聖心私 vs St.Clare

HauMiranda

Carcar1123 發表於 21-8-8 07:58
想問問用家聖心私返半日，但學術又教SC好，小朋友會有跟唔上的情況嗎？
另外聖心私功課、默書及測考多嗎？
...

老師是教得快的，如果小朋友自律，就不覺吃力，不過你預左成日都有assessments. 我又唔覺得老師有咩方法教到學術好，學術都係迫出黎，測默多，小朋友係成日都要溫習。有時課堂突擊quiz, 例如英文，呢頭教完vocab, 落堂前五分鐘就quiz啲vocab. 雖然唔計分，但硬係有同學攞滿分。英文測驗15分鐘做密密麻麻的四頁卷，平均一頁少於五分鐘，小朋友係操到要讀得好熟，一睇題目唔駛諗都要寫到答案，否則份卷唔會做得切。

一個學期每科兩測，10月測完11月尾至12月初又測，英文仲要測多次，通常係1月放完假考試前測多次。沒有測驗的日子就中間默下書。

測默密有好有唔好啦！你可以話幫小朋友溫啲溫啲，唔駛等考試咁辛苦。都係嗰句，如果小朋友對自己有要求、自律，讀聖心好適合。如果小朋友懶散，手腳慢，面對咁頻密既測默，辛苦嗰個係家長自己。我身邊既家長，有兩極意見：跟得上嗰啲就覺得聖心build到good foundation, keep得到小朋友不斷讀書，升中就輕鬆；跟唔上嗰啲就覺得測驗好密，冇時間休息，weekend都要keep住溫書冇得玩。所以都睇小朋友谷唔谷得到。我本身兩個女就好兩極：我同大女可謂捱足咁多年，細女就相對輕鬆，仲可以有時間玩好多課外活動。

功課就每日五至六樣左右，有啲改正好快，但有時數學一日三樣，小朋友少啲耐性都唔得。

HauMiranda

Carcar1123 發表於 21-8-8 23:18
回覆 HauMiranda 的帖子

想問問，你說大女捱足咁多年，請問學校會有勸退一啲跟唔上既學生嗎？ ...

我自己未聽過勸退
大女都冇時俾人勸退
老師只係叫我女努力啲（其實我女已經好努力，但唔係讀書既材料點迫都冇用）
大女升小五時我請求學校俾佢留級
不過學校有留級機制
我大女「唔達標」
所以要升班

HauMiranda

honeymelonkids 發表於 21-8-9 01:17
想問你請求學校俾佢留級，甘有冇試過考其他學校轉校，咁咪吾洗留級？

叫小朋友轉校唔容易架，家長覺得只是送小朋友去考考筆試，但小朋友要重新適應老師、學校，尤其要離開最要好的同學，我女唔多願意，仲要係如果轉校一個學期就要考呈分試，小朋友應付到嗎？所以我當時冇轉校既念頭，只打算讓小女留一年打好基礎，盡力應付呈分試。而我女又係細B, 留一年都唔太大影響。

HauMiranda

Carcar1123 發表於 21-8-9 07:01
想問吓，如果喺未了解小朋友算係谷唔谷得既情況底下，係咪應該聖心試一試先呢？還是應該揀間輕鬆一啲既SC  ...

女女受唔受谷，現階段都可以睇到少少。例如女女可唔可以坐定定完成功課？女女可唔可以坐定定完成一本讀書？女女會唔會追求圖書上既知識？女女對自己做既野，例如寫既字有冇要求？女女會唔會自律去完成你俾佢既task?

如果以上多半是yes, 我覺得父母多半唔駛追住女女溫書。

Btw, SC情況我唔太清楚，RC初小尚算ok, 但上到高小都唔輕鬆架。