培正v.s. st cat .

mannitol

我大囡讀SC, 細囝讀培正。
當年大囡培正Waiting, 雖然最後wait唔到，但都一心諗住讀SC。因為知道大囡比較醒目，但怕羞內向，希望响SC可以train 到佢自信心。讀到畢業，我可以話冇幫佢揀錯。雖然佢仍然慢熱，但的確SC嘅老師幫咗佢唔少，而且佢一出去Presentation, 一樣可以對答如流。好多人話SC淺，但我覺得佢哋嘅課程已經可以接到小一嘅程度，上到小一適應一啲都唔難。當然你話要小朋友考直私考到好叻，外補係要㗎啦。我大囡冇考什麼好勁嘅證書，冇特異功能，只响K3搵net補英文，都考到兩個offer返嚟。
而細囝，因為PN响SC讀，覺得佢未必跟到SC緊湊嘅課程，所以有培正offer就跳咗船了。你問我有冇後悔，都有啲㗎，不過睇住啲朋友今年考直私咁激，自己就有啲安慰囉。始於掛住理個大嘅，又一心諗住直上，冇咩train 個細囝。由K1尾開始先搵NET私補英文，其他全程靠學校。我可以話你知，佢中英文始終差大囡一截，今年先開始自家同佢攞SC啲料嚟惡補，希望小一適應好啲。所以，叫佢出去考直私，一定衰緊。
不過，培正呢年啲嘢深咗啲啦。上年都未有閱讀理解，今年開始有了。又不過，深到可唔可以靠學校去考直私，我估應該同SC還有一段距離吧！
所以，你想小朋友學術自信心上好啲，我覺得SC好啲。但你想有個保證，自己更有心力去train 佢，另佢又夠能力出去考直私，或者只想佢有保證安穩升小，自己只能俾到少少心力去train 佢嘅，就培正啦。
講清楚先，培小上培中都係~85%or less, 高小都要爭㗎，而且培中係中中，但考DSE可以揀中文考或英文考，好似係英書半英半中咁教。而且比較過英小，培小英文一定冇教得咁好，可能同津小教嘅差不多（因為我仲未攞到小學嘅英文科資料嚟睇）。

mannitol

estherpang 發表於 17-12-7 00:50
Very detailed sharing！介唔介意透露下囡囡當年有咩offer，同埋最終揀左邊間？

當年有啟基和女拔offer。最後梗係揀咗後者啦

mannitol

angelhi 發表於 17-12-6 09:39
培正中學是中中，唔知多唔多人轉去英中呢？

考頭嗰批，或有特異功能嘅，有路走嘅都會走，除非始終情擊培中啦。另外就係英文叻嗰批，入到培中又好，抽唔返培中都好，攞住都唔算差嘅成績（~band 2頭），去叩英中，都有叩到的。

mannitol

EggCroco 發表於 17-12-7 19:15
回覆 mannitol 的帖子

媽媽是否女拔old girl?女女是否大B?聖公會教友?可否分享成功考入女拔心得?

我哋是N無，囡囡是2月的。我哋冇一心諗住入女拔，所以冇特別train佢，甚至在K3之前，都唔認為佢適合。後來响朋友分析下，和自己去上堂認清到囡囡性格，到入了2nd in 先覺得囡囡都適合，而且已是差唔多最後嘅機會，跟住先執佢嘅interview 技巧，最後幸運地得到校長垂青入讀。

mannitol

pidget 發表於 17-12-7 19:22
想問下你大女讀Sc有冇外補？

我知佢內向慢熱，咪執佢呢樣嘢。英文有搵NET私補，但都係K3先開始。普通話都補過吓。其他就靠學校，自己教和伴讀了。

mannitol

NICOLE123 發表於 17-12-7 18:24
培正適合安穩知足，小朋友開心為上的家長。
家長義工自由参加。基本上很多家長想參與，所以很多時要抽先可 ...

我又唔覺得話可以用六年慢慢追，最多咪4年。小五開始呈分，起碼要爭上培中，唔追點確保有位上呢？而且培正小一開始已經唔讀卷，的確係對培幼生一大挑戰。唔追返認多啲字，我真係怕佢就算識學過嘅嘢，都唔識睇份卷嘅題目。而且培小係普教中，呢樣又係另一個挑戰。所以入讀咗呢幾年，我哋有啲家長不斷向學校反映，希望可以加強學生銜接小學嘅能力。因此，呢年學校課程開始有啲變動了。

mannitol

amoyresident 發表於 17-12-7 22:26
呢年有什麼變動?

最大改變係英文課本改咗。因為我唔清楚之前課程係點，只聽過幾個有兄姊之前讀過嘅朋友講，課程係比之前深咗啲，多咗嘢。老師都有講過，課程係唔同以前。但實質有咩改變，我因為冇得比較過，好難講變咗啲咩。

mannitol

amoyresident 發表於 17-12-7 22:30
你有自己教大女，又伴讀，又有外補。請問你也有用同樣的方式栽培細佬嗎? 效果如何?
...

