全部都派頭3志願.  有個女同學都派到聖方濟各.

yuenwa

原帖由 cherrychung 於 09-7-10 19:01 發表
玫瑰

我又何嘗不是，之前考了６間私校得一間收（仲要是個個都一定收的），派位又派得好差，之後叩了９間學校門，當時好多朋友都同我講叩門是睇小朋友讀邊幼稚園的時候了，我都滿以為咁應該都有好多有得見，因我間幼稚園都是名校，但結果得 ...

cherry,

哈哈! 智罡考小學, 咁似考幼稚園翻版.  最後你會比佢讀邊間?

不如放假約埋PINKY出來玩.

yuenwa

原帖由 youma 於 09-7-10 23:42 發表


單是不想借地址已令人敬佩.

.

過獎.  我只是不作神不喜悅的事.  若不是有神的guideline, 我可能都會把持不住, 因為我朋友是主動提出借地址給我.

我老公都有些怪我, 但最後都想通, 是教小朋友誠實的重要性.

yuenwa

原帖由 鎧惠 於 09-7-10 23:44 發表


祝小朋友有一個快樂的小學生活！
我支持你女兒的說話，亦非常欣賞她的懂事，
祝福你們一家

鎧惠,

很多謝你的祝福.  就是你的禱告, 我們才可塵埃落定.  

祝你的小朋友一樣有美好的新學年.

yuenwa

原帖由 smartcar 於 09-7-11 03:11 發表
congrate!  Very high hit rate at 50%..

this is a classical example of well prepared parents suceed in the P.1 selection exercise.

and your daughter is very smart with strong ambition too. ...

smartcar,

就是因為我遺傳了天生崎嶇的命運給亞女, 生命中沒多少好際遇, 所以我就好嚴格訓練亞女比較"戰鬥格".  不過亞女都承傳了爹地的懶惰性格, 我要好似渣汁機, 亞女就係個橙, 每日都要比我盡量渣.

yuenwa

原帖由 daisy17772 於 09-7-10 23:38 發表
Quote:
There're always opportunities for those who always prepared themselves for....this is true for career as well as for education.  Let the past go behind, and plan for the better future.  

我就是抱住"一分耕耘未必有一分收獲, 不耕耘一定沒有收獲"的態度來面對我崎嶇的人生.

yuenwa

原帖由 parentslove 於 09-7-10 13:39 發表
Congratulation!
We're still waiting for the reply for my 1st daughter but in Kowloon Side.
I've to flight again with my 2nd daughter this September.

Good Luck! Don't give up!

yuenwa

原帖由 Charlotte_mom 於 09-7-10 13:42 發表
叩門本身唔係易事, 一間學校得果10個8個位, 越老牌既學校, 有關係既人就越多, 呢樣係必然
而家d細路真係好犀利, 想叩門入, 除左識人, 就係講本事, 想當年我女考小一, 聽過有人已經有5級鋼琴程度, 有d小朋友年年lor獎 ...

唔係咁誇張, 考小學有5級網琴.  比你日日乜都唔做, 不斷練琴, 都冇可能係短短3 年考5級啦.

