因為中文科，同個女關係好差

wan_sosin

家長邊個叻就教邊樣，爸爸媽媽唔會樣樣識晒，我老公對中國文化同歷史好熟，當然佢教，其餘大部份都係我一手包辦，包括體育，音樂，視藝。
老公都唔會過問我太多，因為加多把口，有時會令小朋友混亂，除非我開聲叫佢幫一下，佢先出手。

wan_sosin

simonwan 發表於 17-6-2 10:33
科科都系我教！我仲要有三個，全部學術及學校事務我負責。所有課外活動我處理，就算出去玩，打波，游水等 ...

高手！勁呀！仲要三個小朋友！佩服！

我老公好信任我教，佢覺得我幫到個仔發揮得到，爸爸媽媽需要互相信任支持

wan_sosin

simonwan 發表於 17-6-8 04:36
我仔中文閲讀無問題，反而唔知點解，好多字唔識寫！

一至三年級，我主要教佢讀經典啓蒙書，無親自教佢寫 ...

現在的小學，已經唔教寫字，唔會再理學生筆順是否正確，小量較難寫的字，老師才會講一下寫法，否則老師唔會浪費時間。
所以幼稚園就要留意小朋友筆順，我在我仔寫字方面，由幼稚園已經落幾多功夫去教，年紀稍大之後，開始解釋中文字結構，同埋跟筆順的好處，一，較容易記得怎樣寫，二，寫得較快。
我仔上到小學，中文字體見得下人，寫字也快，做功課也自然不會太慢了，加上明白中文字結構，認默快，也記得較緊。小學，煩少一樣寫字，已經輕鬆不少。
現在有時也會睇一下呀仔寫字，見到有筆順不對，都即時教，佢亦唔抗拒，因為一早已向佢解釋好處。

wan_sosin

simonwan 發表於 17-6-8 23:59
下！唔教寫字？唔教筆順？初小最重要就系學認字、寫字，而家D學校同課程真系。。。。。。

中文堂浪費灑  ...

現在的中文課，是教讀課文，教課文文體，主旨，教文中的詞語運用，修詞法，句式等。一星期有兩堂左右教作文，間中做聆聽口語，成語就做練習返去對答案，輕輕再講解下。
大致上是這樣

wan_sosin

simonwan 發表於 17-6-9 00:18
初小就教文體、主旨、修詞法、句式。
錯！錯！錯！

你所講教錯的，學校考試就是考這些，連文章內容都要考，唔多明白普通一篇文章，為何要記得內容。
作文其中一項教應用文，格式要去背去記，所以難怪中文成為最難的一科。

wan_sosin

S-Kwok 發表於 17-6-9 08:45
最唔明點解考試要有不供詞填充，如果詞語非要考核的課文之內係當錯。

都唔知係要考記性定考應用。

學校覺得學生寫得返課本詞語，才証明是學懂了那些詞語．

我仔學校算好開明，有部份仍是供詞填充，不供詞部份是只填單字就可以，只要學生用得對，不用死背。其實造句，續寫都會考得到學生詞語運用，不會只在填充部份才可以，有時覺有些學校只為出更深更難來考學生，為深而深，覺得唔深會代表間學校唔夠料。家長有時也一起附和。

wan_sosin

little_yolky 發表於 17-6-9 10:05
咁應用文又真係要有特定格式既................

我哋學校咁古老但中文都唔會考課文內容, 不供詞填充填得啱 ...

應用文當然要記格式，但是否要小二，小三就要學呢?學唔緊要，是否要去考呢?10歲未夠的小朋友，唔識應用文有問題咩?講真，現在是什麼年代?上網就什麼格式都有得查有得參考，要去死記咩?
知唔知其實是TSA/BCA要考，所以學校必須教呢?

wan_sosin

judy 發表於 17-6-9 10:12
我以前讀書主要是考課文內容(會考也是)，主要問主旨啦、冩作技巧啦。我還保留阿大的試卷，也有問課文內容 ...

中學學嘅文章，點同小學，小學文章內容通常是同日常生活有關，要記得文中呀小明同那個親戚去沙灘玩，係沒有意思的。

wan_sosin

little_yolky 發表於 17-6-9 10:24
當然知道係關TSA事。不過, 因為阿細佢成日寫信、寫便條俾我, 成日練習, 所以佢應用文D格式好熟, 佢係寓學習 ...

