2010~2011 小一家長請進!

小鄧

aquarius828,

關於買校服大計, 我打算第一站裕x國貨, 第二站世x, 第三站羽絨。

我已打左電話問世x價錢, 所以先去國貨(恤衫一定平過世x), 睇睇質料及價錢, 合心的便買, 仔仔已經幫我買左校徵for釘上恤衫, 羽絨就四圍行下, 旺角是target, 多選擇, 不過我都問過有一間樓上舖, 要11月先入新貨, $300-$400不等, 雖然棉大衣平d, 但比較羽絨, 一樣大大件, 但真係會暖d。

有時我罵仔, 老公就會同我講現在先小一, 有排罵到小六呀...唔好咁緊張! 咁我就會收歛些, 多得佢成日提醒我啦。

小鄧

aquarius828,

唔好笑我啦, 我有2個化骨龍, 要慳得一蚊得一蚊呀。

原來睇睇下, 我都唔記得左自己join 左英文百寶箱, 都未玩過, 昨晚得閒試玩左, 都幾好玩, 仔仔又多一個選擇。反而天天普通話就好似好長氣, 欠趣味, 仔仔開左一次就冇再開...。

小鄧

我仔仔都好鍾意玩鐵路安全遊戲, 佢玩到連個mouse都差d飛埋落地, 好彩用有線mouse呢! 另外, 佢最緊張玩i-learner, 成日一早起身就叫我同佢玩, 我仲未醒呀, 佢就醒左係咁叫我, 成日話要早過人地做, 要排第一(因為當日最早做就一定是當日的第一名啦, 自己扼自己, 傻豬!)

小鄧

magic candy.

i-learner=智愛中文,
鐵路安全=機電工程署的網上遊戲, 放了link在學校mainpage, 綠色格仔"最新事件簿", 要login玩, 好好玩, 去試試, 玩到24/10就冇得玩了。

小鄧

我最終要list out 出來先記得, 同埋我老公將d 網頁link, login details 續一send email 俾自己 eclass, 用返個網站名做title, 等仔仔日日開eclass, 去電子郵件, 見到個i-learner個名就識得click入去, 再click條link, 唔記得password就順便看看, 好方便。

不過上次學校網頁down左就煩d, 要search返個網頁出來, 所以我都係list out & print out左, 等仔仔有需要時對住打。

小鄧

大家加油啦!

前兩日綜合學習日已經有相睇, 去relax下啦。

都好好彩影到我仔仔呀。

小鄧

aquarius828,

再提你一樣野, 明天我地下午1a英默, 你地係唔係?

上次就每日默一次, 結果脫腳,
今次冇咩點溫, 睇下效果會係點,
如果都係一樣, 咁我日後就唔好浪費咁多時間同佢溫默書, 做下其他野好過。因為已經開始覺得學校進入了狀態, 仔仔少左時間練琴。

小鄧

aquarius828,

仔仔上次就係太熟, 我同佢默佢就話識識識, 自己默晒, 默默下就開始太開心, 越默越快, 心都創埋, 變左唔聽人講野, 結果係成個字漏左冇默, very very careless.
所以今次唔鬼溫, 等佢唔熟, "可能"會小心d聽下人讀要默咩。

我仔仔學琴都係beginner, 未有樂理呢, 仲係彈緊簡單的歌仔呢。

小鄧

仔仔通病, 自以為是 + 粗心大意, 佢k2開始已經係咁, 我都已經習慣左, 所以我預算返到學校打個8折就合理了。有discount, 正啦(自我安慰)。

小鄧

明天跆拳本身冇課呀。

小鄧

aquarius828,

5折我真係會暈, 但係可能會刺激到佢醒醒, 努力d, 老師一定會用群眾壓力幫幫佢。仔仔話見過一d同學的功課字好整齊, 好乾淨, 佢都要學下喎, 哈哈。

昨晚我仔仔返來訓到成9點先起身, 做得功課都冇乜時間默書, 今日c梗, 今朝又返左工, 冇得幫佢再溫, 真係要天父保佑了。

我開始識驚了, 下星期pre-test, 中文好多寫作, 我覺得仔仔唔識做。數學的文字題越來越深, 仔仔完全唔明, 點死?!?

小鄧

aquarius828,

俾紙仔, 我個仔冇咁勤力啦,佢坐校車最開心係同同學仔玩, 溫書, no way la! 我驚佢到默書時先攞出來睇, 仲大鑊, 出貓tim!!哈哈, 仲c!

我地下星期一pre test中文, 再下星期一先pre test 英文(剛改了), 但數學就只係話下星期, 又冇講邊日? 常識冇話 pre test, 英文就星期五默書, am I right?

小鄧

下一循同學仔媽媽, 手冊有數作要做, 但我找不到, 你地有冇? Thanks.