yuenwa

1)唔喺自己本區讀幼稚園係對小一派位無幫助嘅，正如nicolemummy嘅方法，K-3先到灣仔區租平啲嘅樓，然後喺統一派位首選嘉諾撒聖方濟各就絕對有勝算。(十分讚同)
2)樓主嘅老公話考倒都唔讀我相信係為咗減低大家嘅壓力，如果嘉諾撒聖方濟各或聖保祿天主教收咗，我相信首要擔心嘅係追唔追得上學業，而唔係小朋友百唔百厭，再者，如果啲老師可以教乖你囡囡就真係多謝都講唔切啦。(我老公真係好體貼.  不過我從來冇擔心過亞女追不到學業, 心儀這類小學, 都知道佢地的功課是怎樣一回事, 我小學時是讀崇真小學英文部, 絶對明白過中過程.)
3)往年我都識人喺無關係及他區的情況下叩門入到嘉諾撒聖方濟各或聖保祿天主教，不過今年朋友叩門入唔到，所以叩門係實力+運氣。(從來大抽獎就是運氣, 我相信有好多人好氣憤是因為有人運氣好, 抽到入名校, 但成績是逢二進一.  我覺得學校只有在叩門位上有收生自主權, 當然好簡擇, 係無可厚非. )
4)樓主啲朋友唔明樓主點解揀英皇同學會，校長頂呱呱？ 2年前我囡囡統一派位派呢間學校，我哋立即放棄咗，樓主有時間可以揾番2年幾前嘅新聞(唔係傳聞)，咁你咪知點解囉，不過，時間可以改變一砌。(因為你這樣講, 我就馬上去搵返兩年前的新聞, 搵到BK一個topic講佢地既問題. 在新學年我會好好留意還有沒有那類老師, 再作檢討. 多謝提醒.)
5)中西區好多津校都出咗升中結果，樓主及BK家長可以比較下各間學校嘅成績。(老實講, 我最心儀最心儀都是聖士提反, 但我自知沒地址的話, 連叩門都無從入手, 所以才首選嘉諾撒聖方濟各.)
6)囡囡為甚麼選英皇同學會而不是其他學校？
(東華三院李賜豪是一所正在進步中的學校. 我亞女有好多同學都選這校, 而這校亦有與我亞女讀那所幼兒園(基督教服務處)有聯繫, 所以我一交叩門信, 他們便取錄我個女.  我個女的師兄師姐在這所小學都表現得很好, 所以這所小學好歡迎基教的小朋友.  我叩這門係因為要起碼亞女可以出港島讀書.  但幼兒園校長同我講, 如果有其他學校收亞女, 就不要讀李賜豪, 因為這學校程度較淺, "哂"左我個女.  

至於聖公會基恩小學, 相信在中西區內算是名校, 我亞女有兩個同學都派到.  我和亞女都不選這校是因為面試時感覺不好. 面試時我都不知校長想了解我亞女甚麼, 她花了很多時間向我亞女說教, 亞女開始時是十分迷網, 其後就有點不耐煩.  我亞女在面試時的態度是很差的, 事後我都恨恨教訓她一頓.  我本來預算校長不會取錄, 後來取錄她, 我相信原因是我最後要亞女向校長道歉.  我老公當日都沒有去面試, 相信當時他心已屬英皇.)

yuenwa

原帖由 Sindy 於 09-7-11 18:09 發表


學琴唔係一年一級架.........梗係有可能啦,如果個阿媽識彈琴,日日係屋企同佢上堂,個小朋友又聽話......點會無可能

個小朋友好可憐, 仲生活係"莫札特" 時代.

yuenwa

原帖由 w_y 於 09-7-11 19:01 發表
美麗的玫瑰都有刺啦~~
路途崎嶇, 都叫有條路行, 未係絕路.

哈哈, 可能我老公幫個女改壞名.  我個女真係叫 Rose.  我陀住4個月時, 照到係女, 我老公就話個女要叫Rose.

yuenwa

原帖由 aptcan 於 09-7-11 20:00 發表


唉我同你一樣住係東涌, 但又心儀12區啲學校, 小朋友仲要係東涌讀緊幼稚園K1, 到時就睇吓佢既造化啦!
:cry:

我要個女由兩歲開始出銅鑼灣返學, 係因為要佢習慣長途跋涉, 體能上適應.  因為上左小學, 就算去一間程度淺的學校, 那些功課同幼稚園都有天壤之別.  你要好好考慮.

yuenwa

原帖由 amourjayson 於 09-7-12 11:17 發表
You are really a good mum ..Proud
which school you got for your lucky draw then?
which kinder are you studying now?  

過獎啊!  亞女原本派到東涌靈糧堂秀德小學, 係第一志願. 但我從來冇想過比個女係東涌讀書.

