真道vs 德望

ozoz

曾幾何時,我好希望女女入GH，經過小一interview 後，我仍然好喜歡GH,不過心知站在女女角度，最啱佢讀而佢會有更好發揮嘅會係真道，加上真道同我家教方法好相近，我選擇真道。

ozoz

原帖由 atirw 於 14-03-26 發表
可否講下你家教法的理念是怎樣的？

簡單講我家教格言有2個，1：凡事無對錯，只有影響別人令人worse off就係錯。eg唔小心倒瀉水不是錯，麻煩別人執先係唔啱，要自己執返就ok。如果故意倒即係故意麻煩人，呢下先唔啱。2：邊個乖就錫邊個，逐日計，何謂乖，有好行為就係乖。2個都有好行為就2個都錫。有超好行為有大獎勵，就係話比所有親友知你做呢件好事，全部人都知。我之前煩惱女兒爭嘢打交問題，自從一次大女讓妹妹，輪流玩，得大獎之後女兒無再打交了，個過程攪咗成年，完滿解決，現在算係相親相愛。

我讓女兒自主學習，自己經過思考做決定，承擔後果，我着重佢思考過程多於結果。人生係佢嘅，我只可以喺佢年幼時比d引導，我亦尊重佢選擇。每次assessment ,做功課，收成績表等等，同佢review,會先由叻地方開始睇，訪問下佢秘訣同原因，等佢欣賞自己之後再睇不足之處，佢當然想滿分，自然會想方法解決困難令弱項進步。唔駛好耐，佢自然滿分，不過不會自大，因為下次學新事物又可能由完全唔識開始。我深信人人有強項，總有樣嘢叻，讀書只係其中一樣。最重要同自己比較，名次只係benchmark 而已。

另外我無請工人，我女k2開始我做ftm決心令佢甩公主病同埋訓練佢抗跌力，頭家人人有份，要一起建立包括家務，將來長大，希望佢對社會同對家庭一樣有建設。

我嘅家教方式，明顯唔容易有即時結果，要空間時間，個女先可以冷靜思考，我先有時間同佢傾，達成共識，向一d目標進發。真道教法同我好多相同地方。我女兒好怕羞，用成年時間令佢增加自信，上課時時舉手發問，如果學校傳統大班，未必能包容。而且如果要一分一分咬住，我同女女未必捱得住。要注意一點，活動教學並非逃避辛苦，只係方法不同，並非hea住學。

ozoz

原帖由 llkllkllk 於 14-03-26 發表
唔睇呢個post都唔知真道咁堅, 同德望有得揮.   咁真道難考入嗎? 他們愛收邊類型學生?  ...

呢2間完全不同教法，真道歷史短，要放長雙眼先知，中學亦唔係band 1A, 有興趣的話，要多了解理念先好決定入讀，免得同自己期望有出入時後悔。有人用blue chip形容GH呢類學校，概念股黎形容真道呢類。至於難唔難入，現在間間幾千人考，唔太易，不過當然無傳統名小咁難，我覺得佢主要睇小朋友性格是否合適，interview有問學術嘢，唔係極易，但無d重學術學校問得咁深。

ozoz

原帖由 ac917 於 14-03-27 發表
係，我都唔明點解會做功課做到咁夜，我女同班上d同學，9點已經陸續瞓緊覺，而且我日日問呀返學點呀？佢日日 ...

如果要加埋體藝訓練，重有各科補習，10點半唔奇呀。

ozoz

原帖由 ac917 於 14-03-27 發表
明白，不過我體藝訓練，少量補習放星期六，閒日完成功課後用來看書、玩，因為希望佢可以夠瞓，我唔求考第一 ...

我見有d小學生，未必係GH,操水一周8小時又練2個樂器又入樂團，weekdays返到屋企已經開飯，即使補習放weekend，一日48 小時都唔夠啦

ozoz

原帖由 AGJ 於 14-03-27 發表
完全不同級數, 咪傻啦, 小心後悔一生 (唔講校名啦).

