2010 升小四請進

十月媽咪

3號線遲20分鐘, 已經係少事了, 5A線1/9遲左35分鐘, 2/9 & 3/9遲左20分鐘, 6/9 & 7/9遲左45分鐘, 校車司機&褓姆喊晒口叫我地2:30pm至好去接小朋友 (原定返到唻既時間係1:46pm), 原因係幼稚園下午班要返學, 今日放學時, 小朋友話響操場等到1:45pm至有得上校車, 由彩虹13:00放學, 返到TKO, TOTAL要1.5小時, 我地由機場返TKO都唔駛咁耐呀, 不知所謂既安排, 打去校車公司度投訴, 就連電話都唔開, 開左講兩句就"給"線, 都唔知咩服務態度, 火都嚟埋!

原帖由 katiemaro 於 10-9-7 18:14 發表
請問有無同學仔坐三號校巴？唔知係末多了幼稚園，早上pick up 時間比以往三年遲了(係好事，至少小女可睡多十分鐘)，但放學就比以往遲成20分鐘以上(我以為司機叔叔叔和保母都係新，過幾日會好啲，但......) ...

十月媽咪

當然係放左家長接送 & 褓姆車先啦, 學校校車一架二架去晒接下午班幼稚園返學, 都未返到學校接小學部放學, 唔通仲要成班自行接送既家長響門口等到一點九咩....畀門口班家長鬧都鬧鬼死喇!

原帖由 easymum 於 10-9-7 22:37 發表
聽小女講今天是自行放學先走,其後褓姆車,最後才出校車.

十月媽咪

舉腳贊成取消適應期呀!

原帖由 easybring 於 10-9-8 10:07 發表
幼稚園的適應期的上/下課時間真係攪到校巴公司暈, 上午班放學, 跟住下午班返學, 跟住小學放學....全部唔好攪適應期仲好....

十月媽咪

叫我阿10啦, 個個都係咁叫我架!

打左電話去投訴又點? 校車公司阿張生根本就賴得理你, 一句話: 岩岩開學係咁架啦, 你都要畀D時間我地RUN至得架喎!....咁問佢要畀幾多時間佢RUN, 佢就話: 睇埋呢幾日先啦....(我都未問下一句, 佢就給鬼左 我線喇), 真係想去消委會告到佢甩褲, 都唔知咩服務態度!

你真係好慘, 我地1.5小時至返到屋苑, 司機&褓姆都已經畀等到火滾既家長鬧到喊晒口....你地仲慘, 竟然要兩粒鐘, 真替你囡囡辛苦!

今日我自己返學校湊女, 返學校之前, 打個電話問清楚究竟幾點會放自行接送既小朋友, 職員話噚日開始13:15就放, 今日都係, 我13:20就接到我小朋友, 我無楂車的, 接左個女就坐小巴再轉地鐵, 返到自己屋苑只係13:45 (仲快過校車路線圖上面所寫既原定放學時間), 食埋LUNCH都唔駛兩點半, 而呢個時候, 校車至駛入我地屋苑....可憐一班小朋友, 由朝早六點幾食早餐, 捱餓捱到差唔多三點至返到屋企開飯呢!

原帖由 yinyin0609 於 10-9-8 18:38 發表
十月媽咪., 你已經算好命., 可以打電話去投訴., 我連投都不敢投訴., 因為我不是住在大型屋院., 而又要工作., 所以我囡囡就算要坐 2 小時的校車., 我也只好 " 忍 "........死忍受!!!



...

十月媽咪

而家唯有希望20/9返番全日之後, D時間可以回復正常啦! 唉.......

原帖由 yinyin0609 於 10-9-8 22:38 發表
唉~~  所以我囡囡一回到家就變成餓鬼~~~  

十月媽咪

我地係由上年既新車兼細車, 轉左今年既舊車兼大車, 第一日返學見到架車, 已經好不滿!

原帖由 lamlambo 於 10-9-9 15:53 發表
The school bus that runs our route is also very .........old.

十月媽咪

唔好意思, 我想問, 幼稚園取消適應期, 對小學部真係有幫助咩? 上午班放12點, 下午班返1:30, 小學部放1:00, 咪又係撞晒期? 有咩分別呀?!

原帖由 easybring 於 10-9-10 11:29 發表
幼稚園取消下星期的適應期, 正常時間上學.
上午: 9:00-12:00
下午: 1:30-4:30

十月媽咪

嚴格唻講, 小學部三點鐘準時放學的話, 校車係應該可以準時返到學校接下午班放學的, 話晒都係吉車返, 點都快過幼稚園部12點至1點幾呢個返學放學時間的......不過都係果句啦, 有錢搵, 都唔好搵咁盡, 要搵得盡, 都應該顧下小朋友&家長感受囉, 話晒都畀足學費&車費, 做家長既, 都想得到應有以及合理既服務囉! 相信呢樣唔係過份既要求吧!

