想請教各位ADHD小朋友食左RITALIN後會否易怒左?

~仔仔媽咪~

我仔之前食ritalin都會有呢種情況,食完葯效起嗰兩三小時係OK有效,佢成個人都會好攰好呆,發唔到脾氣; 但當葯力過咗,佢就即刻打回原形,仲要D脾氣仲衰過未食葯之前...所以捱咗兩年,呢一年醫生至俾我仔轉食concerta...因為我仔開始高大,佢D同學比較細粒,都驚佢會打死人/搞出人命.

試下同醫生反映番呢個情況啦.如果唔係真係有排煩.

~仔仔媽咪~

原帖由 manicheung 於 10-9-1 21:11 發表
我仔都食 Ritalin , 但我仔食完藥 (半粒)都冇咩反應 , 冇乖到又冇話好呆...唔知係咪 d 藥唔啱佢食呢

我囝初時食半粒都無咩反應架!係轉咗食一粒同埋食耐咗就開始出現呢D反常問題...你試多陣啦,半粒呢個份量只係醫生試緊葯既份量黎,都係主要睇隻葯對小朋友有無咩副作用嗰D,如果食咗一排都係無效用,你記住一定要同醫生講呀,等醫生可以再調較番個份量或者轉葯.