Dr.T 在此 (Hello, Dr.T speaking... 續集)

ChinPearly

Dr T

你好嗎？有d嘢想同你及大家分享吓.

記得之前係舊thread到同你講過小女的問題, 喺去年10月初經step centre評估有輕微自閉症傾向, 語言能力慢了最少1歲9個月(當時囡囡已經3歲6個月), 社交能力差. 另外, 經語言治療師評估, 囡囡的能力只有1歲多, 當時真的很擔心.

但經過3個月的訓練, 剛於1月7日政府cac進行了另一次評估, 他們的結論是 -- 囡囡有輕微自閉症傾向, 但語言理解能力及表達能力只有3歲4個月. 嘩, 聽完之後, 我覺得很開心, 只是上了8堂語言治療, 囡囡而家已經講多咗仲好多野, 雖然跟同齡小朋友還有距離, 但已經接近了許多.

此外, 她的社交能力亦進了許多, 除了主動跟陌生小朋友玩耍, 在家還會自行玩模仿遊戲, 例如同毛公仔講野, 叫毛公仔乖乖蓋被訓覺, 夠鐘起身啦....等. 喺step的星期六小組訓練中, 還主動協助老師派發工作紙 (經觀察後).

我對於囡囡的進步感到非常之滿意, 事發至現在剛好3個月, 最初感到失望, 無助, 全憑各位在這裡的留言及Dr T 的解答, 讓我走啱了路, 囡囡得到適當的訓練.

讓我在這裡多謝Dr T and 大家. 我地一齊努力啦, 一定會有回報呀.

[ 本文章最後由 ChinPearly 於 08-1-21 14:35 編輯 ]

ChinPearly

Dr T,

我有個問題好唔明.

囡囡係自閉傾向 -- 專注力, 社交能力較弱, 語言較同齡慢6至9個月(由最初慢兩年到現在比較),已經接受了訓練有一年多, 現時係K2, 剛剛於去年十月排到早期訓練.

現時, 仍然有安排囡囡上協康的一對一訓練(由每星期減少至每月兩次, 因導師認為可以減少), 以及一些社交小組. 另外, 又安排囡囡參加在學校舉行的興趣小組(由外來導師帶領). 囡囡整體表現OK, 可以坐定定上堂. 但不知為何EETC導師常說她有過度活躍的表現, 坐唔定, 今日上堂竟然要著沙包衫, 我聽到之後好唔開心.

在07年9月, 初次發現有問題時, 無論係政府抑或係私人的評估, 都冇話囡囡有過度活躍. 而且, 她不斷有進步, 以前飲茶會坐唔定, 但現在都可以啦.

現時的問題, 還是喜歡講自己喜歡的東西(despite the context), 只會主動同大人講嘢及玩, 只會跟相熟的同學仔玩, 如果係公園有小朋友主動'撩"佢, 佢都唔係好識同人玩. 係學校, 要專注做好一份工作, 仍在學習中.

坐唔定就係過度活躍? 為何在EETC導師眼中, 我囡囡表現咁一般呢? 囡囡去上堂都表現得很開心, 佢都話鍾意個姑娘. 又唔係唔適應, 佢去咗差不多有三個月啦.

我都唔知點回應個姑娘, 囡囡係別處的表現都唔係咁, 講俾佢聽, 佢又好似ignore我, 只說囡囡習慣了別處的規則, 咁佢個度既規則呢?

我都唔知發生了甚麼問題?  

請你幫吓我呀.

ChinPearly

謝謝你的回覆, 囡囡係不斷有進步. 或許, 小朋友的表現都會有時好d, 有時差d. 我不應太在意這些comment, 最緊要係囡囡有進步.

thanks

原帖由 Dr.T 於 09-1-19 15:47 發表
如果真的是在所有其他環境下小朋友都沒有太大的專注問題,而只情況只是在某位老師身上出現(或是只是她覺得大問題),那可能是個別人士本身的行為處理技巧或主觀意見,而非孩子自己.

底線是孩子是否有進步...

...