2010~2011 小一家長請進!

小鄧

請問綜合學習日是否要穿運動服?

小鄧

check 左eclass, 係pe衫呢, 仔仔最開心就係可以穿pe衫呢, 佢真係好似我, 我小學時, 都係好鍾意穿pe衫的日子, 因為有得上pe堂, 可以跑跑跳跳呢。

雖然8號風球大家都唔使返工返學, 但係第一次學習日就會miss左, 會好可惜, 仔仔今晚唔知會唔會同我講求天父明天唔好打大風呢?

小鄧

昨晚我問仔仔要唔要求下天父唔好打風落雨, 佢話一早求左啦。最近去借左d有關聖經故事的書俾仔仔睇, 佢好有興趣, 第一次自己睇完又睇, 日日就提我要帶聖詩禱文, 到底老師在學校教左d咩呢? 佢好記得有關聖經的東西呢!

有一次睇左一本關於耶穌被釘十字架的圖書, 問佢好唔好睇, 佢話好好睇, 因為好驚, 所以俾佢5粒星咁好睇, 之後我問佢耶穌誕生那本好唔好睇, 佢就話有3粒星, 之後就改口話可以有5粒星, 因為知道耶穌被釘十字架好辛苦, 所以俾多兩粒星佢, 笑死。

小鄧

aquarius828,
有時宗教故事會令佢明白多些道理, 分辨善惡, 絕對是好事呢!

樂器班我都冇報, 因為都係學緊琴, 唔想學太多野, 估計3、4年級才學啦。

普通話因為幼稚園冇咩教過, 根基可以話冇, 所以都冇報, 睇測試內容都唔少野呢。最後只報天天普通話。

小鄧

aquarius828,

YEAH!! 我地兩個似乎思想相近, 亦意味著我地兩位公子的性格、行為...有機會是很相似的 。

小鄧

各位各位,

我又有少少問題想問問, 在eclass校園最新消息內, 見到咩 word-of-the-day (Cycle B), 咩東東? 高年班的? no idea? 要理會嗎?

上午班家長,

請問家長日等得耐唔耐? 見又見左幾耐? 係咪老師講下小朋友的表現等等...?要注意事項等? 我地今個星期六見, 時間唔多夾到, 見完要趕去接仔, 怕會好趕好趕呀。

小鄧

祝大家中秋節快樂, 今晚多數在室內活動, 可能帶仔仔去溜冰! 但要睇老公幾點得閒呀。

多謝各位家長回覆有關見家長的問題, 我都要準備下想問咩先, 但到時多數俾老師開左話題, 之後我就唔記得想問咩, 超級冇記性, 所以要寫低。

我冇見到興趣班回條, 可能代表唔收? 唯一報的班都唔收, oh oh oh!

小鄧

aquarius828,

我隻仔唯一報跆拳囉, 星期三問仔仔知唔知有冇得玩, 老師有冇派通告, 佢話冇見老師派, 而老師講過多數會好遲好遲, 我話其他班派左, 佢就話冇見過呢! 咁我就同佢講應該可能報唔成, 抽唔中囉。oh, 冇得見到你地tim!

Hello Kitty,

多謝報料, 我找到仔仔的一張相, 佢好開心, V 晒手仔, 同d同學仔&乖乖豬影相。

上下午班影的相好唔同, 各有特色, 我就好鍾意仔仔的相, 多謝晒學校、老師當日的安排, 令我地可以分享到小朋友校園生活的點滴, 也在此多謝當日的家長們, 令小朋友有好豐富的美食, 亦過了一個愉快的下午。真係好彩打唔成風。多謝晒!!!!!!!!!

小鄧

aquarius828,
我估都係字條仔釘手冊, 因為so far 學校係咁樣模式通知我地。都知道有時會夾左去第二度睇唔到, 但真係由頭到尾, 由尾去返頭都冇見到紙仔。哈哈, 等下啦。

loveAM,

我都估計係遲啦, 如果今晚都冇見紙條, 明天可以問問老師, 如果有份但漏左, 都可以趕得切帶小朋友返學既，因為我都好想佢學啦。

默書, 仔仔期待左好耐, 因為幼稚園有默, 佢啱晒我會蓋印仔換禮物, 所以佢想快d可以默書。

小鄧

各位好,

關於跆拳道, 星期五都係收唔到通知, 心想明天家長日問老師, 星期六一早醒來, 醒起之前派通告好似有電話, 外判的活動, 老師多數唔清楚, 唔好浪費時間問老師, 即刻打俾負責人, 佢話唔好理有冇通知, 照返。but見家長overrun得好緊要, 回家再接送仔仔上堂已經成1時10分, 遲大到, 仲俾課外活動老師話我地下次要早少少, 我當然好想啦, 冇下次, 哈哈。

我地下午班想學劍橋暫時只有三個方法, 一是找一間有7:00pm以後會開班的教室 (好難), 二是自己在書局買教材, 1個level有5份練習, 有埋cd, 自己教, 三是等下年全日際才學。

小鄧

aquarius828,

上星期六我送完仔之後趕左返公司, 冇在出面等, 之後又好趕2時返到接佢, 之後又好趕咁走左, 都唔知仲咩上星期六趕完又趕, 趕到傻左, 黎緊的星期六應該冇野趕, 可以等佢, 我要返星期六的, 放1時, 應該爸爸送佢去, 我去接, 我到時call你地。

小鄧

我等埋仔仔一齊tea, 跑完跳完肚餓d, 食得快d, 多d, 又唔使勞氣, 太好了。

小鄧

aquarius828,

你仔仔仲有午睡?好彩唔係返下午班呢, 唔係就上上下堂zzzz! 我唔知我仔仔上堂有冇zzzz! 應該冇, 如果唔係, 點解返到屋企做功課時就zzzz!成個人好似俾人點左穴咁, 目光呆滯, 冇晒反應咁, 但係一早起身又嚷著要上網做i-learner, 好鬼醒神, look大隻眼睇住做, 唔知講咩就係咁問我, 夜晚做功課係咁就好了。

係呢, 有冇人知道「鐵路安全之旅」是點樣登入的,仔仔好想玩, 但login唔到。

小鄧

咁就過左1個月了...你地覺得小朋友習慣返小學嗎?

