請問馬鞍山邊間小學比較好呢﹖

塘邊鶴

今天路過台山黃達道掛咗條banner,同宣道會陳元喜合併. 九月開始招小一. 聽講陳元喜升中派位好勁, 佢網頁寫52%入英中, 好過好多學校喎!
http://www.cahcc.edu.hk/pm/new/index.php?systemid=s500&subid=s510

可以look look!

塘邊鶴

朋友個仔係黃達道讀, 剛剛派咗傳單返黎, 睇落又幾好. 仲攪咗好多宣傳活動, 又話有免費車去陳元喜觀課, 幾落本. 九龍塘宣道會啲學校很出名. 唔知係唔係可以考慮下. 如果有54%入英中. 即一級200人, 考第100名都可以入英中, 馬循都唔得啦.

塘邊鶴

我都係幫家姐個仔眼睇學校. 早兩日見過星島(或是明報??)的教育快線版,  刊登成個沙田同馬鞍山區小學的升中派位資料. 就現時所見, 如果陳元喜搬入馬鞍山, 它就會是全區最佳派位的小學, 因為陳元喜有54%入英中, 而主風及馬循等最多都係4x%, 而且陳元喜新入黎, 可能會少d競爭, 容易入d. 計我話, 如果有大仔/女的, 先插班, 攞定個位, 入英中機會仲大, 大細都有著數.

塘邊鶴

我相信大部分學校和老師都會很盡責去教細路, 尤其現在競爭咁大, 邊有學校唔做好. 但現實歸現實, 我見鄰居個女在入英中低%的學校讀書, 佢地話老師好好又落力, 佢本身又叻女, 全級百幾人, 考20名都入唔到英中, 派位時, 鄰居同個女都喊哂, 個女冇哂自信, 所以都影響幾大, 加上又有殺校, 如果選左弱勢學校, 又怕畢唔到業, 重新搵學校點算? 所以要權衡很多因素, 否則會影響子女的小學生涯.