Deleted Post

bigbabycity

BB0628 發表於 12-9-6 22:40
阿仔話今年唔參加住喔, 佢話只係好想參加學校D會 (棋會, 藍球會........), 佢話學校依家一到小息及Lunch時 ...

希望阿仔今日返到學校，記得做齊所有野！因為佢星期三晚不停肚瀉，到了星期四早上都未停，唯有幫佢請病假，睇完醫生就叫佢瞓吓。仲以為佢有番Ｄ精神，可以返下晝那兩堂，點知佢死都話唔返。今朝早，明顯地慢咗半拍，結果足足遲了15mins才出門口，都有Ｄ驚佢會遲到。唯有望佢得到教訓，唔好再拖拖拉拉遲出門口。
阿仔一早就揀定Ｄ學會，雖然錯過昨日試玩，今日佢實玩個夠本！

我問佢小息時的情況，佢話所有人都「非常流動」，又話落到地下睇人打波時，好容易食波餅。佢最高興就係Prefect通常在小息後才現身，咁佢都成班大細佬可以玩得放D。

bigbabycity

moon2000 發表於 12-9-8 19:36
大家好，今天剛剛開完學校的簡介會，我還是有些不明白，究竟那些學會和那個【盡展潛能】計劃有什麽不同，是 ...

moon2000,簡介會完畢後，我有問過屈sir。因為阿仔星期四病咗冇番，星期五想報籃球學會，但又冇帶＄5報名費（因為個別學會是收費的），所以完全未報學會。阿仔跟屈sir講佢想報的學會，屈sir寫低咗資料後，便同我地解釋參加了任何學會後，最緊要參加有關的活動，否則只入會而沒有參加活動都不會計入學習經歷的（跟他在簡介會上的講話一樣）。

至於你的問題，應該沒有這種限制的，因為阿仔在【盡展潛能】計劃入了籃球班，而佢又揀咗籃球學會。即是兩者重複是沒有問題的。

唔知有冇F.1同學肯參加晨跑？阿仔死都唔肯，佢計過參加晨跑的話要瞓少30mins，所以點都唔肯，我都冇佢符。而且佢一向早睡（～9:30pm），每日用電腦／打機時間只有30mins，都算有規律。雖然我知跑步好，但係跨區上學，都唔想強迫佢參加了。

bigbabycity

moon2000 發表於 12-9-9 11:58
回復 bigbabycity 的帖子

謝謝您的回覆，現在我有些明白了，不知道現在那個學會報名結束了嗎，我仔只是報 ...

moon2000,
屈sir說可以在星期一找跟學會的顧問老師報名便可以，你可以參考9月3日派的課外活動通告，在背頁詳細列出每一個學會以及負責老師的姓名。

你仔仔真的很早瞓，我個仔通常在9:30pm上床，6:45起床，吃完早餐出門口，坐小巴再轉地鐵返學。可能佢向來覺得自己打籃球有足夠的運動量，又不是老師口中所講的肥仔，所以有持無恐，唔想瞓少Ｄ去晨跑。而且佢小學時上羽毛球班，每次要跑20圈（4個球場為一圈 ），已經跑慣了，覺得不用練習也可以應付到。

bigbabycity

見到張水運會通告，阿仔才話佢都有參加50米蛙泳。仲以為佢唔會參加比賽，因為佢初小的時候學識游蛙泳及自由式後，就話夠了，唔想再學。我都冇勉強佢去操水。平時佢去泳池，都係玩水多，好少認真咁游。依家話要游足50米，唯有襯周末，叫佢去游池試泳吓，以免到水運會當日，泳到一半冇氣游唔到。。。

雖然有少少擔心，不過有得玩吓好過全程齋睇咁悶。

bigbabycity

上星期，阿仔已經特登帶個籃球返學校打波，估唔到佢今日放學返來，話明天要留校參加羽毛球隊測試。概然佢話要試，我就由得佢，但我心諗這個仔高小時只顧打籃球，羽毛球拍都放抵咗數年，咁耐冇打過都話要打番，真係服咗佢。不過，我見係運動，點都好過打機，就等佢去試吓，就算落選咗都經歷過，同埋明白校隊的要求有幾咁高。

估唔到上個週末涼得咁快，星期三水運會幸好是室內泳池。我教定佢點搭車，仲建議佢到時帶同學仔去澳洲牛奶公司食午餐添。

bigbabycity

BB0628 發表於 12-9-17 21:10
回復 bigbabycity 的帖子

你要他自己去呀!? 但去九龍公園水運會始終不同於返學校, 是不是家長親自送會比較 ...