級數嘅嘢好難講，真道歷史短，未有太多參考，誰可以擔保10年後會如何？倒不如睇下課程等等是否啱自己重好啦。

ozoz

原帖由 poonseelai 於 14-03-29 發表
是學生自己選lB定DSE？定要由學校最後決定？

真道學生到選擇IB定DSE時，自己已經有能力分析，知自己想點而去選。

ozoz

原帖由 catf2 於 14-04-23 發表
本帖最後由 catf2 於 14-4-23 15:01 編輯

GH 課程改革後小咗好多功課，考試考運用同埋課外嘢多咗好多，對一d 習慣背誦先感覺安全嘅小朋友同家長會唔習慣。改革咗只係好短時間，聽說最近已經加返多d功課，仍然在調整中。個人感覺，讀GH壓力來自家長多d,佢地考試無名次，會比個平均分你知，你會知自己大約係點。我認識幾位GH學生，佢地都好着緊成績，一但有唔識就會主動要求補習，要求自己高分d。我覺得真道同GH都係好好嘅學校，我以前極喜歡GH, 女仔斯文乖巧，讀書又有鬥心，對學校又有歸屬感。可惜我女兒實在喜歡發問，會創造物件同人分享，GH大班上課未必可以包容我女兒喜歡發問同埋研究討論嘅性格，所以我會選擇真道，好啱佢讀。至於學術，我唔識比較，2個不同教法，真道嘅方式係長遠d先睇到個效果，有d可能甚至到高中先見到突出嘢，因為係要訓練個分析思考力，再去探索無限知識，而GH係直接打好學術基礎。我女兒現階段未係小學生，以上純粹個人觀察所知，未必反映整體情況，如果有不同意見歡迎提出，交流下。

ozoz

原帖由 IloveJJ 於 14-04-23 發表
但好少家長好似你咁，能撇開學校的名氣，只考慮適合小朋友的學校



  ...

鬼叫書係佢讀唔係我讀咩，我見到d GH, MS, 聖母。。。女仔個個乖巧，我口水流都無用啦。我深信只要選擇間學校最適合個女，佢先可以將自己潛能發揮得最好。名氣呢d身外物嘅嘢，誰知道20年後係點呢。

ozoz

原帖由 sbux 於 14-04-24 發表
理智的家長，讚！啓發與自學係長久學習的良方

我都有擔心做錯決定𠺢，話晒活動教學好多時比人hea嘅感覺，亦會擔心會唔會將課程整易d令學校做happy school 。為咗要了解多d, 真道一有觀課比準家長，我盡量次次去睇，問用家拎書拎卷拎工作紙睇下，知道佢一d都唔hea, 方法理念同我家教又配合，我先放心去。等女兒返真道一排之後我先可以講多d實況。至於GH, 係老牌好學校，有好多人例同用家，可以唔駛花咁多時間去了解。

ozoz

原帖由 IloveJJ 於 14-04-25 發表
你好勇敢!我個仔去年考學校，唔知點解只有真道有2nd in？個仔係好有好奇心、求知慾，我自行抽到中西區傳統 ...

小朋友其實個個有創意，只係有冇人欣賞啫，大人眼中好肉酸佢當寶貝，多d鼓勵，引佢形容，再修改下，會有進步，不過真係要空間先可以。我情況係咁啱個侄女讀某港島區地區名津，小一還幾好，小二就開始出事，情緒有問題，所有中英文除咗為考試測驗默書，一律唔睇，對學習已經完全失信心，無晒笑容。每次測默考一分一分咬住，目標為本，no pain no gain, 我自問攪唔掂。我地現正全力幫佢，希望佢攪返掂，佢父母講明絕不放棄呢間津校，因為有大機會入band 1名校，而且侄女性格內向，坐定定跟指令no problem，應該啱讀。另外我有鄰居又係小二出事，見心理醫生。可能咁啱身邊事情，加上自己知自己女兒性格，我地好辛苦先由佢係怕羞草怕失敗，變得肯舉手肯發問肯討論，由初時舉手都有d 95答8，一舊舊，得到老師鼓勵引導，到現在明顯進步，我唔捨得打沈佢。我目的唔係要做smart girl, top student, 係想佢學懂溝通，欣賞別人亦欣賞自己，到大個咗面對困難時，識得正面咁想方法解決。好似諗遠咗，其實呢d係自小一點一滳學習，尤其幼兒階段。

ozoz

原帖由 sbux 於 14-04-25 發表
你呢個唸法亦可以解釋到點解小朋友讀完活動教學幼校嘅家長會比較踴躍報考新派直資



  ...

我見好多傳統幼稚園都好多去考新派呀，不過我估父母如果有選擇，會選擇傳統小學。

ozoz

原帖由 Rachelmummy2008 於 14-04-25 發表
好open-minded 的想法。
係香港好易有追求名校嘅諗法，就算楝番地區官津校，都揀入band 1中學收生率高的小 ...

每種教學方法都有好有唔好，我第一次聽真道個名係我Canada 個舅父話我知，佢有個學生中學移民去，跟佢學小提琴，個學生好有正面思想，英文跟到，數理science 完全無問題，好突出，自己知自己做乜，最後入咗一級大學讀醫，佢並非因為人地覺得醫科好，佢係有自己理想。舅父話呢個學生喺香港時讀真道，佢聽都未聽過係乜，羅喇拔佢就識，叫我值得留意下真道，個學生大讚學校。之後經過好多事，同女兒行過好多路，做好多資料搜集先作決定。

ozoz

原帖由 B.BB 於 14-05-07 發表
真道而家咁勁，同德望水平又接近，真係無理由唔讀

如果講DSE 考試結果水平，GH現階段較優，真道上年33222 76%，GH 好似8x以上而且5*以上比例比真道多。不過真道只有11年歷史，呢個成績算不錯。我選擇真道由於個教法同理念啱自己女兒，希望女兒可以發輝得好。