有讀寫障礙小朋友媽媽請入

~仔仔媽咪~

我仔都係adhd,但評估又話佢係學障唔係讀障,但都係差唔多既野黎...我都教到嘔茄...教佢讀書還好,都係諗多d計仔去令佢吸收到同明白,教行為情緒叫佢坐定定唔好成日尖叫大笑發脾氣掟野嗰d...我教咗七八年(我仔九歲,歲幾已經開始癲),都係咁...呢期我癲俾個仔睇,每日以淚洗面唔開心俾佢睇,佢至同我响學校死忍,又戒食朱古力(adhd食甜野會high,尤其朱古力)...

學野要慢慢黎唔急得架!你要好睇你囡囡係用開咩模式吸收野,寫字周圍飛時,你又要用間尺叫佢放响條底線度唔俾佢過界...同佢讀書要好似玩咁唔可以複雜唔可以悶,寫字調轉基本上係關個腦既事,我仔到依家就咁睇住25,都可以讀成52,寫總對係反轉啦...呢d我覺得你要帶囡囡去做感覺統合運動,等佢地睇位睇得好d...我好buy架...感統運動真係對小朋友好大幫助.

~仔仔媽咪~

原文章由 200012 於 08-3-19 09:21 發表

佢話如是多動症,食藥平定情緒,才能用心學習,聽佢講個案,食左藥小朋友在學成績確是進步不少,但d藥應該吾平

但食咗會有好多副作用呢...又抽筋要食止抽筋葯,又會作悶想嘔又無胃口,結果搞到小朋友又唔長高又唔長肉,同埋份量好難配,聽過有個媽咪話,試過份量醫生落重咗,搞到個小朋友食到變成抑屈,食少咗又好似無作用無反應依然咁無專注&high...再者,聽我仔治療師講,葯只係令小朋友攰,令佢個人停咗唔會走身郁,但食葯就禁唔到佢內裡既亂,所以我都唔太敢俾我仔去食葯住...

~仔仔媽咪~

原文章由 fitceo 於 08-3-19 14:35 發表
我仔仔都係有讀寫障礙,我覺得教佢地真係好辛苦,好嘔血,少D愛心同耐心都唔得,我都崩潰過兩次,嗰種失望同失落既情緒,唔係教正常小朋友既父母會知.
記得早兩晚陪仔仔讀故事書,佢見到個"橫"字,讀左"線"字,我問佢記唔記得 ...

你地都還好,淨係煩仔女讀書問題,我仔又係咩都踩界,自閉傾向+過度活躍專注力不足+學習障礙+動作協調障礙+言語發展遲緩(呢樣我個人覺得已經好番,個仔好多野講,但學校言語治療師都話我仔言語表達有問題,依家响學校仲要做言語治療)...唉...呢d問題由我仔歲半兩歲開始困擾我,初時以為係佢曳,點知見佢唔講野到連人地講乜佢都唔明,到三歲半評估至知佢自閉傾向,成日打人發脾氣尖叫掟野,結果我地顧住搞佢呢d行為情緒問題都無精神去搞佢讀書學習問題,去到六七歲,我開始感覺到我仔係有過度活躍同學障,咁升小一的佢去做評估啦,結果話佢過度活躍專注力不足既問題大過哂自閉傾向,政府嗰邊再評估同時又話佢動作協調障礙...

原本頭頭小一嗰年我仔有得去私人嗰d治療師度做訓練真係好咗好多,至少由小一上學期完全自閉响學校自己坐响樹唔出聲唔同人玩,變成小一下學期多野講到山洪暴發...連過度活躍d徵狀都改善左好多...仲諗住做多幾年淨番學障問題會好易搞好快甩難啦...點知屋企唔再support我仔繼續响治療師度做訓練,結果一開始由一星期八堂訓練變成一星期一堂訓練後,我仔即刻衰俾我睇,又是情緒行為完全失控,少少野都令佢好大反應,堆下堆下原本依家間學校個個老師校長都好鐘意佢,變成依家個個都想佢早d走,前排我仔學校主任都忍受唔到我仔,打個電話黎話學校功課支援班再容納唔到我仔,要我無辦法都要搵辦法叫我仔早d放學走...以前我同老師關係好好,依家個仔成日癲結果早輪日日都有投訴,依家我真係一個名符其實既唔識教仔既亞媽...早前我真係俾我仔既問題搞到我有情緒病定係仰鬱,成個幾月就算無再接到學校電話投訴,我都會無時無刻都好down好想喊甚至想殺咗個仔然後自己去死...總之好灰啦...呢幾日可能自己又轉工又有新工番,可能分散注意力卦...呢幾日就好似無呢d想喊既情緒....不過依家我已經唔敢再接再聽到學校任何電話,唔想再聽到我仔又响學校癲,依家同學校溝通既責任都交左俾我老公...我就只有集中精神去教我仔中文英文,費時我一個人樣樣都要同時去搞,兩頭唔到岸仲衰...真係唔想我仔變成一堆廢柴...亞媽無用都唔想個仔都咁無用.

