參加學校泳隊定泳會泳隊対升中有幫助？

alan280204

好質疑係唔係真係有小朋友享受呢D游水訓練去比賽, 一星期游幾日, 每次最少個半至兩個鐘, 去到就不停咁游, 無得停, 有時仲要比教練鬧
真係有小朋友享受呢種游水方式 ???? 定係個家長享受咋????

alan280204

個個講到好似好有道理咁。 我又想分別下
溫習, 考試, 讀書辛苦係因為本身每個人都需要學習去升學
游水本身係一種運動, 亦係一種娛樂,  小兒都有學游水, 但目的係要佢學識一種求 生技能同識多一種運動, 而唔會安排佢咩操水, 老實講你地要小朋友咁辛苦去操水, 心態係為咩先 ? 一心為小朋友身體 ? 又點解要報比賽先, 係香港游得叻比賽得有咩優勢 ???? 心知肚明
游水之痳, 識游咪得囉, 個個操水去比賽, 真係小朋友真心想咁辛苦 ???? 得到D咩
果D講身體好D既, 提下你, 問過醫生, 游水運動的確可令身體好D, 不過由於香港所有泳池水都有超強氯氣,
游泳既可鍛煉身體，亦可增強肺活量。然而，外國毒理學專家近日發表研究報告，指兒童長期於加入氯氣的室內泳池游泳，引發哮喘的機會比一般人高六倍，患上花粉症及鼻敏感的機會亦增加，主要由於消毒用的漂白粉會刺激呼吸道所致。

alan280204

mcl203 發表於 15-7-21 15:18
所以，相信你囝囝仲未去到某階段，操水除可以強身健體，仲可以鍛煉刻苦，鬥志，信心，處事態度，咪吓吓由功 ...

我都識好多操水既小朋友, 得5.6.7 歲開始有D更細, 初初學游水係好開心, 到了家長要佢操水, 可以不情願嗎 ????根本唔可以 , 佢地真係好想嗎???? 真係可以推卻父母既意願 ????

近年在歐洲進行的研究顯示，經常在使用氯氣消毒的泳池游泳，會增加哮喘和花粉

症的病發率。科學家認為，在水及空氣中的氯氣副產品，可能會損害肺部的組織，

令細胞更接近致敏源，導致患哮喘、花粉症、和因運勭而起的咳嗽。另一個更好的

選擇，是在水質良好的海灘游泳。

如果真心為小朋友好多D帶佢去海灘游呀痳 .你做唔做到 ?
我個仔學游水時, 我每次有一齊自己游, 游完皮膚非常之乾, 如鼻敏感會不停流鼻水, 游海灘係唔有咁既情況
你地有無同佢長時間每次一齊游, 定係坐係度隔岸觀游 ,  知道水中氯氣帶出既傷害, 某程度上係強身健體, 亦會傷害緊小朋友

至於鍛煉刻苦，鬥志，信心，處事態度 ???? 係唔係真係要小朋友咁樣去游水先訓練到呢 ???? 唔操水就訓練唔到???

本人要小兒學游水, 只要學識就可以 , 亦唔會去到你講既階段, 因為唔需要咩比賽去炫耀, 去考學校。

在我立場, 讀書係應該辛苦既, 游水應該係開心輕鬆

alan280204

EMMA88 發表於 15-7-21 15:30
而家D細路吾係彈了幾多級鋼琴, 就係話比賽左幾多校際區賽既游水比賽...
整個暑假又話去外地集訓...
...

係喎, 最恐怖係D家長個個都話自己個仔女, 好想學架, 係好想特訓, 係自願架
得果3,4 歲開始就要做呢D野, 小朋友都無自主啦, 你叫佢咪做囉
之於再大D迫唔迫, 而家好多從小就要學某D野, 只要家長話好, 久而久之,根本小朋友心態就係滿足家長既需求。點敢SAY NO

小兒細個鼻敏感勁, 所以我開始同佢做運動, 游水, 跑步, 踢波, 踩單車, 每一樣我都係同佢一齊做, 起碼比佢知道我要求佢要做, 我自己都做, 而我唔係得既口, 或者比錢佢學了事, 亦比佢知道運動身體好,係每個人都要, 佢要我都要。絕對唔係要求佢要比咩賽。

唔係為左咩炫耀, 要佢辛辛苦苦操呢樣操果樣為左比賽, 履歷。

有一日小朋友你叫我做運動身體好, 點解次次都係你坐係度睇住我做 ?你點答

alan280204

mcl203 發表於 15-7-21 15:43
好遺憾，似乎，你只會認同你自己既睇法，希望你唔係強逼你囝囝放棄某Ｄ興趣啦！！



  ...

如果有一日我個仔同我講我好想每日游兩個鐘水. 每次不停游, 我一定比佢咁做
而家我個所幾學少少地兩三樣, 我每隔一兩個月就會問佢想唔想學, 絕對唔會迫佢
當然我認同某少部份小朋友真係可能好想游水去比賽, 去贏, 但大部份點解要咁做 ? 現今香港社會大部份人都明白知道原因

alan280204

Yanamami 發表於 15-7-21 15:49
禁你預設操親水每个小朋友都係痛苦既……無可否認，有一群拉牛上树，父母夢想佢地仔女頸上掛满獎牌，但你唔 ...

絕對應同有咁既小朋友,呢D應該係小部係, 不過我唔相信大部份小朋友都喜歡咁樣所謂操水, 比賽, 操水,比賽
。 如果去到中學10幾歲, 基本上佢喜歡既運動,佢自己去玩, 就算身水身汗都係一種娛樂, 我反生都係
問題係如果10歲以下有D更加由4-5歲開始, 小朋友要咁操水, 難道你應為小朋友覺得係一種娛樂???

alan280204

有無家長諗過，每日游果兩個鐘唔係操水，而係你本身親見陪佢一齊游，邊樣好d????你做得到嗎???
其實唔想用怪獸家長呢個詞，但睇到回覆就係有部份家長小朋友無論學咩
最終目的就係要比賽，考試，攞成績，咁叫有目標，小朋友由讀書開始已經不停要面對考試，測驗，估唔到以前我地用黎娛樂既運動，今時今日佢地一接觸，最終就係要比賽，考試。 而唔係讀書以外既一個放鬆，相反加重另一種壓力，可悲