34網(2011-12)入小一媽咪入嚟分享吓la

Edvychan

我個仔係細仔,而家k2成績一般,都係諗住漁翁撒網o架la,但大抽獎,你地會點揀呢,我都好頭痛!有無人可以分享吓?

Edvychan

hi kimB,

陳瑞祺,我地計分實無機會,得果15分,我都係等大抽獎,你會唔會揀馬頭涌同農圃道官小呀?你地會點排呀?

原帖由 KimB 於 10-4-15 09:53 發表
我阿囝都係34網, 首選係陳瑞祺, 但聽講舊年20分都入唔到, 所以都幾頭痛, 未諗點怎樣排位

Edvychan

想問吓宗教果5分,係咪一定要洗咗禮先可以攞到o架,有d人又話個別學校o既要求唔同,陳瑞祺唔知係點要求呢?

Edvychan

Lee度好似好多都係囡囡,有無囝囝可以分享吓會點部署呀?

私校,直資會搏邊幾間?因為我地搬嚟d區兩年,唔係好知周圍學校的評價,34區,除咗陳瑞祺,係咪就係馬頭涌官小比較好?仲有邊d學校比較好d 呢?要填30個志願,lee區都無咁多學校,應該點排好呢?

Edvychan

thanks KimB & wensi,

我其實真係唔係好識為個囝安排,因為我仲要照顧一個細b,d時間分比大o既少咗好多,而且我一直都是諗住小朋友咁細個,學校教到佢幾多就學幾多la,都無特別去谷佢,因為佢本身果間幼稚園都唔係話好淺果d,到k2下學期,我先識去擔心佢出去考私校唔夠人fight,因為好多朋友仔都係出面補數,又谷普通話,又參加d什麼公開試咁,我先知驚。

而家真係好擔心,萬一派位唔理想,私校,直資又無著落,咁真係唔知點算,你地d小朋友有無參加d什麼面試預備班呀?有mud好介紹,同埋你地d小朋友閱讀能力如下,可以自己睇圖書,而無需大人解釋嗎?仲有幾個月,真係唔知點同佢安排好,真係想請教吓大家,唔該。

原帖由 KimB 於 10-4-20 17:20 發表
大抽獎--可以揀陳瑞祺、馬頭涌、農圃道
私校同直資, 其實同你住邊度係無關係, 最緊要係睇你小朋友性格, 以及你是否認同學校教學理念, 或者經濟條件等等因素。
p.s. 我個都係囝, 我現階段都係睇直資和私校為主


...

Edvychan

wensi & KimB,多謝你地兩位回覆,

唉,我係上學期都真係完全未去諗個囝選校o既問題,而家好似突然刹到埋身咁,真係好傍惶,臨急抱佛腳,希望盡吓努力幫吓佢,我覺得真係好大壓力呀。

原帖由 wensi 於 10-4-22 12:02 發表


如果你咁你2nd round 一定要play safe.  

第一志願 CSK  兩間官小
第二,三志願 兩間獻主會..........lee 兩年派英中都唔差過CSK.

入到獻主會有個底, 3 round 叩門無人收都唔洗驚.

其他志願亂填都得. 好多俾你又 ...

Edvychan

Hi JOJA,

我都知道,希望真係可以放鬆,d排日日都諗住d樣嘢,不過都無特別比壓力個囝,始終想佢開心讀書係最重要o既

原帖由 JOJA 於 10-4-23 12:38 發表
edvychan

就算上左小學
都一樣大壓力
放鬆d
會好d架

Edvychan

Hi sharon2005,

我果個都係囝,你可唔可分享吓會揀邊幾間直資或私校比你囝囝試吓呀,我都係唔知邊間好,心目中想試禮賢,宣道,九龍塘小學等...其他就仲諗緊,你有無mud嘢心水呀?

hi wensi,

你講果間培僑,我都有諗過,不過會想試咗上面果幾間先.

原帖由 sharon2005 於 10-4-24 23:14 發表


其實,34網女仔是有多d選擇,我的是囝囝,我暫時的心水是馬頭涌 ,因參觀過這間學校,雖然不是千禧校舍,但入面設施卻很齊全!現在睇緊d直資及私校,同埋會參加d簡介會,最後會揀5-6間比阿仔試考下,大家有無留呢區直資:保良 ...

Edvychan

Hi wensi,

sorry,你講果間係培道,睇錯咗添...

原帖由 wensi 於 10-4-26 10:27 發表


我講個間係培道小學, 係私小收左你都可以大抽獎.
好多直資同私小 由7月打後開始就考人, 有D 係1st round 前就知道收唔收.

試咗上面果幾間先.............sorry!唔係好明? 直資同私小好多時都係同一時間inview. ...