~仔仔媽咪~

原文章由 揚莉煒媽咪 於 08-3-19 15:17 發表
不如你入學習障礙協會
果度有多ｄ家長幫到你
我個仔都有
我知有咁ｏ既小朋友係比較勞氣
放鬆ｄ

入學習障礙協會駛唔駛經社工介紹架?裡面有無咩訓練去幫小朋友?收費貴唔貴架?同埋佢地搞唔搞掂我仔呢類咁失控咁無專注力既小朋友?

~仔仔媽咪~

原文章由 200012 於 08-3-19 15:12 發表

我都不贊成食藥,佢話沒胃 口(叫你食左早,午晚餐先藥...)佢就無話會抽筋,真係陰功

我都係响bk特殊教育d topic度睇到架...之前我仔d問題搞到我好灰,我仲諗住搏一鋪俾我仔食葯,點知睇到呢d副作用,我就唔敢再俾我仔試喇...況且依家暫時我仔都禁得住自己脾氣,係辛苦d,但都想佢學下靠自己去控制下自己情緒同行為.

~仔仔媽咪~

原文章由 fitceo 於 08-3-19 14:35 發表
我仔仔都係有讀寫障礙,我覺得教佢地真係好辛苦,好嘔血,少D愛心同耐心都唔得,我都崩潰過兩次,嗰種失望同失落既情緒,唔係教正常小朋友既父母會知.
記得早兩晚陪仔仔讀故事書,佢見到個"橫"字,讀左"線"字,我問佢記唔記得 ...

至惡頂真係呢班人仔唔鬧得,鬧咗仲衰,佢緊張到腦一片空白,仲要睇住佢個腦真停頓哂俾我睇,仲俾埋個迷惘樣想喊想喊又吾敢喊既樣我睇...真係好想k.o佢呀!!! 有時都教到我好氣餒!

~仔仔媽咪~

原文章由 heyli 於 08-3-19 16:21 發表
仔仔媽咪我好明白你的壓力，但係你要加油，我個女都中三樣，讀寫，專注，活躍！我都試過教佢教到崩潰，係個女面前爆喊！所以，當我一發脾氣我會話兩句，然後唔教住，你要努力 ...

我呢年幾兩年我都因為個仔試過好幾次响我仔面前崩潰發癲咁喊俾我仔睇,新年前接完學校主任話要我仔早走,我嗰日直頭忍住眼淚唔俾自己喊,忍住度氣同情緒咁接我仔放學,我嗰日真係發癲,明明見到我仔已經响學校伏响枱上面流淚(無喊聲嗰隻),但我都再頂唔住喇,當住咁多同學校工老師面前撕爛佢幾本課本(因為主任要佢早走皆因嗰期佢成日無啦啦撕爛高年班姐姐d功課),然後又審問佢然後問佢有無整親人,佢話有,我仲好大力咁車巴佢!我平時唔打仔架!番到屋企我仲邊喊邊當住佢面前撕爛哂我仔儲咗年幾嗰d漫畫書~!以前番工都好掛住個仔好想快d放工去攬住個仔,依家直頭諗起個仔都好大壓力,對住佢我係笑唔出!尤其接佢放學湊佢番學嗰下!上星期我都有打佢,又响學校度除褲俾同學睇!我番到屋企fit佢幾下,要佢記住以後唔可以再响學校度再做傻野/奇怪行為,我都唔贊成體罰,但無奈,我呢幾籐真係幾有效...打完咁多日都好正常...有時自己都好矛盾....不過,我把口已經教仔教到好攰又無效果,真係好想快d教好佢...依家查實佢都好乖,知食朱古力佢會high會失控,佢咁鐘意朱古力都自動自覺戒左唔食,老師奬佢食朱古力佢都忍到唔食仲俾番老師,屋企發現有漫畫書未俾我丟落垃圾桶,佢都主動自己丟落垃圾桶,佢話因為媽咪話過漫畫書會教壞佢,佢至愛嗰兩樣(朱古力+漫畫書)佢都願意捨棄,實情佢已經算係咁.