所以話你兩個女好正囉，有幾多個小朋友會用正規格式寫信比家人?
甚至唔會寫添啦

wan_sosin

little_yolky 發表於 17-6-9 10:25
點解你哋學校要考課文內容咁神奇。

我都唔明喎點解要問課文，不過唔會次次出，出都只係問一題，亦會問得好直接。
呀仔唔會為了一題題目走去專登去溫課文，但相信有些學生要Keep住頭十成績，一題都唔會放過，一定會溫埋課文，我從不期望要考到嗰種成績，所以唔太理佢，但呀仔間中都真係記得，兩次出有一次答到，叫做佢記性幾好。

wan_sosin

judy 發表於 17-6-9 10:38
唔會考呢啲呱！

我係話以前有，依家冇啦！仲有，阿大好似小五、六才問課文内容，小一至小四都係十分課內 ...

如果小五六問課文內容，都叫做準備日後升中，習慣下答呢類問題，但初小就唔知為了什麼。

wan_sosin

little_yolky 發表於 17-6-9 10:41
鼓勵佢哋丫嘛。

阿細成日會畫畫、摺紙、做圖工送俾我, 然後外加一封多謝信。雖然佢識字唔多, 所 ...

要明白男仔唔會咁鍾意跟足規矩，對佢哋嚟講，無聊之至。
我仔一定係搵位走嘅人，邊度會理。
當然去到考試要考，佢都會去記，佢記性好，實在唔係好難，只係覺得咁樣去考，有些無謂。
我仔中文能力唔錯，閱讀能力都好好，但中文係唔算高分嗰科，問題出至考試方式，對佢嚟講未必適合佢。但中文好，常識佢就易高分囉。

wan_sosin

IloveJJ 發表於 17-6-9 11:08
你學校要背內容，都算開明嗎？

雖然不供詞，是提供了一個字，但我覺得咁反而無咁靈活，其實也是要填回老 ...

咁如果為了一題不常出的題目，就去背晒課文，這是學生同家長問題。

有一個字去提示， 其實好容易，例如"理睬"佢比埋個"理"字，只是填個睬字，唔難，有埋句子前文後理去睇，根本唔洗背，如果個學生咁都唔識個詞語，就真係弱，例如如果句子表示係開心，比埋個"快"字 都識得係"快樂"啦!
除非唔記得個字點寫，否則好易，我同仔都覺得，這部份供詞和只供單字填充，係送分題

wan_sosin

judy 發表於 17-6-9 11:28
我打死都唔會叫小朋友背呢啲。

我會叫佢理解，然後自己冩出來。

比我都唔背，什麼叫理解，背晒就唔係理解

wan_sosin

IloveJJ 發表於 17-6-9 11:34
上次你咪話大家間間學校都係考一樣既野既?其實你係「供詞填充」+「半供詞填充」，同我哋係「不供詞填充」 ...

所以我話我仔學校唔洗學生背書，基本上無乜野要實質去溫，不過如果覺得供詞即是學校課程淺，我就無話可說。

wan_sosin

IloveJJ 發表於 17-6-9 11:32
你哋中學無背過?

我中學同我班同學都背晒課文，腦入面有課文，要問文中嘅任何問題，都已可從中攞到資料來答

wan_sosin

IloveJJ 發表於 17-6-9 11:57
背晒課文?咁咪好多?

年青記憶力好，其實白話文未至於熟背每一個字，但文言文就背晒全課。

wan_sosin

IloveJJ 發表於 17-6-9 11:55
「不供詞填充」，當然一定比「供詞填充」深，我諗呢個不用爭拗的。

但我唔想評論深定淺好?亦唔想評論小學 ...

考試深淺，同課程深淺，可以是兩件事，有學校教淺考深。
當然每間學校一定有些分別，但共通點都會有，例如重組句子就間間都有啦。
但要背又話要背，唔洗背又話淺，咁好多學校當然想間學校盡量深D啦，但深D又變成背囉。

wan_sosin

MrBeast 發表於 17-6-9 12:07
香港以前教育的確偏重背，e加shift 去思考運用多一些，硬知識很容易網上找到 ...

某些有質素文章背咗都係有佢好處，但咩鬼都背就真係唔洗，我嗰代只知盡到力就盡力，唔識咁多讀書技巧，可以背就背囉。
加上我根本唔係讀書材量吖麻。

wan_sosin

IloveJJ 發表於 17-6-9 12:08
教淺考深係我最唔認同的。我哋學校係「教深考淺」，我好喜歡。雖然對我大仔嚟講，考深係有利啲。

佢哋每 ...

我哋都要學生自己查咗課文詞語先教書，也要寫相關詞語，有本學校自篇的學習冊，要查字典，寫主旨，段意，加上學生再寫自己在文中學習到的地方，當然老師都會指引學生去完成。