平時返學，佢會搭6A綠van到佐敦落車，然後轉搭地鐵去長沙灣，所以我教咗佢星期三坐多一個站小巴，就在九龍公園附近落車，然後行過去游泳池。而返屋企，佢都知道回程的車站位置，所以放心俾佢自己搭車。

bigbabycity

moon2000 發表於 12-9-17 20:41
在澳洲牛奶公司那裡吃東西，是非常多人，不分時候，都是排長龍的，所以我都是建議不要去了，就算進去吃，都 ...

我地平時去澳牛都已經排慣隊，所以阿仔唔會介意，而且那裏的炒蛋真的很好食，好過去食麥記。

bigbabycity

moon2000 發表於 12-9-17 21:33
回復 BB0628 的帖子

是啊，今天先至嚇死我啊，本來今天是summer schedule的last 一天，即是2：35pm放學的 ...

我同你一樣都心急到死，等極都唔見佢返屋企。遲咗先大半個鐘先返黎，佢一入屋已經冇咗半條命咁，話校務處在2:35才宣佈有班務會議，要所有學生留低。佢話班主任都有留低開班會。
雖然功課唔多，但Ｄ中文默書好頻繁，英文老師又開始預默統測的生字，所以做完功課溫完默書都夠時間瞓，都冇時間備課。

bigbabycity

BB0628 發表於 12-9-18 17:53
回復 moon2000 的帖子

Login Name 較早前老師已在班上告訴了每位同學 (仔仔說是一張紙看完後要學生各自記 ...

BB0628,
你再試吓，因為我剛剛試完沒有問題。是不是打password時，沒有用大草英文字母？如果再試都唔得才打去校務處問清楚。

bigbabycity

因為工作關係，冇辦法出席今日的水運會，阿仔返來話都唔錯，起碼是第一次參加游泳比賽，佢亦好好彩，游得完五十米蛙泳，不用中途放棄。

至於食午飯時，佢跟同學仔第一時間去了澳牛，外賣了蛋治，然後入去麥文記食埋碗雲吞面。仲冇飽，又去買多串魚旦。呢一餐真的好豐富。大家都可以想像我阿仔係好為食！

佢話到最後，仲有外籍人仕表演海豚式泳術。聽落都唔錯。明日又可以放一天假，休息番吓。

bigbabycity

回復 moon2000 的帖子

我都有提醒阿仔，要勤力Ｄ，唔好以為開學時功課量較輕，便掉以輕心。
我仲特登趁減價，買了一盒模型，仲講明白只要佢努力溫書，在默書及統測成績好，便可以收到模型作為獎勵。希望令佢有足夠推動力，放多少少時間溫書。因為佢好多時寧願不斷重看金庸小說，都唔願去溫書。咁盒模型又係佢的心頭好，我知道佢不斷儲起零用錢，不過儲得尼都要年尾才儲夠錢買，所以「重賞之下必有勇夫」。。。

一連四天假期，之後又有陸運會同補假，可能令佢心都散哂，如果唔督促佢，到正式上課後不斷有測驗，臨時抱佛腳就斃了。

bigbabycity

BB0628 發表於 12-9-29 23:17
各位家長, 你地仔仔星期五買個套運動衫有無甩色呀?  我發覺套運動衫褲會"甩色"格, 好彩我醒目先用左些少 ...

我都冇留意到就一機衫咁洗咗，好在全機衫都係深色的，所以完全冇發現條褲會甩色。咁下次洗運動褲時，我要另外手洗了。
阿仔著起件運動衫都唔啱身，我覺得D質地比較厚，唔似一般的運動衫咁會快乾同透汗。因為平時阿仔打籃球，我就係Uniqlo買波衫波褲，又平又好著，相比之下，這套新運動服好似麻麻地。我仲好笑，只俾了$100佢，所以買得一套，佢事後話見同學買了2套，我唯有話每星期只得一堂PE，一套都可以勉強應付到。

bigbabycity

Crabtree 發表於 12-9-30 08:53
大家中秋節快樂！聽聞今年中一生有體育服，還未見過？甩色！當然要向校方及家教會反映！到時運動會可以見到 ...

