收到真光中學幼稚園接見証

mancity

收到真光中學幼稚園接見証,
考生編號:12XX

好在安排在中午interview
阿女可以訓飽先見老師

大家收到接見証未?
唔知今年有幾多人見?

mancity

我個女今日見都ok
係單獨interview嗰part, 佢做到老師要求喔80%要求
肯同老師say hello, 肯講自己個名
嗰張枱放咗個'禁'掣有動物彈出嚟嘅玩具,
老師坐埋嚟問我個女玩具上面Ｄ動物係乜? 狗仔、兔仔都答到
再問顏色都答到
只係有時要我覆述老師嘅問題，我個女先答老師

之後老師叫我個女去幾步遠嘅位置, 用紅色水杯斟水俾佢(嗰度有水壺+3個唔同顏色嘅水杯)，我個女都做到

老師重趁我個女去斟水嘅時候問吓我問題, 例如小朋友邊個湊呀?

其中最攪笑係老師問我個女"你有無返學(學前班)呀?"
我個女答: 有! (我心唸: 邊有返過學呀!)
老師再問: "你响邊度返學呀?"
我個女答: "呢度囉!"(重用手指指吓班房)
老師同我即刻比我個女攪到啼笑皆非

但到集體體操, 佢只係做到一半到
會見嘅老師企响後面觀察小朋友做成點
最後小朋友交返個名牌比老師就可以攞禮物(火車頭一個)，
我個女都即刻講:"老師唔該!"

要到19號先知結果, 有排等