DSE入U率: 優才>音小>真道？

littlefaith

真道書院一直強調「有教無類」，不似一般Band 1學校奉行「汰弱留強」去保持好成績。只要家長願意，所有學生都能升中，一定能享受十一年真道學校生活。加上真道成績較好的學生，很多會選IB，故此DSE成績不亮麗，是可以理解的。

假如我是真道校長，為了谷成績，我會效法其他Band 1學校，「汰弱留強」，於小學踢走最差的學生，升中時吸引各Band 1學校的學生入讀，以真道老師的高質素及普遍對教學的熱誠，幾年內大幅提升DSE成績，跟Band 1學生睇齊，絕非難事。

但，如果真道奉行「汰弱留強」，就已經不是真道書院。

所以，如果家長著眼點係DSE，我會建議選擇奉行「汰弱留強」的學校。

littlefaith

第一次聽到有人竟然話IB試易考，明顯不了解IB課程。

我作為真道家長，同時任教津校高中DSE課程，體會IB及DSE分別其實很大。DSE需要非常多操練及背誦，跟IB著重自發學習、自我探究、重思考根本不同。我可以說，對填鴨式教育中長大的學生來說，IB比DSE難考得多。

littlefaith

hkpapa852 發表於 16-9-30 16:09
直資學校可以開辦非NSS課程既比例, 應該只會向下調, 不會向上.

啟思都已經不能再有多過50%學生讀IBDP了.

你第2個方法，正正係真道前校長當年想行的方法，個個學生都要報兩個試，但可以重視其中一個(我估計多數會重視IB)，不過當年俾好多外界質疑是否行得通。隨著前校長離去，此想法已經成為往事。

littlefaith

heisonmama 發表於 16-9-30 17:40
其實係度比意見的都是幾位欣賞的前輩。我反而好奇樓主為什麼比較呢幾間學校的成績? 是因為這幾間最早有結果 ...

如果家長目標係入U，老實講，真係唔應該揀真道。

揀真道，將來入唔入到U，唔係最重要。論教育，除咗入U、考試之外，仲要好多更值得追求的地方：世界視野、領袖才能、探究精神、追求知識的熱忱、建立良好家庭價值觀、對傳媒、資訊的分辨能力、對美學追求等等，以上都是真道要培育的重點。

真道裡的小朋友不存在「隱形人」，個個學生都重要，學校俾好多機會學生，只要願意，所有學生都能在各項活動發揮所長，人人都有價值，不是一味只追求成績或比賽的獎項，真道學生普遍較有自信。

littlefaith

kennyann 發表於 16-9-30 19:37
榜頭或榜尾又如何，都只是一個幾間學校排位吧！何必要這麼計較呢！只要小朋友同家長都鍾意間學校.



  ...

每年總是有人喜歡以成績踩低學校，已見怪不怪，只有無奈。

littlefaith

poonseelai 發表於 16-10-1 10:21
我是凡人，仲係貪心的凡人，想孩子愉快學習，又想成績好(不是指狀元)，再入心儀大學(不是指牛劍等等)，好 ...

同你諗法相似，所以都唔會好似以前咁打長篇大論去為自己小朋友學校defend。我只係想重申，要跟一間從來唔「踢人」嘅一條龍學校比入U率，任何一個正常人，都會明白根本冇意義。一個冇意義嘅比較又要大造文章，恕在下不敢苟同（如果這等如無風度，也無話可說）。

揀真道的家長也是貪心的，不過著眼點不只在成績，而係全人教育及小朋友整個人生，成績，對一個人的人生來說，只是很小部分。大家都已是成人，不會不明白這個道理。

littlefaith

poonseelai 發表於 16-10-1 10:41
你這說法是知道其他學校是踢走人後成績，還是假設？

自己任教中學多年，跟來自不同學校的學生傾談，知道唔少小學存在呢個現象。佢哋唔會公然踢，但用嘅方法多樣化：長期冷待學生，當有關學生問問題老師不會答；將學生分類，只著重照顧成績好的學生；不停俾壓力家長，數個小朋友唔適合呢間學校，請另謀高就；留班、再留班等等。最後學生會自動退學。（這些事真道從來不會發生，因為真道認為教育是有教無類，一個都不能少）

另外，由於好多中學都非一條龍，一向公開試成績好的（但非代表師資好），在升中時自然會接收更多band 1學生，intake好，到公開試焉會不好？這是升中時的「汰弱留強」。

littlefaith

poonseelai 發表於 16-10-1 11:08
本帖最後由 poonseelai 於 16-10-1 11:18 編輯

我意思是回應樓主列出的學校有踢人情況嗎？真道綱頁無列 ...

明白，誤會了，對不起。

littlefaith

heisonmama 發表於 16-10-1 17:04
入U率的確是客觀而有力的數據，但都不能忽視過程。好似划艇，用盲力不停划最終ㄧ樣可到終點，但是享受不到 ...

所以我從來唔會用入U率嚟定一間學校好與壞，對一間學校的評價，只著重入U率，是非常狹隘的。

littlefaith

retriever 發表於 16-10-3 09:36
本帖最後由 retriever 於 16-10-3 09:40 編輯

只有部份學生能揀ib 唔係問題。

「只能話傳統名校精英太多」

好認同呢句。

littlefaith

hkpapa852 發表於 16-10-17 14:36
話時話, 如果要全民必修IBDP+NSSE, 恐怕變成趕客既行為.

始終讀IBDP要俾至少7萬一年, 唔係咁多家庭接受到

真道以前一向俾人印象係「另類」，「另類」到有啲「趕客」，所以當年報讀者，都係欣賞其獨特教育理念。學費，基本上並非「趕客」主要因素，就算遠遠超過70000元一年，仍然肯留在真道的高中家長仍大有人在。(否則早年不會幾乎完全動用不到學費資助，並非學校不發放，而是鮮有人需要申請)

猶記得2010年，由於當年負面新聞一個接一個，影響外界對學校印象，甚至試過只得800多個申請，相對當年間間直資申請人數都過千，真道當年幾乎「報親就一定入到」。

許多香港家長很功利，當見到真道IB成績不錯時，又一窩蜂去報讀，但又不了解清楚，及至學校取錄又心大心細，其實有幾多真真正正了解真道才去報？

littlefaith

siubbsw 發表於 16-10-17 15:09
真道的中文用校本課程，有冇教快，還是只教十一年會教唔足，真係唔知！
...

當然不是完全校本。以我女為例，去年(DS4,相等於F1)已經採用坊間課本，你怎會不知道呢？

littlefaith

siubbsw 發表於 16-10-17 15:26
本帖最後由 siubbsw 於 16-10-17 15:29 編輯

未讀到ds4，ds3還是在用蘇教版，所以唔知教快還是教慢。你 ...

當你小朋友上到中學部時，全期六年，國文科教學進度，跟外間中學大致相同。