ADHD成績一樣可以好好

patpat234

細女P3,有ADHD 醫生都話佢有小聰明, 但預計成績係會一年一年退步

但今年,佢無退仲反而進左好多, 全級考 第2名

雖然來年或以後唔知會唔會退或會退幾多, 但呢個第2相信可以令佢來年更加努力。

patpat234

原帖由 qoo_pooh 於 15-07-03 發表
有什麼方法motivate 小朋友努力?
他時常坐著發呆, 不做功課,
就算跟他說做完功課有得看電視也沒用......... ...

好好彩我女好中意做功課，好中意攞住支筆，有支筆可以坐幾個鐘，所以做功課佢無問題。
同埋佢好中意做運動，佢好like  roller個速度感，所以佢每星期都會有roller training, 但我要求佢要keep到成績先可以繼續玩。

patpat234

原帖由 wan_sosin 於 15-07-10 發表
多謝你!

我都唔多想講太多我仔成績,講都係想鼓勵下人,要對小朋友有信心,我唔多敢比同學家長知架,攞住唔錯 ...

怕咩俾人知？我女啲同學家長早早就知我女adhd, 初初成績中中間間，一年比一年進步。

patpat234

原帖由 麥兜MaMa 於 15-07-14 發表
不過佢本性善良, 在KG老師同學都好鍚佢, 過得好開心. CAC 心理學家都話佢乖, 但好奇又心急, 手多多摸左先記 ...

其實最麻煩就係我地呢類，外表完全睇唔出，好多時都俾人覺得父母唔識教唔教。
以前細啲時每次出街都會講明要點做，如果口守規矩就返家，試過幾次返左屋企佢地先識咩係應該做同可以做。
初初由無set規則到set好規則去實行嘅期間真係小啲心血都唔掂。

依家老師都成日話我已上岸，2兄妹又已經似返個人，仲叫我放心唔洗再理佢地。

patpat234

原帖由 wingl410 於 15-08-08 發表
我仔琴日返左醫院覆診, 醫生話經過6月初上完GE觀察小組評估, 專注力差同理係ADHD, 加埋幼稚園老師填回GE問 ...

我果時都係暑假時醫生叫試藥，醫生話如果影響左同學校，同學關係先開始食就要再花時間去修補，同埋暑假食起碼我可以睇到佢食藥後嘅變化，所以我女最後開學前2星期開始食。

patpat234

原帖由 dearmm 於 15-08-03 發表
大家有冇社交情緒班介紹？

返瑪麗咋

patpat234

原帖由 I_O_U_baby 於 15-08-11 發表
原來樓主小朋友食緊藥.
食左藥既ADHD 小朋友會專注D,
發揮到佢應有既能力, 就唔會越來越跟唔上的.

我唔知佢如果唔食藥係學校會點，不過我見佢放假時唔食藥對住啲功課都可以坐定不停做2,3個鐘

patpat234

原帖由 I_O_U_baby 於 15-08-11 發表
如果唔食藥都專注到, 你不如問下醫生係咪可以停藥或減藥?

其實有問過，佢好中意學野寫字，總之一有筆係手就會好定好專注，就好似好多小朋友對住電視會好專注咁。。。。老師對佢上堂同功課都有讚無彈，試過有段時間佢要準備出國比賽，所以停左幾星期藥，一放小息放飯佢啲adhd特質就會出來，衝動，無時停…所以暫時唔可以停藥

patpat234

原帖由 I_O_U_baby 於 15-08-12 發表
上堂專注,小息先無時停, 我覺得無乜問題喎

會影響人際關係，佢會衝動出口傷人，啲說話好討厭好黑人憎

patpat234

原帖由 I_O_U_baby 於 15-08-12 發表
咁佢有無話食左藥覺得點?
衝動出口傷人講說話黑人憎... 係ADHD既問題? 唔係本身性格?

佢如果食左藥會少好多衝口而出嘅說話，會停一停諗一諗先，當然唔係100%無晒，起碼少70%已經好好

patpat234

原帖由 lillymarie 於 15-08-12 發表
Impulsiveness （衝動，做野唔經大腦）也是ADHD 的病徵之一。
ADHD 有三方面問題：
過度活躍

係，佢無郁開即係如果身體靜緊嘅時候佢只會把口不停講，但如果一活動緊佢停唔到落來。

人地專注力不足會係上堂讀書表現出來，我女反而係睇電視時會專注力不足

patpat234

原帖由 KirryLai 於 15-08-15 發表
唔知專注力訓練班有冇幫助？我盡量唔想佢食藥，正尋找有什麼方法可以改善專注力。



  ...

其實醫生開得藥就即係有需要，當然做家長可以自行決定，專注力訓練係有幫助，不過如果你堅決唔食藥只會令件事 事倍功半；相反，食藥係可以令成件事 事半功倍。

如果佢唔影響到其他同學，而你又唔在乎佢嘅成績向下滑，其實真係乜都唔洗處理，因為上唔到堂跟唔上功課，只會越讀越無心機。


我仔初小時有個同學仔成績好好，全班頭3名，但佢係adhd, 再加上父母好縱，佢曾經有食過藥，但後來停左，睇住佢由初小全級頭50名内到p6 全級尾20名，由band 1 成績跌到落band 3,因為上堂聽唔到書而且啲野越來越深，跟唔到就直頭放棄，無晒目標。