以前大囡，我都係跟住學校嘅課程去教。到細佬，又要繼續跟個大嘅，的確係忽略咗佢，連學校教過嘅嘢，我都係K2尾先開始執返佢，所以細佬學術上的確冇家姐咁好。幸好細佬比較受教，數學比家姐領受得快，中文認字能力也比家姐學得快。只係英文因平時環境接觸較少，佢有少少抗拒，要追的確要多點時間。

mannitol

EggCroco 發表於 17-12-7 22:32
回覆 mannitol 的帖子

請問女女哪方面的性格適合入女拔?

夠硬淨，唔怕輸，懂收懂放。

mannitol

EggCroco 發表於 17-12-7 22:54
回覆 mannitol 的帖子

女女有沒有學哪項運動?或音樂?

入小學前冇。

mannitol

EggCroco 發表於 17-12-7 23:03
回覆 mannitol 的帖子

請問你是否full time mum?

Yes

mannitol

kafatcat 發表於 17-12-7 23:08
你分析得好好呀多謝你。
其實我個女都係慢熱怕羞，但係我又唔知佢算唔算醒目
你覺得st cat 係咪真係幫到冇 ...

SC有好多機會Show and tell. 只要小朋友返到屋企，講到老師要求帶咩返去，帶咗返去就有機會show and tell.  而每年都有專題活動，為期一個月，K1會向其他同學滙報自己嘅發現。而K2, K3 就有機會向三四班家長們present 自己班嘅topic. K2開始有剪報分享，和自願性質嘅講故事比賽。K3有自己揀題目嘅英文show and tell。每年仲有一個大型Show.
我比較幸運，大囡幾年都遇着好老師。K1嘅NET班主任仲用咗半年時間，不斷鼓勵佢，打開我囡嘅金口。
SC冇名次冇獎項，永遠都唔知自己嘅小朋友叻到邊個層次。但老師會觀察到小朋友嘅弱點，會轉告家長。以我認識嘅小朋友，就算冇直私offer, 都唔代表佢哋唔叻，佢哋嘅叩門能力都唔差，一樣叩到心儀嘅學校，升到小一一樣適應冇問題。

mannitol

EggCroco 發表於 17-12-7 23:22
回覆 mannitol 的帖子

先生是否專業人士?或老闆?

哈哈…你問到好似查家宅咁，唔係咁適合係度答囉。而且又同個題目不乎。

mannitol

Elaine.F 發表於 17-12-11 05:11
回覆 mannitol 的帖子

請問K1一年大約有幾多次show and tell? 英文語竟好嗎？st cat有什麼比賽及興趣班， ...

帶嘢返去show and tell 嘅次數會視乎topic 係咩，而需不需要帶，大約每個月2~3次。
SC嘅興趣班只有星期六，外判的，自費，約只有1~2項。到K3就有小型欖球，免費的。比賽就只記得有從K2開始的講故事比賽。SC一向唔會show 學生攞咩獎，邊個叻，所以連講故事比賽結果冇人自爆自己小朋友攞獎，係冇人知邊個Win. 大型表演，學校只收門票錢和自行決定買唔買嘅VCD錢，兩項加埋都唔貴，兩年前~$300以下。另外表演服裝，如學校提供就唔洗錢，家長自己買嘅，就自己班為圍內傾點買。

mannitol

Elaine.F 發表於 17-12-11 05:11
回覆 mannitol 的帖子

請問K1一年大約有幾多次show and tell? 英文語竟好嗎？st cat有什麼比賽及興趣班， ...

其實我都離開SC兩年了，當年我覺得英文語境係足夠的。起碼我屋企冇咩講英文，但亞囡學校學返嚟嘅英文，聽講能力都唔錯，發音仲準過我。學術上，數學係足夠應付到雙位不進/借位加減的。中文可以寫到簡單句子，如果小學唔係一開始就要求作文，作句子就冇問題。不過中文字何其多，而且難記，要一字不漏識睇晒成篇閱讀理解，相信冇咩邊間幼稚園可以教得出吧！英文因為幼稚園唔會點教grammar, 以聽講為主，所以寫簡單句子都冇問題。小一題嘅Oral, listening，reading都攪得掂。
不過呢兩年，可能啲嘢又深咗，又多咗了。

mannitol

Andrewchan918 發表於 17-12-11 08:09
回覆 mannitol 的帖子

咁其實你個年d同學升小結果好嗎？thank you

你去幼稚園學校討論區，搵返SC，再搵吓，就會見到有Post 的。

17-12-11 08:18 上傳

下載附件 (70.62 KB)