我幫阿仔訂哂兩日飯，不過，佢番來話同學講在運動場附近有一間麥記，到時，我肯定佢地會一大班人去麥記再食野，起碼我阿仔實會食麥旋風。
我也祝各位及家人有一個愉快的中秋及國慶假期！

bigbabycity

EmilyBB 發表於 12-9-30 13:49
各位中秋節快樂！ 阿仔就係買了2 套運動衫，因星期二佢要晨跑，又要pe 堂，爸爸話唔好著臭衫wo。運動褲無脫 ...

EmilyBB, 你仔仔參加了晨跑真好，我嗰個就點都唔肯，寧願瞓多Ｄ。
仲有2天便是陸運會了，大家會到場打氣嗎？我因為要返工，所以只有爸爸會去。啱啱上網查下巴士路線，發現由紅磡出發，都係坐西鐵到荃灣西站，然後再轉巴士最簡單。

bigbabycity

請問有冇家長知道「全民運動」是否明天開始呢?很奇怪，去完簡介會之後，一直都冇再收過學校通告，又未曾交過費用，問阿仔又一頭霧水，叫佢問Ｄ同學仔，有Ｄ話唔會番，Ｄ有就話會番。點解咁混亂？！

都成夜晚九點了，打電話去學校都揾唔到老師問。

bigbabycity

moon2000 發表於 12-10-12 10:52
回復 BB0628 的帖子

都過了一個多月了，但是游泳班還沒開始上課，我也是打過電話過去，也沒有回音，錢交了 ...

假如已經交了錢，而訓練班又未開始，咁就有點問題了。我阿仔是籃班，未有通告，又未交過任何費用，星期初阿仔問過體育老師，到今日才回覆在下星期六開始上堂，但依然冇派通告，唔知道詳情。唯有俾多D時間學校，希望未來日子會有改善。明天是開放日，有可能老師太忙，所以令到安排有D混亂。

bigbabycity

moon2000 發表於 12-10-13 11:29
回復 EmilyBB 的帖子

是上次連同雜項費用一起交的，一共1873.2元

你查過銀行戶口紀錄嗎?我記得在VIP簡介會當日，老師已提過自動轉賬只會扣雜費，而VIP所需的$1000將會另行收取的。在學校過數後，我亦查看銀行紀錄，學交真的只扣了雜費（$873.2）。為何你會扣了1873.2元呢？

而到今日為止，我仍未收過學校的VIP繳費通知。

bigbabycity

BB0628 發表於 12-10-14 01:28
回復 BB0628 的帖子

說起學習進度問題, 我不得不提一提剛測驗完的中文科. 仔仔溫書時竟然同我講老師其實仲 ...

咁我地可以體諒吓老師，我自己啱啱轉新工，亦都要時間與新同事磨合，辦事效率也降低咗。
過往，阿仔在小學時，老師也不是花太多時間教中文課文，而測驗時也有很多課外題。我諗去到中學，同學也不能單靠老師，要自己主動學習，有時間能夠多看課外書也有益處的。有陣時，不同的老師，有不同的教學風格，阿仔跟我說上中史時，老師花了不少時間講題外話，真正教書的時間不多。講真，要主動學習真的好難，起碼我個仔就只得三分鐘熱度，往往要我從旁提點，才會溫下書，反而D閒書就日睇夜睇，所以我都有Ｄ驚佢成績追唔上。

bigbabycity

真係唔明，點解VIP計劃咁亂？！

阿仔問了ＰＥ阿sir，話今個星期六開始有籃球班，不過又無通告派過。結果星期六返到學校，人影都無，阿仔見到負責童軍的老師，對方好心為他查吓，回覆星期六仲未有籃球班。我真的不明白，童軍／中樂團等就如期開展，其他卻沒有下文，咁可以出通告等學生同家長有個知字。

bigbabycity

阿仔班主任到星期五才派籃球班的通告，到我放工返屋企睇到，發現有問題時已經晚上七時多，打電話去校務處也冇人聽。

因為通告有中英版，但上堂時間卻各有不同版本，中文版寫星期六11am-1pm, 英文版卻寫9am-11:30am，唔知那個時段才真。只好等到今朝早，好在八時多打去校務處已經有職員，她也很幫忙，向負責的老師查明後回覆我，應該跟中文版上的時間。咁到好，11am才開始，阿仔有充足時間，假如是9am，佢一定趕唔到要請假。

今日下午見到老師時，都要同佢地反映吓，希望減少通告出錯的機會。