~仔仔媽咪~

原文章由 aln 於 08-3-19 16:16 發表
仔仔媽咪
唔好唔開心啦
我都想像到你地真係好辛苦好吃力好心痛
不過其實小朋友自己都唔想架
佢都係身不由己....

你地就好一對partner咁
一齊面對呢d問題
問題出現真係冇人想架
係咪 ??

如果真係頂唔住
就行開一陣
...

我一直都好覺得我同個仔就係一對partner黎!我成日都係咁同個仔講,叫佢要同媽咪一齊努力加油!有時個仔仲會緊握拳頭同我一齊响學校門口喊加油!我係明白佢都好努力去改善自己,佢有時自己都話自己好想改變到自己,我亦睇得到佢一路有努力過,不過現實呢個世界無人接受到佢,亦無人等到佢進步得咁慢,咁耐以黎一路俾人話,我又極度擔心佢大個左仲係咁實生存唔到,呢d種種原因(有好多未講亦好難講得哂)都搞到我同個仔好大壓力好緊張,甚至乎有少少神經質,有時响街我仔唔覺意撞到人,人地都未俾樣未投訴,我已經好大聲鬧到佢一頸血~!再唔係我未鬧或者無諗住孖叉佢,我仔唔小心整到人都會好驚好緊張咁望實我好似等我鬧或者怕我鬧...所以有時我係知我仔大壓力,但同時又要教好佢,所以點教佢又唔會令佢崩潰,呢樣我都好有顧慮.

(放工先....今晚番到屋企再傾~~谷咗咁耐係時候散喇...^^:)

~仔仔媽咪~

我唔係番tower架!我仲响港威度做~~~不過啱啱俾人炒魷,做到四月中就番新工~~~ 都係响番同一個寫字樓度做,跟我嗰區個top agent no.1做佢秘書囉...不過人地請左我至知原來人地好惡,希望我醒醒定定啦!你响tower度做架?

查實呢幾日我都無時間玩唔開心玩灰架喇...遇啱新舊工轉接期,不過一諗起個仔自己就會好擔心又會唔開心,淨係諗點教好個仔或者個仔有無機會正常番,已經諗到我好頭痛!!!你都知啦,我地呢d唔番工會餓死嗰d,番工已經夠忙,放左工都成五六點,又想個仔十點十一點前好早d訓,計計落落,每晚真係無咩時間教佢太多野,咁佢都需要休息既...我已經唔俾佢開電視睇,玩具又因為之前佢太反斗結果我依家禁止佢買,去行山..講真,佢個態度真係就我囉,都唔係佢想去行山既...再者,咁多年我都好怕帶佢出街,佢實整親人既,有時帶佢出街真係搞到大家都好大壓力,係行山佢點跑點fing都唔會騷擾到人咋...

至於讀書,相比佢d情緒行為問題黎講,讀書我又唔太緊張,,,都緊張既,不過輕過緊張佢情緒行為一百倍啦!讀書基本上佢係背到書,係寫字有問題,同埋數學障礙囉!數學呢家野真係我既弱項,所以都靠佢老師教同佢自己執生,我淨係教佢中英文咋...不過呢期佢數學有進步,平時十以內既加減數佢都唔識計唔掂,8+1等於幾多都答唔到我,但呢期連三位數既加數直式佢都可以自己計啱囉!開心c我!!!呢樣真係多得佢個數學老師既悉心教導!

可能依家好心情,所以都無咩想呻,不過頭先响公司睇到你同heili媽咪既留言,真係感動到差d又响公司開水喉~~~好彩我仲忍得住唔喊啫!我太易喊喇!基本上我依家只會為個仔先至會喊~~~相反,响公司俾老細激親,我都無野架!不過呢次炒魷都好慶幸同老細再見亦是朋友~~~都幾開心.

原文章由 aln 於 08-3-19 17:47 發表


你返屋企先啦
再傾

聽到你係學校既情況
我都好心痛
心痛你同仔仔

你係咪返tower架..
幾時有時間
一齊飲杯野啦...

