中環聖公會幼稚園出年暫借畢拉山分校授課

Lilo

見到個topic好意外呀!!!!我小朋友係今年中環校的畢業生, 所以無收到張通告.點解間學校可以咁不負責任,話搬就搬,去年interview時又唔通知家長?等我仲成日同人推薦呢間學校,你地睇番我之前d post就知我幾歡喜呢間學校.但係而家點解會咁? 一路間學校都同家長溝通得好好, 反而呢次咁大件事就玩消息封閉.另外都好替老師擔心, 佢地對我小朋友好好嫁,弟日去左畢拉山,會唔會比人抄?陰謀論d,會唔會係某人借機排除異己,起用番自己以前地頭d人

Lilo

原帖由 hongchung 於 09-7-1 00:08 發表
大業主迫遷如何？做人唔好咁天真喇。

咁大業主有無諗過d小朋友的福祉?佢地唔係商業機構,係教會黎架,有乜野理由咁緊急立即係下年收番間學校?一係佢地好無foresight,去年11月interview時都唔知有需要收番塊地,一係有人當時隱瞞事實,欺騙家長.  聖公會堂堂香港第一教會, 分工精密,段估都唔會無foresight.  如果係有人隱瞞事實, 咁同去黑店買野有乜分別, 一様係引你入來, 然後話比你聽事情有變,局你去買第二様 (去mb分校in this case).唔報得警都要去消委會!

Lilo

原帖由 hongchung 於 09-7-1 01:41 發表



你可以問發展局

點解要問發展局? 個到係私人地,發展局應該無權要佢拆,除非係危樓,但如果係危樓又唔會等一年先拆.如果好似你前文話成個中環都要拆,咁聖保羅堂同佢幼稚園拆唔拆,咁我公司都係中環,咁又拆?

Lilo

其實幼稚園派專人係bk到反駁家長係成日都有,所以有d人根本就係校內人唔係媽咪,有內幕消息唔奇.不過學校係6:00就開會就似乎安排得唔係幾好,就算校方比我地k3家長返去簡介會,我係中環返工都趕唔切去啦!或者佢地根本唔想有咁多家長去

如果校方真係好似之前有個媽咪咁話,6個月前先知要拆, 點解唔盡早通知新生家長,等佢地唔使放棄其他學校的offer,而家真係覺得有d"迫上畢拉山"的感覺. 可能聖公會真係諗住佢地係名校,你地唔讀時大把人會讀, 所以先至會咁樣對d新生.

過去3年,我真係感覺到聖公會係一間對學生好關愛的幼稚園,處處為學生着想,點解突然會對新生同而家k2的學生咁漠視 .
聖公會係佢地的宣傳單張引用左箴言22章6節"教養孩童,使他走當行的道,就是到老他也不偏離."如果這次事件是身教,請問梁校長/校方想教小朋友乜野呢?作為現在的家長, 我只能說"人在做, 天在看", 深信天父自有公理!

[ 本帖最後由 Lilo 於 09-7-2 00:25 編輯 ]

Lilo

原帖由 龍猫 於 09-7-2 15:59 發表
好慶!
我問了waiting的朋友, 他無收到開會的通知.仲俾佢笑, 話好在冇收佢做正選.

今日收到一個朋友電話問係究竟學校發生乜野事,佢話學校封信唔係寫得好清楚, 佢都唔知個簡介會係咪一定要去.  佢個仔係今年9月會讀中環校上午班.  本來佢除左聖公會外, 仲hold住左銅鑼灣維記,我同佢力薦聖公會, 又叫佢唔好hold住其他幼稚園offer,因為真係有媽咪等後補位等得好辛苦,咁佢就放左維記一心諗住入聖公會, 點知而家搞成咁....佢雖然無怨我,不過就講笑話好似買左雷曼, 當時interview時覺得學校好(如雷曼的宣傳單張),又見街坊(即我)大力推介,係被誤導(若證實有人隱瞞拆校一事)放棄一切(其他offer)訓身入聖公會, 但而家就真.....佢仲笑話要揾甘乃威議員幫幫手(其實甘議員係中西區人,揾佢幫手都合理:D )!我真係二十萬分唔好意思, 雖然係我真心覺得聖公會係好, 而且唔知件事(仲要係唔上bk都唔知),但係真係覺得"老點"左個朋友.  好彩佢兩公婆信我唔知件事,又明事理,唔係真係連朋友都無得做!本來覺得拆校一事唔關我事因小朋友已畢業, 只係覺得呢間歷史咁耐,口碑同成績都咁好的名校要"殺校"實在可惜,但今日呢個朋友的電話令我意識到呢次拆校,我差點連朋友都無埋. 於是我決定聽日遲d都要陪番個朋友去簡介會,希望校方真係拿出誠意同家長傾,真係比到家長見到聖公會幼稚園良好的家校溝通,同埋聖公會呢個辦學團學本著主基督的愛去培育小朋友!!!!