幼稚園係基督教服務處時代幼兒學校.  基教好著重藝術, 我個女好藝術家脾氣, 古靈精怪.

yuenwa

原帖由 lola2008 於 09-7-12 14:24 發表
yuenwa, 看了你和你女兒一起走過的路，我實在很感動，但現實歸現實，我想如果你終極目標是嘉諾撒聖方濟各，那麼你現在的選擇，何能未必上算，其實好簡單，一些傳統名校，如喇沙、Maryknoll、她們跟本沒有公開的叩門位給P.1學生，這些寳 ...

在另一TOPIC有個媽咪的小朋友都係住東涌, 剛剛成功插班嘉諾撒聖方濟各.  

所以我而家唯一可做的, 就係好好幫個女讀好P1, 到時再試插班.

yuenwa

若說基教是程度淺, 我覺得對這校十分不公平.  亞女有芭蕾舞同學讀St. Paul 幼稚園, 聖瑪加利大.. 等幼稚園, 大家比較過功課, 都話基教深.  剩係基教要小朋友在k2時開始睇報紙和present 段新聞, 就夠小朋友受.  而且亞女班主任在去年開學不久, 已特別加碼給我個一些較深的功課, 所以老師都有幫我手谷, 都好希望亞女成功叩門. 我去年開學不久亦開始買小一的補充練習比亞女做, 佢唔使我幫都可以自己做到.  

基教不但給亞女有個美好的童年, 還訓練亞女自理和自律, 我相信基教出來的小朋友, 我不敢說全部, 大部份的小朋友都可以應付程度高的小學.

不過我都同意, 名牌學校當然選名牌幼稚園的學生, 最起碼讀得起名牌幼稚園, 其家庭可以比好充裕的資源個小朋友, 再加上送小朋友去名牌學校的家長, 都係一群對小朋友有要求的父母, 我係小學校長, 都會想收這一類學生以維持質素, 係無可厚非的.

我對個女的能力沒有懷疑, 只是運氣和我的部處都出了問題. 無奈我真係資源有限.

不過, 剛在升中的forum看到有Band 1 成績, 但派到band５學校, 真係心都寒埋, 所以明年插班真係在所難免. 希望亞女夠堅, 可以忍受得住我的地獄式訓練.

yuenwa

原帖由 video_ming 於 09-7-13 22:57 發表
yuenwa
為何要小朋友去走你想的路,每間學校都有優點和有差點,小朋友在一年裡結識了好多好朋友,又可憐地要轉校 ,又要小朋友接受你的地獄式訓練.又要小朋友忍受你.你是為了名校,沒有為小朋友想.我相信如果小朋友是 ...

小朋友甚麼也不懂, 不走我安排的路, 要她走怎樣的路? 我們那一個不是跟著前人的足跡而成長?

我對亞女有祈望, 希望她十項全能, 就是因為她的性格太倔強, 我對她嚴謹, 是希望她夠硬正, 面對外面的風浪. 我希望她早日有能照顧自己, 保護自己, 不用我擔心.

我爸爸在我6歲時得了癌症(當時他才39歲), 雖然醫好, 但後遺症折磨他下半生. 我家沒有一日安靈.  我爺爺是肺癌死的, 麻麻是血癌死.  最近老爺亦是癌病死. 我好怕我隨是會患病, 我不想萬一我患病時, 我個女還是一個BB, 不會照顧自己.  老實講, 我好討厭現時很多小朋友甚麼也不懂, 只係找工人服侍.  好多女人嫁左人做人亞媽, 連煎隻蛋都唔識, 以為自己係公主.

我對亞女要求嚴謹, 係希望她都是嚴謹, 不馬虎的人. 這些價值觀如果在孩童不植根在她心中, 第日她長大面對花花世界時, 便很容易受到誘惑.  尤其她是個十分聰明的人, 很容易走歪路.

