大埔英藝playgroup!!!!唉．．．．

sugizo828

返左呢間playgroup四堂喇，　頭三堂都覺得唔錯，　但到左今日返第四堂，　我就決定唔會再同個仔返喇．．
今日有好多新返嘅小朋友返第一堂，　我好歡迎佢地，　因為有多D朋友仔一齊玩，　好開心，　但係唔知係咪太多呢，　好似好逼咁．．都有成十四五個架，　夾埋媽咪同工人就變左好逼囉，　因為一個BB就一個媽咪一個工人，　都三個啦，　同埋D先生又唔足夠顧咁多人，　變得好亂．．
　我返開星期二嘅，之前我老公特登放假陪個仔去，　但那天係星期四，　報名時個校長話如果想返星期四都得，　但要早少少通知，　咁我同我老公咪十二點幾去到同佢講囉，　去到佢話有十三個小朋友，　加埋我個仔就太多喎，　咁我就同佢講佢daddy特登請假陪個仔返，　可唔可以加多一個，　佢死都唔肯，　話太多人照顧唔到喎，　咁我咪走囉，　唉．．白行，　我當時都覺得自己唔啱先嘅，　但今日之後，　我先知係間學校有問題，　唔係我囉，　今日有成十四五個，　點解嗰日多我一個都唔得．．．
今日有四五個新朋友加入，　d先生就一路行一路講解一陣做乜野比媽咪聽，　我第一次返嗰時都冇人同我講過囉，　係我自己跟人做，　人去邊我咪去邊．．．所以我對呢間學校冇好感，　開頭都諗住比個仔讀呢間架，　但我上完呢幾堂，　觀察過後，　我覺得呢間學校d先生冇愛心，　同埋人手不足等．