請問將軍澳羅氏基金中學的banding ?

lkong2005

根據教育局嘅定義，只有學生有banding, 學校喺冇banding嘅，收咗超過50%band1學生嘅學校就叫band 1學校。但喺收到100% band 1 生嘅學校唔一定考到band1 成績。所以人哋同你講某某學校喺band 1學校，都要睇睇佢公開考試成绩得唔得，喺唔喺band 1成绩。否則，一間學校收band 1 生考band 2成绩就慘啦。成為一間負增值學校。


羅氏基金中學每年嘅年報都有列出收生成绩和公開考試成績，前幾年主要都喺政府派位，收band 2生，以教育局嘅定義，佢只喺一間band 2學校，但佢喺公開考試中學會考竟然考到band 1平均成绩。所以近2年收生要求提高咗，再加上直資小學畢業生質素較好，現在已經直上中學，羅氏基金中學慢慢變成一間band 1學校。

試想想收band 2 生考band1成绩, 相對一間收100% band 1 生考band1成绩, 増值能力更高。


如果羅氏基金中學收100% band 1生，相信將來嘅成绩可能會更好。

[ 本帖最後由 lkong2005 於 11-11-1 12:33 編輯 ]

lkong2005

“他將會隨時退休(因為不知保良局用不用他)，但他想做多3至4年。”

感覺上羅氏校長好務實，從不浮誇。佢講唔知保良局用唔用佢只喺謙虛話，羅氏中學舊年至囉咗全保良局所有中學中嘅”傑出學校管理奬”，保良局又點會唔用佢吖，只喺驚佢話唔做退休，但佢話想做多3至4年，應該喺想做到現在由直資陸慶濤小學第一班學生(現升讀羅氏中一)
中學畢業後，睇到成績，即喺5年後。聽講佢以前應承過呢班家長做到呢班中一學生畢業。

正因為羅氏囉咗個”傑出學校管理奬”，從教育局嘅《全面評鑑/視學報告》中說明學校有自我檢討，自我改進，自我完善和自我增值機制，就算羅氏校長真喺退休，管理機制運作良好，對學校影響應該唔大。

“直屬小學如想入讀真屬中學，已經收了。現在只收取餘額學生。”

因為有直屬小學(大约收100人，餘額多少，不太清楚)
，所以競爭比以前大咗是肯定嘅。

“學校不一定收取成績十分高的學生，只要學生有讀書興趣便可以，因為校長話學校有信心教好小朋友。”

呢個我相信喺真嘅。羅氏校風唔差，再加上佢前幾年收band 2 生考到band 1成績，就証明學校收取成績唔喺好高嘅學生而又能教好小朋友考到band 1成績。全港又有幾多間中學可以做到啞？

“非常鼓勵小朋友參加學校舉辦的海外交流團和海外交流會。”

其實羅氏舉辦的海外交流團，可以增加學生嘅國際視野，對學生有益無害。你唔想去可以唔參加嘅，冇人會逼你參加。而參加這些學校搞嘅海外交流團費用不會很貴，主要是來回機票和交通费，入住對方家庭，唔使住酒店，對方家庭包食宿，大约幾千元，又可以真正認識當地文化和生活。同區其它直資又有邊間有搞海外交流團？就算有費用都喺萬萬聲，一般津校想去都冇得去；
相比一啲富贵直資學校嘅海外交流團，唔想自己煩，外判比旅行社等等….動不動3 至6萬去一次，住酒店好貴，食嘢貴，再加上搞手/代理/旅行社要賺錢，每日上幾堂課，又唔知可唔可以真正認識當地文化及生活，值唔值就見人見智啦。

“個人感覺學校會走國際化的路線，要求的家境亦要比較好才可以追上學校的要求。”

其實羅氏應該喺走直資平民化路綫，相比其它直資學費較平，用最低成本走國際化嘅路線，一般中等家庭應該可以應付吧。



[ 本帖最後由 lkong2005 於 11-11-7 16:37 編輯 ]

lkong2005

我個人認為羅氏嘅缺點就喺唔做宣傅，唔做市場推廣。只靠用家囗啤，靠實力做出成績，咁樣做市場推廣好慢，冇人認識，吸引唔到band 1 生投考，只能收較多band  2 生，直接影響公開試只能有band 1c嘅成绩。收到較好嘅學生(band 1生) 應該會考到更好嘅成绩。

原帖由 Naurto 於 11-11-14 10:53 發表
請問羅氏基金你個人認為有什麼缺點呢 ?