最近學校好似好多人出水痘?

happy5

你認為學校應進行什麼措施呢?應隔離出水痘班別?出水痘班別停課?不需做任何措施?

totoro

亞仔未出水痘喎! 咁咪好大機會!   

麟媽媽

我仔嗰班出水豆已經係2 個月前既事了，
水豆由過濾性病毒引起，係轉季最活躍，
好似夏轉秋，同埋冬轉春。
大家留意，除左水豆，另一樣叫玫瑰糠疹，
一樣係由類似水豆既過濾性病毒引起，
佢唔係出水泡，而係全身出紅斑的。
我仔出過，同水豆一樣無藥食，
只有用藥水沖涼，同埋擦吓止痕膏。
最終我同佢睇中醫，西醫話無得醫既，
中醫4 劑藥已止痕退斑，好鬼掂呀！

基本上水豆係有14 日潛伏期，
當一個小朋友見到有水豆發出黎，
佢可能已經帶菌一段長時間，
而且水豆經空氣傳播，見到先隔離，
已經係太遲了，加上係由空氣傳播，
勤清潔亦作用不大，只好盡量打開晒D 門窗，
令空氣流動大D，希望唔好惹得咁快。
如果有小朋友出水豆，記緊煲竹庶水，
用竹庶、紅蘿蔔、糖冬瓜同埋馬蹄 (千萬不要去皮)，
當水咁比小朋友飲，成日飲都唔怕既，
飲左小朋友會舒服D，去熱毒架。

因為水豆出了係終身免疫，所以係外國，
佢地會開Chicken Pox Party，
即是有小朋友出水豆，便一齊開party，
希望細細個惹到出左，唔使大個先出咁辛苦。
不過我無咁癲，我同亞仔打了水豆針，
因為我搵過好多資料，水豆實在好難避免，
由空氣傳播兼潛伏期太長，變數太多唔易察覺帶菌，
亦太容易接觸到，除了打水豆針自保，
我諗唔到有咩方法可以杜絕晒唔接觸空氣。 :cry:

麟媽媽

頭先我係度諗，班房空氣都仲算流通，
但每日集會時，D 仔都係人貼人既，
又無風喎，如果有人帶菌，都幾易中招。
唔知係呢段時間，可唔可以係課室集會呢？
唔知班房有無個別揚聲器？
咁打鍾前開定班房門，D 仔上定去，
打鐘經揚聲器祈禱唔知得唔得呢？
但打鐘D 仔一窩蜂上樓梯又怕好混亂喎….  

jackjackma

二年級係好多人出水痘,
大少話家長可以選擇自己停課
唔知係咪真.
好彩我二位少爺都打了針,
如果唔係都好頭痛,
考試期間出水痘

麟媽媽

jackjackma,

二年班好多人出呀？我只知亞仔開學無耐，
已經有同學出水豆，最高峰期一日9個人無返學！
不過唔係9 個都出水豆，仲有人手口足病…
我都好怕亞仔同人攬頭攬頸，叫過佢唔好但邊聽呢？！
有次見佢地一齊食薯片，Aiya...個個放完入口，
又塞番隻手入包薯片再拎過！唔惹開有鬼囉….
我亞仔細細個都打左水豆針了，幼稚園時都生得勁架。

家長自行決定停課呀？咁係咪一樣教書架？
如果唔返咁之後點追番？咁又唔可以一律停課既，
都幾難攪，如果未打針既快快去打啦，買個安心嘛。

felix喵喵

報到.....報告....呀仔細細個已經打了水痘針,
good lar.....     

jackjackma

今日出了通告 :
出水豆而缺席的數字如下:
1b2....1
2b1....1
2b2....6
5b2....1

2b2將暫停到操場小息,及到圖書館,音樂室及電腦室.
如恐防感染,學生可請特別假期(6年級除外)

麟媽媽

嘩…. 2B2 重災區呀！2B2 一律同外隔離呀？
咁咪好慘囉…但無法啦，水豆有潛伏期，
可能有感染個案但未發出黎，
唯有咁先可以減少再擴散既可能。
頭先至同飛姨傾開，原來打左針都有機會出架，
但會出少好多，同埋無咁辛苦，
各位打左針既都要多留意，唔好掉以輕心。
主佑各位大小平安！

jackjackma

我三少打左針之後一星期出,全身共有5粒,完全好似無事咁,無搽/吃藥,只係兩星期唔可以返學.

麟媽媽

我朋友個女打左針都出，只係3 大粒！
最初以為佢生蒼仔，但見有水既，
睇醫生先知出水豆，我都想亞仔出，
如果大左先出，好辛苦架！
我叔仔早幾年二十幾歲出水豆，見佢好辛苦。

jackjackma

上次就係因為我細佬出水豆,先同三少打針.
我細佬住了四日醫院,仲話有c過翻生的感覺.
大人出水豆真係好大件事!