我的仔仔就so far so good, 手冊都抄得幾足, 抄唔足都可以講得返差d咩。我估計佢上堂的專注力一般(老師話), 有時d文章識得讀返俾我聽, 有時就成段讀唔出, 鉛筆又咬爛晒, 擦膠就碎屍萬段, 昨日就連成個筆袋都唔見左, 仔仔仲話校工嬸嬸好好人會幫佢地收起在一個盒內 (相信係失物認領啦!)

仔仔仲係好掛住d幼稚園同學, 我估去完11月19日學校旅行, 佢會掛住依家的同學多一d了。

aquarius828,
早前你提過9月30日要默書, 我冇為意, 昨晚看手冊, 真係要默書呀! 你咁早就知道? 好彩默a - z, 暑假已重溫左,(你記得名仔的表現嗎, 哈哈!), 如果唔係, 以仔仔現在的表現, 一係就昨晚唔使訓, 一係就由得佢錯啦! 我的問題是得1日通知...有d趕! 定係在課堂已同小朋友提過而我仔仔冇講?

小鄧

aquarius828,

真係昨晚的手冊及eclass check 手冊先見到, 除非我睇漏眼,
但可能性好低。預早通知好似好d, 有多d時間準備。

小鄧

其實幾時通知都好啦, 反正同一班是同一時間通知, 冇咩所謂, 各有各班規, 絕對應該遵守。我只係有d擔心唔夠時間溫習, 你知啦, 下午班, 放學都成6時, 返到屋企, 晚飯...最快7時半開始做功課, mememormor, 成8時半, 佢已經好疲倦, 如果有多幾日通知, 可以分開少少的溫,效果會好d呢。

以前幼稚園默書, 是每月出一次通告, 預告這個月的默書內容, 逢星期一默一次, 一次6-8生字, 所以我地逢星期二開始, 每日溫1-2個, 加加埋埋就夠默書囉, 似乎太好服侍啦, 依家可能叫正常。

小鄧

測試就唔係好緊張, 因為緊張都冇用, 仔仔係不小心型, 溫好晒書, 都可以錯d唔應該錯的題目, 算吧啦。

我地未有機會相認呀 , coming sat 再試試啦。

我想問手冊寫住revise dict (2) 是代表什麼, 有冇人可以解答?

小鄧

唔該晒l-law,

我最終在小朋友的英文書, 一打開那頁發現左張黃色紙仔, 寫左10月12日默書, 及內容。仔仔唔識講, 唯有媽媽玩多幾次尋寶遊戲啦。我同左仔仔講, 下次有d咩貼左在書, 要告訴我, 佢就仲係傻傻下囉。

please check PM also.

小鄧

我仔仔依家做功課時就會釣魚, 點算?!?

有時會以為佢返學太疲倦, 又或是書包太重令佢好疲倦(自己背的), 回家仲要做功課, 心軟之下叫佢休息下先, 佢就走左去玩, 仲鬼死咁精神, 叫返佢上枱做功課, 佢又繼續釣魚zzz!

有次試過俾d糖仔佢食, 一邊食一邊做, 就會好d, 食晒就開始又釣魚zzz!

又有一次佢話又眼睏, 點知佢真係睡著了, 晚上9時才起來, 再吃飯, 做功課...。

其實功課都唔多, 好多都見佢在學校做左, 次次都係埋尾的一份就出事, 又或是寫中文, 常識就出事。

有冇寧丹妙方呀!!

小鄧

昨天出席了家長學堂, 獲益良多, 安排得很好, 以下是一些分享。

開始唱歌環節, 提醒我們要愛孩子。

之後有英文科主任講解:
- 主任表示學習外語是需要多練, 所以會多些功課,
- 小一至小六教科書會用同一出版社, 因為佢地覺得深d同埋跟到考試要求,
- 測試考試前會有模擬測驗, 等家長及小朋友熟習下問題模式,
- 默書內容會上載在eclass 予學生溫習,
- 小二下學期開始會有unseen dictation, 有錯只扣2分,
- 小一要讀40本圖書,
- 高年級考oral會計算平時分, 因平時也會給機會小朋友習練,
- 小三小六TSA會由外籍老師train oral

次後有主任分享, 重點道出︰
- 勇於說真話,
- 待人語氣/態度要客氣/溫和
- 說造就人的話,
(對我來說是一個提醒/ 反思)

之後就分組互相認識, 由高年級家長帶領, 當中認識到同班的家長們, 估不到大部份是仔仔的家長呢!

出席之前, 心情耿耿的, 完會後, 心情放開了, 回家後對孩子又多了些耐性。哈哈。

如果說漏了, 希望有出席的家長可以補充。