請問有冇小朋友學過公文式既媽咪可以分享一下? (Part 3)

十月媽咪

Yau_Cheung,

你畀定個心理準備你boss啦, 頭兩年真係蜜月期嚟架, 今年開學至今, 好似癲咗咁, 日日都十樣八樣....

頭兩年, tt 三點九返到嚟, 食個tea, 做學校功課頂籠做到四點半, 有時四點三都做完....之後去學嘢, 返嚟再做公文!

撞鬼, 我哋上星期一開始返番全日, 淨係做學校功課, 都搞到六點幾....快則一粒鐘鬆啲, 慢則兩粒鐘....若然要做份RK工作紙就仲死得添....RK工作紙, 計分功課嚟, 鑊鑊都係一幅圖畫, 叫你油顏色, 最慘係好畀心機油, 但只係得15-16分(滿分20), 一個學期大約油五次, 落成績表得七十幾, 超無癮!

ANYWAY, 叫你BOSS同佢個女, 好好享受頭兩年吧!

十月媽咪

你哋行IB都咁多花臣要搞?

G....我哋嘆緊慢板, 做咗3/4咋, 仲有1/4未學....希望佢一點就明啦!

十月媽咪

哈哈, 其實你CLICK入我個名, 就會搵到我架啦, 事關呢個TOPIC係我開架嘛!

十月媽咪

你知唔知我最後係笑啲乜呀?....我笑自己戇居, 同條友癲咗咁多日....嘥晒我啲口水!

條友一而再, 再而三咁歪曲公文家長既立場, 我哋亦已一再表明, 我哋既立場係: 閱讀+操練雙管齊下! 但佢竟然最後用到"咸魚"嚟形容我哋呢班堅持呢個"立場"既家長, 真係畀佢吹到啤啤聲!

十月媽咪

始終都係返嚟呢個大家庭傾得開心啲!

阿女星期三嗰日, 中文順利升咗去EI 喇....要暫停, 真有點點兒可惜呢!

十月媽咪

回復 Pooh_Pooh 的帖子

Pooh_Pooh,

Happy New Year!

你哋都加油努力! 公文導師打過好多次畀我, 叫我哋開番晒三科, 但自從停咗, 就已經無咗加番既心喇....或者呢啲就叫做緣份已盡都未定! 還記得第一次停嗰陣, 仲係對公文難捨難離的, 但今次停, 就停到完全忘記咗有公文呢回事咁!....呢個聖誕假, 日日同個女去玩, 佢好開心, 所以暫時我都唔打算讀番, 不過我會繼續支持你哋架! 畀心機!

10

十月媽咪

真係好, 大家都讀得HAPPY! 公文CENTRE打過幾次電話畀我, 叫我加番, 就算唔讀晒三科, 都希望我女COMPLETE咗個英文, 但我哋個心真係已經唔響公文喇, 所以.....都係算吧! 而家個女都KEEP得住學校成績, 十二月見家長時, 班主任主動告知佢係全班TOP 10 (我哋學校唔會講實畀家長知, 小朋友EXACTLY既名次的), 叫我KEEP住而家既讀書方法就可以了, 唔洗額外做太多操練咁話啊!....SO FAR我見個女個底都真係打得頗穩陣, 既然而家佢讀得輕輕鬆鬆, 我就唔勉強佢做番公文了!

今個星期我哋考試, 成個聖誕節我哋都掛住玩玩玩, 書就無溫過! 本來好驚今次考試前咁玩法, 佢個心會散晒, 但原來又唔一定, 佢聖誕玩完, 應承我一放完假, 放學返嚟就會溫書...SO FAR佢又真係做得到, 唔洗我叫, 都每晚臨瞓前拎本書入房溫習! 臨考前幾日 (即剛過去的星期六日一), 佢都好合作做晒我為佢準備既學校工作紙, 今日正式開始考試, 會考到星期五, 我應承佢日日都合作溫習, 畀心機考試, 我就帶佢去迪士尼....佢好期待呢!

我女都收到晒三張公文CERT & 獎牌了, 今次已經係第四次攞, 依然係兩金一銅, 但個傻妹已經無乜感覺了, 看來我哋同公文既緣份暫告一段落了!....不過, 你哋放心, 我依然會間中走入嚟睇吓你哋既近況, 支持吓你哋的, 大家加油加油!