SINDY-MOTHER

felix喵喵,
我仔仔都是細細打左水痘針,但我地仔仔係同2B2 共用班房小心 d 好d    

麟媽媽

無錯，你地D 少爺都係帶吓口罩好D。

SINDY-MOTHER 寫道:
felix喵喵,
我仔仔都是細細打左水痘針,但我地仔仔係同2B2 共用班房小心 d 好d    

happy5

各位媽咪:

2B2已累積了20個學生出水痘了.你話是否嚴重?睇你站在什麼立場而言啦!有人想佢出,有人側唔想,因可能家中有長者或孕婦,一旦中招,好易有拼發症.我個仔已經好番啦.但我都覺得20個係咪多咗d呢?何況有d6年班仲考緊試噃,萬一染到,分分鐘過咗補考期,無法考試.

即使學校知道頗多人染水痘,亦不見得學校有通告知會家長將如何處理.水痘年年有,但今年特別多,點解學校唔早d通知家長,學校會如何處理呢?要等到家長自己打去衛生署呢(早會時校長講的)

另外,關於補測問題,我班班主任起初堅決不改補考日期.學校似乎在處理此事時欠缺彈性.雖然很後期還是通知家長會延遲補測,但對曾要求延遲補測不果的家長來說會很惱火吧!

講開家長可自行決定請假避水痘,我只代表自己班表達意見.我唔太明白課程有幾趕,因數學堂仲可以成日睇ETV咁就一堂,再用成堂背乘數表咁又一堂,下堂又睇ETV當溫書..... 仲有今日常識堂,阿仔話老師唔記得帶CD碟,]用咗用咗2堂時間比佢地睇無線劇集,咁又一堂.真係千奇百怪.
     怪事可能年年有,不過今年知得特別多,所以咁勞氣啫,請各位見諒 :cry:

happy5

阿仔初期有睇中醫,但後來發覺佢耳仔流血水,再加上阿仔痕得濟,訓覺時抓傷了腳嘅水泡,所以發炎.我地擔心會惡化,於是睇番,睇開嘅家庭醫生.佢話依家出咗隻水痘特效藥,小朋友會照出水痘,不過會不太辛苦同埋D泡會細粒D.同時醫生會閞止痕藥水比佢訓得舒服D.佢仲話依家出D藥唔會好似以前咁"禁"住唔發嫁啦,都知到唔好.

而中醫嘅睇法,主要都係清熱解毒為主,醫師話水痘病毒唔發晒出黎,有機會潛伏係身體內拾幾二拾年後,當抵抗力弱時,便會"生蛇"喎 大家小心啦

麟媽媽

happy5,

水豆唔清真係可能會變「生蛇」架！
所以，而家你仔仔已經好番，
你最好都係同佢去睇中醫調理吓，
清吓身體裡面既熱毒，佢肯唔肯飲苦茶？
我仔而家都肯飲，只因上次生玫瑰糠疹，
又係成身紅斑，好痕但抓又係會損出血既，
佢飲左覺得舒服，咁佢死死地一啖飲晒佢囉。

我睇開個好中醫，琴晚我先去睇完佢，
但佢好多人睇，拎左籌都等個幾兩個鐘架。
我身體好多毛病都係睇佢醫好的，
不過要有耐性等，亦要聽話好好介口。
你睇睇佢既網頁，如果有興趣睇佢，
我再詳細D 講你知喇。
www.laufungkuet.com

jackjackma

happy5,

妳咁勞氣都好正常,唔開心咪係度發洩下.

2B2已累積了20個學生出水痘了 --->點解通告話6位,差咁遠     
補測問題 ---> 上次sars期間,校長同我地講過,學校有大決定,要經校董會批准,唔係校長一人可以決定,所以安排混亂大家都應體諒.都相信校長永遠以學生安全為重.
用咗用咗2堂時間比佢地睇無線劇集---->又真係怪左啲   

felix喵喵

happy5

呀仔身體要緊, 唔好咁怒氣, 記得同呀仔去中醫調理一下, 免得日後有手尾啊. 補測的問題慢慢再解決罷. 最緊要呀仔身體健康. 主佑.

jackjackma

happy5

上次我細佬出水痘時,醫生都開了水痘特效藥比佢,未用藥前佢個人神智不清,但用了特效藥後舒服八成.出院之後一星期因染感冒再次入院,燒到103度,又打了支好貴的感冒針先好.

所以就算好返都唔好出街,以免抵抗力差,又染大病.
上次我三少出水痘時,我一家人成個月都無出街,只係去附近公園行一陣.
所以就算好返都唔好出街,以免抵抗力差,又染大病.

妳同囝囝都多多休息