維多利亞幼稚園點解咁出名?

foggyao

原帖由 BBR 於 08-12-1 08:50 發表
其實聖心小學係中文小學黎,我朋友個女讀緊,我宜家都諗緊比個女讀St. Clare's好定聖心好,因為St. Clare's就係英文小學,好多野都係英文課本,小朋友日常在學校都要用英文同老師和同學溝通,我星期六去完聖心小學intervie ...

我女讀緊victoria nursery, 細女also, 好活躍, 佢都係sc收左, 1月會in sh, 但佢仲未識講嘢(我意思係句子), 我稔緊多數都唔會讀返victoria, 唔係話佢唔好, 不過, 我想佢第時入返traditional sch, 所以就想佢入到d有k, p同secondary嗰d學校, 可以唔洗煩.

講番victoria, 我女讀得真係好開心, 我覺得佢哋教學方法好適合佢, 學校晌來年會實施2文3語, 但據知, 而家都有教女女普通話.  我提過我女未識講嘢, 所以真係唔知女女响學校學左d咩, 但victoria其中有一度係做得好好, 我唔清楚其他學校有無, 但我覺得都好有用, 就係佢哋會每月upload返上堂情況/ 生日會嘅相片上家長website, 唔係一兩張交待, 係有好多! 我就係欏住呢d相同女女睇番, 佢好有反應同好開心.  同埋深信老師都好錫小朋友, 因當我提佢老師嘅名, 問佢嘢, 佢會好開心嘗試同我講.

我一直都唔覺得女女晌學校實際學到d乜, 成日稔緊學費同學到嘅嘢好似不成正比, 但完來佢已學到好多嘢, 都係我最近發現.  而英文方面, 唔知係咪都係學校較著重 (雖然佢係讀英/粵班), 所以好多嘢佢會講英文多d (我屋企以廣東話做母語), 如剛過去發現, 佢講學校, 會叫school; 我哋同佢講生果, 佢唔明, 但一話佢知生果=fruits, 佢好有反應知道係乜同講fruits.

所以, 總結來講, 我都覺得victoria都算有一分前一分貨, 而我煩緊, 唔知一下子將女女轉去traditional會唔會揀錯?! 因我女女性格都幾似我, 我以前都係讀traditional, 但回想, 我係讀得唔開心, 只為應付測驗功課, 但你話d中英基礎, 就真係到而家都幫到我, 其他額外知識, 稔頭, 轉數, 自問真係唔夠好多人鬥嚕! 好怕女女行返我條路, 佢會怨我!

[ 本帖最後由 foggyao 於 08-12-1 10:11 編輯 ]