支持你

aln ;)

~仔仔媽咪~

原文章由 揚莉煒媽咪 於 08-3-19 22:29 發表

果度情況更差都有
主要係d媽媽幫下手
講解以前經驗
教下各家長點拎到學校調適等
幾好架
年費50蚊
詳情可以入去睇下
http://www.asld.org.hk/
仲有d興趣班比小朋友參加
收費都好平下架
你可以打去同d義工媽媽傾下先
...

謝謝!等我入去睇下先...

~仔仔媽咪~

原文章由 gongonma 於 08-3-19 23:21 發表
仔仔媽,

你好!
我大少已經五年班啦! 之前他是字盲, 教他小點耐性及方法也不行!
幾年前我也常在這兒一起分享淚與汗。
要知男仔情況一定比女仔壞, 因男仔Gen是XY, 當其中一個色體有問題就無得幫忙, 不像女仔兩條一樣 ...

gongonma,

我係明白你既諗法架!一直以黎我都係理解我仔既問題同難處,所以我一直以黎都唔打佢亦好少好惡咁鬧佢,都係同佢講道理咁教佢,但係佢一路長大,又發生咁多事(成日整親人),學野又學唔到,成日見佢個心態都係一味諗玩,都唔想去學野,連學玩都話唔學...好自然就好擔心佢成世都係咁又浪費咗佢自己既時間,做父母莫過於最擔心自己仔女大個左養唔掂自己同融入唔到呢個社會,講真,我地到時都賣咸鴨蛋,得番佢自己一個人去面對去承受呢個社會俾佢既壓力甚至嫌棄,一諗到呢度我就會好驚,我係好介意人地唔體諒我仔甚至乎係我,但係最主要都係好感覺到我同個仔係孤軍作戰,無人支持...之前係好以為我地同學校都係同盟黎,大家一齊合作一齊互相幫忙去幫我仔打勝障,但係今年真係無呢個感覺不但只,我係覺得俾學校離棄咗!個仔讀書唔掂,學校今年已經係咁投訴,你話個仔有學障都無用,跟住又一大堆投訴我仔情緒行為失控,你話佢adhd或者係多數d同學當佢係傻仔咁玩激到我仔發癲都無用,學校要求我仔要忍,我惟有迫個仔去忍...叫個仔同老師講(俾同學蝦),我仔講時d情緒已經好唔掂,一講就尖叫甚至失控又表達唔到俾人知同學蝦佢d乜...你話如果我淨係搞是但一樣都還好,我仔樣樣都有齊..集中火力搞佢情緒行為時,老師又會質問我地究竟有無睇個仔d功課,集中火力處理佢功課時,佢情緒行為又黎出事...所以都好頭痛...唔知搞得邊樣好...樣樣都好urgent...

~仔仔媽咪~

原文章由 chariho 於 08-5-23 11:43 發表
仔仔媽咪:

其實學障會只是一個學障孩子家長的協會, 每年只收$20年費. 定期有刊物寄出, 也有一些  course 可以參加,各區都不同.有: 中文記憶拆字法之教具DIY, 體操班等.

這裡有它的website: http://www.asld.org.hk ...

THX~~~!!!我睇下有咩COURSE可以幫到我仔先...依家學校開始令我有番信心,開始有番溝通喇!勁開心!!!不過我想要求佢地幫我仔調班,但可惜佢地係以英文程度編班...唔知傾唔傾得成呢...始終我仔編去最差嗰班,嗰度壞學生雲集,我仔淨係花時間精神耐性應付佢地(壞學生),都已經無任何精神同力量去應付其他障礙...希望傾得成啦!

~仔仔媽咪~

原文章由 dickielam 於 08-6-25 13:23 發表
或者你都可以試下小童群益會有一些course係專為有學障小朋友既, 唔錯架, 我見我仔上了一半, 認字方面有進步, 所以你不妨試下.

但我仔有埋過度活躍,之前參加過出面d活動都搞到係人都怕咗佢(包括個導師)...所以暫時我都未敢放手俾佢JOIN出面d課程住...我諗住呢個暑假都係自己响屋企教仔英文同數學(呢兩科佢真係完全唔掂...=.=)咋...!!!等佢之後食葯嗰度令佢明顯定番d我至考慮同佢報出面d活動...費時又搞到人地上唔到堂時,我自己又睇到好心up同憤怒啦!