對天水圍李宗德失望

miriam

樓主唔好因為一個回覆而認為某間學校唔好.

我為囡囡搵小一時都參觀過幾間小學, 當中有部份係網頁有寫, 有部份係無.

當我打去問時書記都有問係讀邊間, 知道校名佢叫我問返幼稚園, 因為校方已經 send invitation 比幼稚園, 會由幼稚園派資料同參觀信比家長.

另一間官校無出 invitation 比幼稚園, 咁我係親自去填表參觀.

到參觀個日, 真係好多人, 大人連小朋友加埋有三四百人, 試問若要書記去做晒所有登記, 我估佢地連踩幾日通宵都未必做得完.

所以小學先至會出 invitation 比幼稚園, 等幼稚園集合晒人數, 小學再發出參觀信由幼稚園分派.

而家我囡囡讀緊 P.1, 我都係校內家長義工, 上到學校見到書記室入面好忙, 不停電話響, 一係學生請假, 一係家長打黎搵老師, 試問所有電話都係先由佢地 scan 完先可接駁出去, 所以校方先會為減低 workload 將某 d 可以經其他學校完成到既工作比出面處理先, 再由書記做總結.