有小朋友入讀 的媽咪入來傾下好嗎?

Ivan媽咪

Hello 各位媽咪,

我亞Ivan今年一月插班小西灣全N(剛足兩歲),多多指教.

係呢,你們會唔會報林慕德個家長拼音班呀.

Ivan媽咪

Ivan媽咪

wawa,

我昨晚有去聽呀.嘩,佢好鬼長氣呀,原本7:00-8:00pm,佢7:20pm至到,講到9:20pm.仲未計有d家長私下問佢問題呢.d老師就慘啦,今朝一早又要返學.

Christy,

我已報咗家長拼音班,2月23日及3月2日上堂(各1.5小時).

乜青衣分校可以日日睇早操咩?小西灣只係Fri有得睇咋,我都係睇過一次.見到Ivan跟住其他老師,小朋友一齊擺動真係好得意.

昨晚等亞林生時學校播咗d校慶時小朋友表現d片段,我都睇到眼濕濕呀.我諗到時我睇到自己個仔有份表現,實喊到豬頭咁呀.

3月個旅行我都有報名呀,唔知見唔見到你哋呢.

Ivan媽咪

嘩,冇上一日就要追返一版,你哋好快呀.

Christy,
校慶錄影帶未剪輯好o架,所以你哋未有得睇.不過嗰日等亞林生時,劉校長見我哋悶悶地咪播界我哋睇囉.

wawa,
小西灣星期一已佈置好年宵市場.上星期我哋仲要買幾枝玫瑰花返去畀佢哋佈置tim.

lingchuling,
你小朋友4月時滿兩歲,咁我個仔到時做大哥哥lu. (佢一月足兩歲).依家喺學校好多時都見d大個d嘅哥哥姐姐(我估係k2,k3)照顧d年紀小嘅同學仔(我見過幾次亞仔一入學校d哥哥姐姐就會好主動咁去拖住佢行入課室,所以我個仔成日返到屋企都話要返學同哥哥姐姐玩ka).

係呢,到時你小朋友返全日定半日呀.有冇同佢返星期六個playgroup等佢熟下學校環境呀.我個仔正式返學之前我同佢返過3堂,到佢返學時一日都冇喊過呀.

Ivan媽咪

Ivan媽咪

恭喜發財.祝大家身體健康,各媽咪青春常駐,各小朋友快高長大,聰明伶俐.

放咗咁多日假大家一定玩得好開心喇.(我上星期五收爐,到初七至開工呀) 不過我亞仔就玩到顛晒,唔肯瞓晏覺呀.呢兩日都攪咗好耐至瞓著呀.到下個星期返學佢唔肯瞓晏覺真係唔知點算.

上星期派成績表如何呀,我係最後一個見,所以見咗成50分鐘呀(見完出嚟望吓表我都嚇一跳呀,乜傾咗咁耐)我亞仔返咗學一個月各方面都有明顯進步,希望可以keep住啦.

你哋有冇訂校慶錄影帶呀,我見好似係$80一盒.

好好享受埋呢幾日假期啦.不過我怕亞仔到時唔願返學咋.(呢兩日同佢講話返學佢已經話"唔好唔好,唔好返學") :-|

Ivan媽咪

Christy_pau / sumyinmama,

想問下林生第二堂有冇新0野教,因為我有d唔舒服,如果淨係去默書我就未必去lu.

謝謝.

ivan媽咪