Lilo

我明白校方有佢的難處,但簡介會當晚的表現真的有欠大將之風.我認為聖公會這個大機構可以做得好看一點.佢要家長在發問紙上寫上小朋友的名,已經令人覺得會"秋後算帳",家長就算有問題都唔敢問,大家都係free-rider的心態,希望有人會問左自己想問個條.另外,唔知係咪自己敏感,我仲有被監視的感覺,可能校方覺得我的小朋友己畢業,遷校對我無影響,我唔應該來簡介會.

其實校方講到成件事好似都係因政府起,咁受影響的家長可否向政府方面反對,政府成日都會因為有反對聲音就押後計劃再咨詢!

Lilo

原帖由 tristalok 於 09-7-5 19:45 發表
大家識得話校監同校長都係無奈...
又知道兩間學校課程唔同... 未來亦唔會一樣...
仲要幾失望都仍然會想小朋友畢業後入讀ST. paul co-ed...

雖然好多人入聖公會係想入st paul co-ed, 不過唔係所有人都係咁諗,我地今年中環校k3就有幾個,我就係其中之一,仲有同學連報st paul co-ed都無, 由k1開始我已經同老師及其他家長言明st paul co-ed唔係我杯茶,我比小朋友讀聖公會係鍾意佢的環境(地方大又近我公司)同認同佢地的教學理念,直到現在我都覺得無選擇錯.當然來年環境有變又唔同咁講,我諗有意見的媽咪都係覺得比人"瞞騙"遷校一事, 仲要校方唔係盡早通知,等佢地放棄晒其他學位所以覺得"興"!

至於車程,我諗校方好似d地產發展商咁,係用左半夜揸保時捷的速度去計.我試過同小朋友去畢拉山開放日, 係金鐘因上唔到小巴去搭的士,都差不多半個鐘.計埋由屋企出發落金鐘,係一個鐘頭多dd,點解我咁記得?因為我老公話畢拉山校舍靚就靚, 不過要成個鍾頭有多至到,對小朋友來講就真係幾"金".我仲話如果加埋校車要"doubt"路,起碼個半鐘啦,咁即係上課時間的一半,個多咀的士司機仲加句話落雨仲唔止添,佢跟手問我地係咪係畢拉山校讀,話唔搭校車好難揾的士要call的上來先至有車,仲比左張咭片我地,話如果每日都搭有拆咁話,仲教我地可以揾埋d同學仔一齊share!

Lilo

原帖由 tungb 於 09-7-10 15:47 發表
各位, 其實呀管牧師成日話我哋係政府十大機建項目, 我哋係唔係應該搵政府呢?

唔知你地仲記唔記得之前有個神秘人咪一早叫我地問發展局?(佢一post左個message跟手又delete左,唔知你地有無睇過呢?)當時我仲問點解要問發展局.而家咁睇來, 佢可能真係知道d內幕,咁不如直接寫去問發展局局長林鄭月娥,聽人講亞娥姐好reasonable, 又係一個相當重視小朋友的好媽媽,當年佢小朋友細,佢堅持唔用工人,幾忙都自己照顧返兩個仔仔,當年在社署無人不知,無人不讚, 佢可能會體會各位家長的心情. 而且我地應該相信管牧師係神職人員應該唔會講大話,咁就憑佢話拆校係十大基建,我地就可以向發展局/政府問個明白,我地係立稅人,我地係香港市民,我地有權要求知道真相!

