請問想報讀DGJS P1的流程！（沒有經驗,請指教）

TST_Mama

回復 lovelinda 的帖子

1st interview考乜野真係五花八門，就算同一年，考唔同session的小朋友，考完出來講的内容都唔同，如果有人講内幕貼士俾你聼都千祈唔好信，亦無需要參加街外的面試班，校長Mrs. Dai非常不喜歡那些什麽專攻DGJS面試雞精班。我聽講過某年有一組1st interview係要小朋友讀一首英文詩，所以，我估計1st interview只不過讓老師觀察小朋友的紀律、禮貌、説話基本能力、在陌生環境是否淡定，遇上難題的反應等等，考卷成績只要不是非常差，便有機會進入2nd interview。當然，如果喊、發脾氣就一定out硬！
2nd interview則由Mrs. Dai親自負責，每兩個小朋友進入校長室，一個先與她面試對答，另一個則自己在旁邊看書。然後，到第二個小朋友面試時，第一個小朋友在旁看書。問題都是日常common sense 問題，估計重點在於觀察旁邊讀書的小朋友是否專心，或是不留心八八卦卦只顧聼Mrs. Dai與另一小朋友的對話，先讀書的小朋友，Mrs. Dai會問她少許書的内容。禮貌與儀容亦非常重要，千萬不要over dress，過分deluxe的Nicolas & Bear裙仔，複雜的辮子，花花碌碌的頭飾，高踭鞋，就無好搞啦！最緊要似一個學生，長頭髮就要綁辮，短頭髮就要梳理好，髮夾最好DGJS藍色，裙要簡單乾淨，淨色鞋（黑色最保險）。父母有空最好一齊出席，細佬妹就無好跟埋去喇，父母亦唔好over dress，爸爸盡量唔好講電話，公事暫時放低，也不過一個鐘頭罷了！在waiting room等候時，小朋友也要注意禮貌以及與其他小朋友的互動，千祈唔好同人搶書睇，唔好霸住幾本書，睇邊本就攞邊本，睇完本書要有手尾，放囘原處，爸媽要事先教導女女，千祈唔好係現場教女，叫佢做呢樣，唔好做果樣，waiting room果位老師可能係到觀察小朋友的自律與行爲架！

聼講基本上是兩個揀一個，如果遇上超班對手，甘就真係唔好彩囉！盡量讓小朋友自然D，表現真正的性格，刻意做作反而適得其反，Mrs. Dai與那幾位負責interview的老師相人無數，真我或是假扮又點能逃過她們雙眼呢！Anyway，祝大家好運！