原帖由 Bon_Bon_Pa_Pa 於 10-9-10 15:47 發表
咪就係囉，架校車12:00送幼稚園am學生走跟手接幼稚園pm學生番，好多時遲到，我女這星期1:00pm放學1:4xpm至校車到，2:30pm至番到屋企呀。除非但幼稚園同小學校車分開啦，否則改善唔到。

取消小學適應期可能好D，因為3:00pm小學放 ...

十月媽咪

bbmummmy,

仲會唔會有此情況? 真係唔知呀! 不論校車公司OR學校, 都話叫家長畀D時間佢地喎....唉....真係唔知邊個可以還番D時間畀我地D囡囡啊!

呢個星期我已經係日日自己去接放學, 今日接放學時, 阿女畀門口班家長遮左視線, 睇唔到架校車駛緊落唻; 校車司機我估計亦都被門口班家長遮左視線, 睇唔到小朋友, 我女大約差一呎左右, 就畀校巴"鞋"到! 幸好我一昂高頭就昅到架校巴, 至無發生意外咋! 嚇到我半死呢!

anyway, 我地條線已經出左新既行車時間, 以返全日班唻計, 放學放三點, 但返到屋苑既時間由三點九變成四點, 足足要遲15分鐘, 而我粗略估計, 要遲既應該唔止15分鐘, 我地估計最快都要四點十分左右至返到唻....我而家最慘係星期一1615要學琴, 以往1545返到唻, 仲可以返屋企洗個臉, 食少少野至去學琴, 如今畀校車公司搞一搞, 我擔心連琴都趕唔切去學呀! 又最慘下個月要考試, 老師又淨係畀到1615-1700呢個時間我, 真係唔知點算好!

原帖由 bbmummmy 於 10-9-15 16:35 發表
阿十,

妳有

無問下個星期返全日後, 仲會唔會有此情況 ?

[ 本帖最後由 十月媽咪 於 10-9-15 22:39 編輯 ]

十月媽咪

下星期既安排真係唔知會點, 呢一兩日我會打返學校問一問, 若然都係放家長先, 咁我星期一都會自己去接, 因為琴老師想阿女加多15分鐘 (上足一個鐘, 加時準備最後衝刺), 但呢15分鐘只可以向前加, 唔可以向後加, 我唯有係去彩虹接佢! 噚晚問左校車張生, 佢話如果逢星期一改坐7號校車係無問題的, 若然學校準時放學, 咁落到坪石係大約1515, 如果我去坪石避車處接個女, 再坐地鐵去老師屋企, 應該中間仲有時間食少少野; 但若然坐番自己條線既校車, 咁就恐怕連原先上堂既時間都趕唔到喇!

ANYWAY, 我問左個安排, 再話你知!

另外, 而家因為係幼稚園上午班放學(放1200)+下午班返學(返1330)+小學部適應週放學(1300)至會搞到撞晒時間, 校車至會遲, 若然小學部放番1500, 你地條線應該可以準時返的, 所以應該唔會有新既行車時間派畀你地啊!

至於我地條線點解會畀張新既行車時間表, 係因為我地屋苑既家長嘈到拆天 (因為返學頭站, 放學尾站, 大家都覺得唔公平), 加上由原先三個站加到十個站, 但上年三個站, 放學返到唻都要1545, 今年十個站, 又話1545返到唻, 正常識計時間既人, 都知無可能啦, 係咪?!...有家長打左去家教會投訴, 有一日家教會派人跟車行左一次條線, MARK低晒行車時間&到站時間, 又將我地返學既時間改晏左, 放學時間改晏埋, 變成返學係中間站, 放學幾乎係尾站.....可憐返學原本係尾站既小朋友, 就變成頭站, 每日要早成30分鐘起身 (當然佢地放學都依然係頭站).....順得哥情又失嫂意....我諗...其實無論點安排, 都唔會令所有家長滿意架喇....

原帖由 bbmummmy 於 10-9-15 23:11 發表
阿十,

我未收到新時間, 點解加咗校車費仲要比前遲放學, 我囡囡星期四都報咗名下午4:00游水, 係O甘佢咪要個個星期遲到游水 ,  妳知唔知下星期自己接係咪會快D, 係咪都會放自己湊嘅同學先???

...

[ 本帖最後由 十月媽咪 於 10-9-16 07:32 編輯 ]

十月媽咪

唔駛客氣, 打左喇, 職員話要幫我問一問負責既同事, 叫我聽日再打去問多次!

原帖由 bbmummmy 於 10-9-16 08:24 發表
阿十,

唔該哂妳, 真係難為哂一班小妹妹