海壩街官小(小一)家庭~齊來分享0下對學校既意見

kimami

Lovely媽咪,
原來妳係學校既義工, 咁妳咩比我地D在職媽咪更了解o黎間學校囉, 請妳多多上o黎尼個topic度傾下計呀

Lovely媽咪

Kimami,
我只係參加咗家長小組,因我都要返工,但我份工比較自由,所以都可幫吓手,順便可以睇到自己個仔仔,我識得幾個做午飯義工的媽咪,佢地就可以多啲同老師傾計.

kimami

Lovely媽咪
原來妳都要返工o既, 不過妳都好過我, 有份咁自由既工, 可以搵d時間出黎幫學校手仲可以襯住尼個機會睇下個仔仔, 我好羡慕妳呀



既然妳識得d午膳義工媽咪, 咁妳可唔可以一收到d風就上黎報料呀, 等我地d返無咁自由工o既媽咪多多少少都可以知道學校o既野, 又或者妳將尼個網介紹俾d午膳義工媽咪, 同佢地講有尼個topic, 叫佢地上黎傾下計喇, 講下佢地d心得喇



其實我起尼個topic就係好想多d媽咪上黎互相交換心得喇, 又可以有個互通消息o既地方囉
唔該晒妳"Lovely媽咪", 我真係好希望尼個topic可以一路繼續落去

kimami

各位家長,
妳地d小朋友考完第一次試喇, 妳地有咩感想呢???同埋妳個小朋友對人生中第一次考試又有咩感受呢??? 可唔可以係度分享下呢????
我既感想呢.....就係"考試係一件衝衝而來又衝衝而去既事"黎架, 而我個仔就好似放低左一件好重好重好重既書包咁, 我都問過我個仔對今次考試有冇信心, 佢開頭都同我講只係有dd唔識既o者(係每日佢係考試果日我放工返屋企果時問佢既), 佢依家又唔我講可能會考得唔好喎, 我問佢點知, 佢話因為老師同佢地講返d答案, 佢先至發覺原來佢答錯左答案喇, 不過我都無怪佢又或者話佢, 畢竟今次都係佢第一次既考試, 唔可以俾太大壓力俾佢既, 妳地話....係唔係呢???

parent2004

啱啱收到通告, 話廿二號有得影學生相. 舊年我個小朋友一年級嗰時入學前喺出便影咗, 所以冇幫襯到學校呢家. 唔知啲質素得唔得呢?

kimami

我都收到妳所講嘅呢個通告喇, 不過我同妳一樣都係喺街影架咋, 唔知d質素好唔好喎, 我諗唔會差掛, 如果佢價錢唔貴嘅話而妳個仔有需要影嘅話又不妨試試佢喇

parent2004 寫道:
啱啱收到通告, 話廿二號有得影學生相. 舊年我個小朋友一年級嗰時入學前喺出便影咗, 所以冇幫襯到學校呢家. 唔知啲質素得唔得呢?

kimami

[size=large]請問有冇家長俾小朋友每日返補習社做功課架, 如果有嘅話可唔可以介紹吓呢

NWY

kimami:
我朋友個仔一年級開始o向99壙場"佳美"補習,至依家
二年級,都幾好!
我都考慮將個女放"佳美"補,佢已四年級但做功課令我
好勞氣,留學校補習又麻麻,唉.....

kimami

NWY,
妳朋友個仔同妳個女都係喺"海壩街官小"讀架, 妳可唔可以俾一俾"佳美"個電話我去問一問d資料呀

NWY

kimami:
係亞!兩個都讀"海壩官小";個女成績唔好,今次期考完
見家長時,我同班主任講幫佢重讀小四。
"佳美"電話要星期一先覆你

882

小四既課程係唔係好深？聽d家長講小四課程係會深好多，尤其係英文。我都好擔心我個小朋友上到小四會應付唔黎。

NWY

882:
其實小三已覺得深左好多,我個女小一、二時,各科都有90分
以上,點知.....
唔止英文,仲有數學同常識都深好多;若果你地D仔女依家只
係一年級o既話,就記得要o向佢升小三前將"乘數表"背到熟,
基本英文生字要識串,同用方法令佢做填充題時,無提示都識
答。咁當佢升小三時就唔會有個種突然黎o既轉變,越適應得
快就越好,唔使好似我個女咁辛苦啦!

kimami

NWY,
唔該晒妳呀
嘜妳個女今次考得好差咩, 要搞到重讀咁嚴重呀, 妳要三思好喎, 因為會對佢個record有影響架, 同埋個小朋友會諗個個同學都升班佢無得升班(日後可能會對佢自己無晒信心架), 如果唔係真係咁差嘅話, 妳考慮吓係暑假同佢惡補囉, 仲好過佢要重讀喇(不過呢個都只不過係我個人意見啫), 希望妳唔好話我多事就好喇

kimami

NWY,
好彩妳係度同我哋分享咗妳嘅經驗, 我而家知道原來一、二班係佢哋嘅蜜月期嚟架, 往後日子就難捱囉, 我會聽妳嘅意見同我個仔打好基礎去面對小三嘅大考驗架喇, 真係多謝妳呀

NWY 寫道:
882:
其實小三已覺得深左好多,我個女小一、二時,各科都有90分
以上,點知.....
唔止英文,仲有數學同常識都深好多;若果你地D仔女依家只
係一年級o既話,就記得要o向佢升小三前將"乘數表"背到熟,
基本英文生字要識串,同用方法令佢做填充題時,無提示都識
答。咁當佢升小三時就唔會有個種突然黎o既轉變,越適應得
快就越好,唔使好似我個女咁辛苦啦!

NWY

kimami:
好多謝你o既意見,其實我已考慮得好清楚,因為亞女o既
英文同數學科都未達四年級標準,而且班主任話o向小學
六年內有一次機會,如果強將亞女升上去仲吃力,班主任
係教英文所以更明白。唔怕啦,亞女屬於"細仔";仲有五年
級所有考分都上教統局,咁咪仲死! :

NWY

kimami:
"佳美"電話:2498 0066
         地址:99廣場602-5室
           收費:4:00pm-6:00pm   $860/M

kimami

NWY,
哦...原來妳個女係咁嘅情況, 唔怪得知妳咁快就下咗呢個決定喇, 我卒之明喇
仲有唔該晒妳咁快可以俾到"佳美"嘅資料我呀, 我問過喇, 佢哋仲話可以接埋我個仔放學添噃, 不過我想問一問, 佢哋揍放學係安全個,可...同埋如果真係佢哋揍嘅話放學我個仔應該係排邊個放學隊呢??

NWY

kimami:
佢地會有老師或嬸嬸黎接,但唔可能個個都拖住過馬路,
我諗細同新o既小朋友會拖掛,有排補習社隊o向新翼內
操場架!

kimami