不過話時話, 乜十大基建唔係起高速鐵路,游輪碼頭個d咩?真係唔知點解聖公會重建都"有幸"入到圍?!有無人記得係咪係特首去年十月份施政報告到提過?定係財爺二月尾份財政預算到提過?請高人指教下,等我上網揾番來睇下係咪有聖公會拆校一事?又咁講, 如果當時有講,校方就唔可以話幾個月前先知,但係如果當時無講,管牧師又無理由講大話?拆校一事真係越諗越唔明,校方前言不對後語,究竟係有難言之隠一或有事隠瞞????!!!

Lilo

原帖由 tungb 於 09-7-17 00:50 發表
校監o係7/3簡介會話教育局管唔到幼稚園, 投訴奇實得唔得, 大家比d意見。

tungb,

你有聽錯呀定理解錯? 教育局點會管唔到幼稚園? 如果管唔到,教育局做乜野視學報告?如果管唔到,點解幼稚園加學費要教育局批?如果管唔到,教育局個幼稚園組做乜野嫁? 我相信梁校長/校方應該唔會當家長係傻仔講d咁低能的說話,當中應該有誤會.其實好簡單, 唔使估估下,只要打個電話去教育局問下咪知囉!打電話又唔使錢.而且可以順便問下佢地有無可能幫助到想留係中西區的家長"原區安置".

Lilo

howhowb

請你睇清楚成件事先好批評聖公會的家長!其實家長們都是希望小朋友有個好的學習環境.但何謂之好,則各人睇法不同.有人話仲之聖公會係好,佢搬到天腳底都跟.有人希望小朋友係屋企附近返學,當然係名校就更好.這件事上,家長最不滿係點解咁遲先通知要搬校,係知情權的問題!政府要殺校都只係要間學校停止收新生,但讀緊個d可以原校畢業.而家班家長就正正要爭取呢樣野!!如果好似其他學校(如靈糧堂)係報名時已通知新生家長會搬校,今日家長係到嘈,唔使你howhowb出聲,我一定會出來幫聖公會,我過去如果有人講聖公會中環校不是,我會出來澄清,特別係收生程序,面試的不滿等問題,因為我小朋友係到讀,我知道呢間幼稚園係一間點樣的幼稚園,唔係外人/唔知情的人可以指指點點(雖然我明白好多家長係幼稚園唔收佢地心目中聰明伶俐的公主/王子時,會賴學校呢樣唔好,個到又有黑手.)

我小朋友已畢業,搬唔搬校對我無影響,連我老公都叫我有時間不如幫個小朋友揾下新學期的補習班仲好,但點解我會係到?係為左一個原則, 一個believe的問題, 過去我認識的/接觸到的聖公會幼稚園中環校係一間對學生關愛的好學校,對家校合作/溝通都好重視,點解今日突然之間會變成咁?係佢受外來因素引起"基因"突變定係我過去多年被矇騙?我當然唔希望係後者.更希望中環校的"基因"早日正常.校方告知家長"突然"要搬校係因為政府十大基建,咁家長直接揾政府係唔想校方夾係中間難做姐,咁為校方著想仲有乜唔啱?!點解係無聊有骨的控訴?(其實我覺得家長的"控訴"好清楚明確,唔係有骨).佢唔放相唔表示d乜,一來正如上面有家長表示係基於保護小朋友的關係,二來放張相係到唔代表個個係自己的小朋友,你如果係bk耐都應該聽過/睇過有人係咁copy其他人的大頭相做自己的大頭相.放相又點jack? so what?放相的人可以大聲d講野?放相的人講野會有道理d? 我唔係話唔放相的人係好d,只係想講明放相與否係個人的選擇同佢所發表的係無關,請唔好隨便指控他人.

都知今日呢篇長左d,最後都係個句,希望各方都能似聖經上所講咁,用真心說誠實話.如校方有難言之隠,不防向家長講明,可能家長出面代為向政府爭取更為容易,家校合作大有可為!