參加學校泳隊定泳會泳隊対升中有幫助？

miriam

原帖由 alan280204 於 15-07-21 發表
有無家長諗過，每日游果兩個鐘唔係操水，而係你本身親見陪佢一齊游，邊樣好d????你做得到嗎???
其實唔想用 ...

我囡玩跆拳道、乒乓球、排球同田徑。

跆拳道 P.1 開始學，今年升中，個個星期要操，有比賽仲要 keep 磅加操，呢 d 無得迫掛，佢要打比賽就要做。

超磅出唔到賽時又唔關我事，點解佢仲要做？原因就係佢鍾意。

出去比賽時定晒咁睇人打，為乜？取人長處補自己短處囉！

岩岩個星期六先同佢去澳門比賽，今次唔使打，係套拳比賽，教練無時間捉佢練，全部自己黎，到比賽時我睇到好大進步，教練睇返 video 都讚好左。

教練無同佢練啵，點解進步同改善左？咪又係佢鍾意囉！

中學排球隊教練知佢小學時係校隊，叫佢暑假返去玩。開頭佢唔想架，可能係小學個教練教得無咁好所以唔想去，點知星期一去完話要繼續，星期二朝早黃雨都照去，打到手腕腫左返到屋企自己搽按摩膏，我問佢星期三仲去唔去，只係答我一個字 “去”！

家長迫？我知打到腫晒已經問仲去唔去，佢唔鍾意既迫到咩！

我囡三個呈分試考得最好係呈一，B1A 成績。呈二我想佢多 d 時間温書 cut 田徑，即刻送個 B1B 畀我。呈三知死唔可以再跌，力保不失 B1B。

我囡除專補外我無乜點同佢温書，全部自發係學校温，因為佢要預時間玩佢鍾意既運動，畀多左時間佢温反而仲死，無動力去迫自己安排時間。

miriam

peggy 發表於 15-7-22 11:10
在其中一埸長跑比賽，我遇過一位唔輸得既家長。奪得頭三名的小朋友都是小五／小六生,我女是其中一個，而第 ...

有年學界賽我囡同會有個男仔出賽, 最搞笑就係家長唔去睇唔去跟, 個男仔第一場輸左, 個家長係電話度鬧教練點解會輸, 點解會無獎, 我聽返教練講時呆晒囉.

miriam

QUINCY121HK 發表於 15-7-22 13:12
回覆 miriam 的帖子

其實好睇家長點諗法, 比賽唔係輸就贏架啦!

個位極品家長黎, 唔去睇點知因乜事會輸, 最終就搵教練鬧.

我囡唔係未輸過, 輸左咪睇返 video 邊度做得唔好, 搵教練幫手改.

miriam

王家爸爸 發表於 15-7-22 13:18
呢個唔係直昇機家長，係更勁既遙控飛機家長。

你形容得好正.

真係未試過打學界賽, 仲要拎一大袋護具家長都唔跟埋去架.

最抵死係護具都帶唔齊, 指甲腳甲又唔剪, 教練滾到唔想畀佢出賽.

miriam

原帖由 emiliarabbit 於 15-09-24 發表
想問係香港想攞的游水成績/表現，要幾歲開始參加比賽？有咩比賽認受性高？



  ...

你兩夫婦其中一位係體院教練，應該清楚咩比賽同年紀開始參加比賽。