我從不覺我個女可憐, 現今那有小朋友是可憐的.  她有父母長輩疼鍚, 生活從無所缺, 她想要的, 就算我不供應, 都會有他人供應.  

我不是虛榮要亞女入名牌學校, 只係想找一所不太複雜的學校, 太名牌如Marymount, 我都不敢高攀. 我就是為了她著想, 入到了有好中學的小學, 不用太好成績, 中規中矩就直上中學, 以亞女的聰明才智, 一定能有快樂的小學生活. 現在在一家沒有直屬中學的小學, 亞女必須要考到Band 1 頭成績, 才有把握入到一個不過不失的Band 1 尾的中學.

yuenwa

原帖由 feelsogood 於 09-7-13 23:59 發表
You think the parent keep training up the kid is 可憐.

You said you won't let your daughter go to those traditional school because she's active and traditional school is not suitable.

But at the sam ...

我個女活躍, 係我老公認為她不適合傳統學校.  我返而覺得係傳統學校綁下佢, 等佢收歛一下都係好事.

我一直心儀的都是幾家傳統學校, 我怎會不想送個女去讀.  只是現在考不入, 我唯有接受現實, 在其他學校讀, 暫時不再糾纏叩門, 疊埋心水準備開學.

如果對小朋友無要求, 小朋友拿不到好成績, 你認為個小朋友會不會開心?

我小時候父母未能照顧我, 我跟外婆大.  我亞媽送我到崇真小學讀書, 但從來未幫我交過學費, 係外婆在我亞姨和舅父的家用打斧頭養大我.  我讀小學時, 功課好深, 但屋企冇人幫到我, 又請不起補習老師, 我的成績好差.  老師不喜歡我, 同學都因為老師而不喜歡我.  好不容易捱過小學, 去了一家band 3中學讀書. 我難船有三根釘, 上到中學就好輕鬆.  

而家我有能力係學業上幫助亞女, 我谷個女都係希望佢有好成績, 未試過拿100%, 那有鬥心再繼續努力.  每次亞女係學校拿好成績, 佢最開心不是要我獎她甚麼, 而係老師的稱讚.

yuenwa

我在這開這topic, 目的都是想多謝支持我的bk網友, 和舒發一下心中的鬱悶, 想不到有這熱烈的討論.

每對父母都有不同的教子方程式, 而每種方程式都受不同家庭的背境而產生, 許或大家認為某些正確, 某些不正確, 我認為這裏討論的父母都是著緊自己的小朋友的, 若果不著緊, 跟本不會花時間研究那間學校好, 或在網上找資料或意見.

雖然我女入不到我心儀的學校, 但我不覺得學校黑暗不公平. 我只是事前摸不清學校是以甚麼準則收生, 所以不成功.  或許我很天真, 以為小朋友努力, 我們便會成功, 但原來小一叩門不是那回事.  不過這裏有小朋友真是憑自己的努力和實力, 成功插班入二年班, 因此我亦不會灰心.

大家的觀點, 給我很多啟發.  雖然我女兒是很聰明, 但她還小, 還未到我放手的時候.  或許她真是在忍受我的嚴苛, 但大家真是不用擔心, 我有個體貼的老公, 我女兒有個天才爸爸(亞女成日賣口乖讚爸爸是天才), 他是我和亞女的潤滑劑. 亞女每天還是有時間玩, 有時間hea.

對, 批評的說話的確很"銀"耳, 大家都很"肉緊"的指我的做法不對, 我不相信大家是有心攻擊我, 因為大家都互不相識,  實在沒有必要惡言相向. 坦白講, 我覺得大家都在教訓我, 我真的不好受. 都怪自己人老了, 自尊就睇得重了.  這亦提醒我在女兒面前或許真是太權威了, 我亦應作出檢討.  我很樂意聽耳大家的教子/愛子方程式, 但請語氣溫和一點, 否則我自己亦不敢打開這個我自己開的topic來看.