小朋友剛升上小一既媽咪請入黎傾下!

jk923

今日先留意到呢度，我仔仔都上小一，佢好鐘意返學，重話d飯好好味，手冊都算抄得ok，除左有時少咁d筆劃外，功課都算係咁，有時會係導修時做晒，做唔晒都完成7、80%。返到屋企4點半度，沖埋涼食d野就check功課同備課，我同佢而家都算習慣，所以都無特別上網同佢check功課。下星期先開始默書，所以未知成積係點？ 佢係學校都試過比個女同學搣佢本書，重次次都係中文堂先搣，阿仔第3次終於話比老師知，重有用顏色畫佢件衫！ 最後老師幫阿仔調埋位！而家終於聽到佢講幾個同學既名啦。

jk923

原文章由 召藥師 於 07-9-27 14:08 硐表


班主任打左電俾我問件事ge始末，班主任話班裡面有幾個un皮學生，佢都打算再調位，希望阿仔唔會再俾人恰啦!

我個仔既情況雖然未至於好似你個仔咁，我都好明白你既擔心，但我更要明白去到邊度都會有乖同唔乖既學生，只係希望個仔知道唔岩既野唔好學，其實倒返轉頭你個仔唔同人爭執已經好好，起碼佢無做錯過，唯有當學習之一啦！

jk923

原文章由 mandee2621 於 07-9-28 11:25 硐表

點解上年你個女報到小一 ? 今年九月都未夠yrs (5yrs 8個月)

點解讀幼稚園時無人話比你聽未夠5歲8個月係報唔到小一呢？

jk923

木馬：
11、2點又真係好似夜左少少，係咪佢自細都習慣你放左工係屋企先做功課呢？
我仔仔4點半落車返到屋企，跟住沖涼食少少野就開始做功課，每日4-6樣，好多時係導修堂都做得7788，返黎多數係跟下d字靚唔靚，有無錯，備埋課、溫埋默書加埋個半鐘度，今日開始默書啦，phonic無得溫，唔知默成點？

jk923

原文章由 KSY 於 07-10-7 20:29 硐表
佢其他科目都冇問題,英文讀完全冇問題,不過間唔中寫字時會將bdpd調轉,佢最大既問題係默書,叫佢睇住本書串字當然冇問題喇,但叫佢背番出黎就唔係好記得入腦,請問大家有冇咩方法可以教我,另佢容易d入腦呢!謝謝

...

阿仔默英文時我會叫佢將要串既字抄出黎寫幾次，寫完多數都會識，較長既會教佢將個英文字分開幾個音黎拼。
中文字都會咁溫，但我最怕佢粗心大意唔小心將d筆劃唔穿寫穿左，唔掂既又掂住左，咁樣錯就好唔抵嗎！

jk923

原文章由 iloveyoub4 於 07-10-8 23:51 硐表
見你地講開英默，我都想講下我小朋友，學校１星期默１次的，而今個星期係默呢ｄ,我只可以盡力，我發覺可能太多又長，小朋友有時都攪不清楚

hi!i am tim poon.
What is your name?
My name is Ben Wong.
Hello!Tim.
My name is Penny ...

我仔學校又係用呢本書，不過佢地有出本默書範圍，等一次只默生字，第二次生字加句子，第三次起就全部句子，每次約10句，另加phonics拼音。中文就每次兩課，抽詞語同句子，既係全課都要溫識晒。
今日我期侍已久既英文默書簿派左返黎啦！有100+50分呀！
100分係串字，另50係PHONICS既分！
今日默左中文，唔知幾時會派簿呢？希望佢可以keep住就好啦，話晒等一次默書有成2個星期通知，而家得返一星期一次講中文範圍。

jk923

原文章由 iloveyoub4 於 07-10-10 11:32 硐表
我地無默書範圍的，要一次過識曬即係呢１８句

咁又真係好多wo！

jk923

原文章由 quoquo 於 07-10-11 13:35 硐表
我個女仲學緊芭蕾舞，英文, 綱琴.
我有日經過書局, 見到好多媽咪幫小朋友買緊補充練習, 其實仲邊有時間做咁多?

我個仔無係外面學野，但就join學校d活動，每月兩個星期四導修參加小童軍，逢星期五課後學跆拳，星期六就學小網球同圍棋，全部係佢自己揀的。
我之前暑假都有買補充比佢做，但而家做得功課，溫默書，備課，上網外都無特別再加比佢，由得佢暫時興鬆下先。最多要求佢寫日記，當係作文練習。