小鄧

關於買校服, 我也有相似經歷。 夏季時, 先打電話問晒兩間, 尖沙咀的, 態度一般, 只告訴我7件野共5百多元, 唔會講每件係幾錢, 油麻地個間, 問咩答咩, 上到去好helpful, 所以我話佢地好nice, 價錢仲平好多。但今次冬季, 聽人講尖沙咀的質素好些, 便去買, 去之前打去問, 就唔係幾耐煩咁答你問題, 星期六上到去好多人, 一樣問佢攞一樣就俾一樣, 唔會多, 問佢長外套同夏天有冇分別, 佢只答你有, 你係要再問佢攞來看看, 佢就會一路行一路自言自語重覆我的話"看看", 但我唔看看又點買呢? 佢d衫好似有寶的, 收得好好, 我的評價係佢應該當我地有寶好過當d衫有寶好d囉。最後我仔仔只在那裡不情願地用了$493買了毛背心, 長外套, 運動白衫及運動track suit(焗買), 其他可以在國貨公司買的, 我都跟國貨公司(長西褲, 恤衫2件,校褸), 裕x國貨的服務好好, 好好, 仲有9折。計計埋埋仲慳左約$150, 又慳埋d"氣"。

小鄧

aquarius828,
毛背心/ 長外套/校褸/棉衣都係不同程度保暖用, 相信只取所需吧。

尖咀的那間, 星期六去, 我見另一間幼稚園的學生在買校服, 那間幼稚園是出名的學校, 有好多好多學生, 我見佢地女仔埋單價係$14xx, 結論係唔憂做掛。

又公平d講, 我老公也有去, 見人多佢係完全冇入過去, 拿了我地所有隨身物在樓下等。有些就1家3口, 2大人服侍一個小朋友試衫, 又有些家長真係唔係好知買咩, 左問又想,未有決定。 人咁多有好些的服務都真係難, 好彩我先去國貨公司, 買左一部份, 知道有咩未買, 帶埋學校網頁download個清單, 入到去要左幾樣野, 即試即走, 唔使10分鐘。我冇買棉衣, 現在我只欠羽絨未買了, 可以遲些。

小鄧

aquarius828,

總之就要清晰自己想買d咩, 去到校服店速戰速決, 記得係佢唔會問你仲有咩想要, 你冇講佢就係咁多了, 祝你好運。

派左默書咩? 仔仔上次派默書唔敢話我知, 其實只是扣左5分, 佢已經唔敢講, 我要檢討下, 可能已經不知不覺俾左壓力佢。今次我都好擔心, 85折都好啦, 同自己講, 仲有好多進步空間, 這只是長跑的起步, 長路慢慢呀。唔知係咪仔就真係咁呢, 好唔上心的, 錯d傻野。今個星期五默的又深左d, 大鑊。
俗少少講, 仔係屬於後上馬, 開頭就算大落後, 最後轉入直路時, 加佢兩鞭, 隨時跑出。唔好放棄就得了。

小鄧

唯有希望老師會俾一次機會佢。

原帖由 natalie2008 於 10-10-26 11:25 發表
我想問我小囝唔小心留功課在學校,都明天交功課時老師會唔會當小囝欠交功課嗎?.....
真激氣.......

小鄧

aquarius828,
我昨晚睇左仔仔默書, 結果係錯3樣, 但只扣了3分, 因為最後兩題冇寫 ".", 最後一題的Thank寫左"thank", 結果扣3分, 好彩改正只需抄一次, 錯3樣扣3分, 好抵!仲好抵死!

表面睇, 比上次進步左, 上次95, 今次97, 實際上mistakes 係多左, 真係"不小心"的表表者, 仍需努力。

昨天中文pretest, 仔仔話有d題目唔識做, 因為冇俾字佢地選擇, 唔知寫咩好, 可能是不供詞填充呢。

小鄧

原來唔講fullstop, 咁只係冇寫兩個都好好了, 好安慰啦! 中文閱讀理解可以多些去智愛中文學習平台, 佢地每兩日一篇短文, 之後又會教我地留意文章的重點.....講解易明, 仔仔都明, 做左近兩個月, 我都覺得仔仔有進步, 有時聽完篇文問佢, 佢可以答得出, 真係好好, 依家多左好多途徑學習, 唔使去書局買補充練習。你都試試, 仔仔好鍾意做, 每日都好記得叫我同佢做。

原帖由 aquarius828 於 10-10-26 11:51 發表
小鄧:

係丫, 仔仔話老師E家唔講 FULLSTOP, 要自己寫的, 錯3樣, 扣3分, 抵到爛啦, 哈哈!

中文只知有閱讀理解, 仔仔最弱的地方, 真係死硬, 唉!

小鄧

今日開始凍, 仔仔開始穿冬季, 但係佢好唔鍾意件背心毛衣, 死都唔穿, 有d唔明。

下1a唔知係唔係今日測數學呢? 仔仔對d文字題唔多明, 小一就有文字題, 真係深深深。