請教高小黑馬發力

wan_sosin

我見過的黑馬,中學才發力!

wan_sosin

原帖由 scyauchris 於 15-03-25 發表
最重要命好

當然我地未知佢是否好命，便叫佢要努力讀書。

有時D黑馬，連佢自己都唔知自己係隻黑馬，到跑出先知，啊！原來自己可以跑得咁快！點解其他馬無情情去晒後面嘅？

我識個男仔，現在F3考第一,但F1時佢係全班最後合格嗰個，F1時佢父母都預定個仔入唔到U,依家個機會突然返返嚟！

但黑馬真係男仔多！女仔都有，但相對小！知一個女仔例子，兩姊妹，細個時姊姊乖，妹妹曳，讀書方面姊姊聽教，妹妹走去玩，最後姊姊無讀U,細妹考入一間唔多好嘅中學，佢好唔甘心，於是發奮，自己考返入一間好學校，最後取得學位！佢媽媽話，當細女知衰之後，再不用理佢學業，完全自己攪掂！而姊姊，相信係資質有限！讀書多少講天份！
不過做父母的，我自己覺得，最好幾時都當仔女係黑馬，幾時都仍願意等待佢有日跑出，無論外面點睇我哋個仔女都好，父母都應該比仔女最多信心！

wan_sosin

原帖由 MASAYA 於 15-03-26 發表
看來有經驗的父母看到的實例都是見步行步，靜候子女發力

是我這樣的新手才妄想是有秘技  ...

秘技真係無乜！當然有人報操卷班純為提升考試技巧及分數！但對知識上無乜幫助！小學嘅課程靠記性熟練多！訓練思維少！但到將來讀書，思維慢慢重要！
我仔間學校，會用整蛋糕來教英文，我都已經覺得好驚喜了！

wan_sosin

原帖由 scyauchris 於 15-03-26 發表
回覆 wan_sosin 的帖子

每個小朋都是黑馬，因為各有自己才華，只是我們是否懂得欣賞。不過好多時，我們只 ...

無錯，天生我才！還有良好品格！
品格良好有責任感，將來那怕小朋友搵唔到自己方向！

wan_sosin

原帖由 JJDBB 於 15-03-26 發表
你仔仔間学校，應該不是傳統学校吧！

只係普通津校！但廿年前係地區名校，改名遷址後已不再，現在係一線尾學校，但佢教學都算花心思，好多時用遊戲來教學，例如數學，會玩數字遊戲，英文玩迷語之類！但區內受歡迎程度一般，好多家長只會睇成積來選校！

wan_sosin

小時了了 發表於 15-3-26 22:59
哈！哈！我仍然擔心擔心個女入唔到b1中學，不過，我最近開始學習放低自己對阿女嘅框框啦，例如我每晚儘量 ...

你都真係好大改變喎!
你之前話update你囡囡情況,點呀?  不過如果唔方便都明架.只係關心下,現在開心就好了.