08年9月讀P1 既家長請進!

Ivan媽咪

Hi hoichun,

你好!你仔仔讀邊班呀?我個仔讀P.1A.

你8月27日有冇陪佢上堂呀?你仔仔習慣未呢?我個仔到依家都仲話唔想返小學,想返幼稚園喎.激死.

希望以後喺度有多d交流啦....

Ivan媽咪

Ivan媽咪

Hi 大家好!

一班有22人我都可以喺度搵到2個同學仔媽咪,真幸運.

我個仔係緣組架,第一日上課區老師請同學仔介紹自己佢叫自己做 "BB" 嗰個呢,真失禮.

我選漢華最主要原因係貪佢小班教學,老師有較多時間了解學生,同埋佢唔係傳統教學,比較適合我個仔.希望佢喺度可以愉快學習啦.

每晚同亞仔傾計問佢關於學校d嘢佢都淨係話"今日又畀老師鬧啦","d老師好惡呀",唉,始終唔係幼稚園,都係要等佢慢慢適應啦.

你哋小朋友喺學校有冇畀蚊叮呀?我個仔先幾日喺學校被蚊叮咗4大粒呀,依家每日我都會同佢貼咗蚊貼至返學呀.

係呢?你哋小朋友之前有冇學過普通話呀,我見班裡d小朋友大部份普通話程度都好好喎.

Little Wing Mom,我記得紅組有2個女仔,其中一個介紹自己時話係喺杏花村路德會幼稚園畢業,呢個係咪你女女呀?

Ivan媽咪

Hi Carol88Chan,

我個仔係參加去年10月第一輪面試,小朋友大約十人一組,先分組玩集體遊戲,然後再個別見老師,老師會分別用普通話同英文問佢問題(唔識答唔緊要,至緊要有反應.)考英文時畀d圖畫佢睇然後問佢係乜,亞仔話佢答錯咗一題,個老師仲教番佢個正確答案係乜添,到in完我個仔仲唔捨得走,想再留底玩多陣喎.

至於家長會喺另一個課室度聽下校長介紹學校,之後個別與校監/校長/老師會談,當日我哋安排到同崔校監會談,你有乜問題可以喺呢個時候提出.

唔駛咁緊張,輕鬆d當去玩,你個小朋友表現都會好d.

Hi Little Wing Mom,

今朝我同兩個家長喺學校門口傾咗十幾分鐘,其中一個係咪你呀?:

Ivan媽咪

Hi hoichun,

多謝你報料呀,等我哋知道小朋友喺學校食飯嘅情況,我問親我個仔都不得要領,一係就話唔記得,一係就亂咁答(個答案次次都唔同).

係呢,點至可做到家長義工架?係咪每日食午飯都有家長義工定係初初開學至有架?

另外我想問,昨天有普通話課,係咪應該帶"輕鬆學拼音"呢本書呀?因為我同亞仔一齊執書包時執咗呢本書返去,但昨天手冊寫上"欠帶書本(普)",如果唔係呢本咁應該帶邊本呀?

上星期數學有功課,但亞仔又唔記得帶本工作紙返屋企,結果又紅筆大大隻字寫住"未完成".幾咁論盡.希望佢有所改善啦.

亞仔每日返到屋企都唔多願提起學校d野,唯獨是問起佢"你嗰組今日有幾多分呀?"佢就最興奮. "今日有xxx分啦,白組有xxx分,不過最高分都係x組........."

係呢,你哋d小朋友習慣未呀?返到屋企有冇同你哋分享學校生活呀? :)

Ivan媽咪

Hello, 大家好,

我哋都有參加親子遊呀,到時見啦......(不過我哋點相認呢?)

等我做個小統計先:-
1) Ivan 媽咪 - 仔 - P1A - 綠組 (已轉黃組)
2) Little_Wing_Mom - 女 - P1A - 紅組 (已相認)
3) KiuKiu2002  - 女 - P1A - 白組
4) hoichun - 仔 - P1A - 黑組
5) evalauwm - 仔 - P1A - 幣！我唔知自己個仔係乜組添 ?!
6) KAWO - 仔 - P.1A   轉咗組,所以我唔知邊組?