真道話自己唔係Happy school?

ozoz

littlefaith 發表於 19-3-22 16:45
有好多時覺得某啲家長好好笑，乜都成績掛帥，然後又以為成績好係同學校軟件、硬件有莫大關係。

我教咗都 ...

我2個小朋友讀真道，一個返黎唔駛點理，亦唔駛點講已經識，一個再再講解都未必識。識嘅有時遇到唔明白地方，會主動問老師，老師唔介意花時間再教，老師一視同仁，邊個問都會OT再講。

對於教咗都唔識(emoji)個，老師有留意到亦立即花時間補底再教，最重要係老師同佢講，我地睇下你地上課有冇好專心，有冇識曬，呢個小朋友因此無因為分數低而信心一地，返屋企重叫我測試下佢係咪識曬，態度積極，目標係唔識學到識，睇住佢有進步，對於讀書學習無厭惡感，全家都開心。

ozoz

littlefaith 發表於 19-3-22 16:45
有好多時覺得某啲家長好好笑，乜都成績掛帥，然後又以為成績好係同學校軟件、硬件有莫大關係。

我教咗都 ...

續

我作為家長，對於‘讀書’唔係無要求，但着眼點係佢有冇唔識，唔識就慢慢教到識，最重要係佢對自己有信心，相信自己會識，自己想進步，唔好皇帝唔急太監急。分數對我地嚟講係一個指標，睇下掌握到幾多，好重要架。

至於入唔入到大學，我真係無諗太多，佢地有自信心，對知識/其他方面發展有追求，自然就會努力向目標進發，態度好，唔難成功。

家校合作的確好重要，家長選校時要諗清楚自己選校要求，邊樣最重要，邊個模式最合自己心意，自然就會欣賞學校，欣賞老師嘅付出，家長就會互相配合，小朋友學半功倍啦。

ozoz

mamaishere 發表於 19-3-28 13:50
明白。我其實係回應papa，引用你嘅回覆係因為贊同你所説

我個人認為Papa係一個現實主義家長，相信好多家長都係。我印象中佢提及過大公司/大機構入職，考大學，邊個唔睇分數？佢都有佢道理，比小朋友早d知道個現實係咁，努力向目標前進。我自己同佢睇法有d唔同，我期望小朋友返學讀書唔係要去追單一目標，追求到個分數之後入某目標大學，之後入某大公司，再之後就句號。每個小朋友同家庭都唔同，不同教學模式配不同家庭吧。