海壩街官小(小一)家庭~齊來分享0下對學校既意見

kimami

kimami

NWY,
咁妳諗住幾時俾妳個小朋友開始上補習社呀, 我就想喺下星期一開始喇

NWY

kimami:
其實我想由4月開始,但個女乘日喊住話"唔去",我都唔知點
好?

kimami

NWY,
咁都幾麻煩喎, 不如妳同佢傾吓, 了解吓佢點解唔想去補習先, 我覺得咁樣會好d, 同埋講佢知妳咁樣做係為佢好嘅(不過通常d小朋友都唔會聽妳嘅解釋架喇, 但係希望妳嗰個係女仔會聽喇), 唔好咁擔心喇

Lovely媽咪

Hi kimami,
好耐冇見呢個topic, 以為冇人有興趣,所以冇update.
updated番小小資料俾大家,上次考完試後,因發現中文閱讀普遍低分及好多人不合格,原來今次係用新方法,需要小朋友思考及只得一次聽,而小朋友都講番話聽唔清楚,因此已向學校反映,希望能改善.另我地亦向學校要求可否於派成績表時俾試卷我地睇,只係想睇吓小朋友於那方面比較弱,但學校已回覆不可以,但可個別寫信要求,校方會作安排.
另考試日期因很多家長都覺得係星期五/一/二會比較好,因此學校已答允盡量安排.
如有任何不明或有任何想知,可隨時問我,因我比較八卦,如我答唔到亦可幫你問人

kimami

Hi Lovely媽咪,
係呀, 妳真係好耐無上呢個topic同我哋講嘢喇, 歡迎妳再次返嚟呢庶同我哋update咁多資料呀, 睇嚟家長會的確有佢嘅存在價值喎, 搵到我都好想參加埋一份添, 請問如果而家先至想參加妳哋d家長會, 係應該點先至得呢, 不過我又係在職媽咪嚟, 未必成日可以抽到時間返學校, 咁可唔可以間中返學校開吓會呢(不過我會儘量多d出席架喇). 仲有想問吓呢, 跟住嘅測驗嘅形式會係點呢會唔會同上學期個形式一樣呢不過我聽d老師係家長日講過係唔會一樣架喇, 再唔會咁就佢哋架, 係咪架.妳話妳自己比較八卦, 我就覺得妳係幫梗我哋d家長可以更了解學校嘅嘢啫, 我應該係度要講聲

Lovely媽咪

隨時歡迎加入,我地係每個月開一次會,通常星期五下午1:30-3:00,下次會係4月27日,你有時間就可以嚟架la.
另下次測驗嘅形式的形式就應該同上學期差唔多,當然老師唔會再每條題目都讀得咁清楚俾佢地聽,所以要訓練佢地識睇題目,就算真係唔識全部都要識留意一啲重要字眼,例如"多過""小過""前面""後面",我教我個仔係一定唔可以唔寫,就算唔識都要寫啲嘢,錯都好過交白卷.

kimami

Lovely媽咪,
我希望我都時可以出席喇, 不過我可能都會約埋另外一個媽咪一齊去出席嘅, 因為我都唔知頭唔知路.
呀.....係呢, 今個星期五, 妳會唔會陪妳個仔返學去玩親子遊戲日呢, 我就會喇, 雖然得一個鍾時候, 不過我諗我個仔都想有人陪佢返學玩嘅(唔知係玩d咩呢, 可).
我仲想問吓妳, 妳有冇安排妳個仔去補習社做功課呢, 我就而家正安排梗搵邊間補習社俾我個仔做功課, 因為佢喺屋企度做功課係好懶散架, 同埋我又要返工, 等我返到屋企先至教佢做功課都好夜喇所以我而家都好煩.

kimami

今日我收到學校嘅通告, 通知4月24日開始測驗嘅事宜, 唔知各位家長有冇開始planning仔女溫習計劃呢

Lovely媽咪

今日同仔仔返學校玩,啲遊戲都幾得意,我仔仔最鐘意玩"空中飛人",唔知其他媽咪有冇返去玩呢
4月24日測驗冇咩特別會點溫,盡量俾啲習作佢做,等佢睇題目好啲.
仔仔依家會去佢同學仔屋企補習,因我地係幼稚園已識la,而佢地又係好朋友,咁啱佢又係幫人補習,為咗唔想成日為咗做功課,溫書而閙交,所以都係決定俾仔仔去佢到補習.
同埋提醒大家星期一打針,記住要食早餐,同如果當日有唔舒服或食過藥,記住提小朋友要同老師講,咁姑娘會決定佢可唔可以打.

kimami

我都有陪我個仔返去玩啦, 最多人玩嗰d佢都會去玩, 只不過佢都係好鍾意玩"空中飛人", 仲有嗰個"馬騮跳"佢都好鍾意, 我都好同意Lovely媽咪講法, 嗰日d遊戲都幾得意, 我係無諗過學校會有咁嘅遊戲俾到d一,二年班嘅小朋友玩架, 今次嘅"親子遊戲日"都辦得好成功喎, 唔知家長會有無俾到意見佢哋呢.
Lovely媽咪, 好多謝妳提醒我哋關於星期一我哋d仔女要打針同埋要留意要食早餐呢d等等嘅事項, 我會記住架喇,

kimami

各位媽咪,
尋日妳哋d仔女打完針返嚟有冇同妳哋講痛唔痛同埋個口服液係d咩味呢, 我個仔係今朝問佢, 佢先至同我講, 佢仲好有自信咁同我講:支針都唔痛嘅, 食嗰d藥好似d奶味咁. 我聽完之後我覺得好好笑, 因為嗰陣時我覺得我個仔真係好天真好可愛. 唔知妳哋又點樣呢

maktsehan

請問海壩街官小的成績、學習情況、校風如何？是否Band 1小學？是否比較容昜入荃官中學？如果住元朗，跨區入學是否很難？

Lovely媽咪

哈哈係呀,睇見佢地食口服液個樣好得意,係小兒麻痺嚟架,啲小朋友話好"喊"woo,我仔仔話打針個位有啲痛,但好醒咁同我講"我都唔驚,仲叫其他小朋友唔好驚tim",我今次睇b班,比上次好啲,冇咩小朋友喊.
係呀各位媽咪,呢個星期五(21/4)家長小組開會,如果有時間就嚟聽吓,或者有咩問題想問,我可以幫大家問,因今次校長會嚟開會.

kimami

Lovely媽咪,
請問嗰日幾點鐘開會呀, 我試睇吓可唔可以抽個時間去聽聽先, 因為我真係好想再提意繼續"網上家課日誌"嘅需要, 我個仔而家欠交功課嘅情況越嚟越嚴重啦, 佢成日都寫流d家課日誌嘅, 問佢點解會流, 佢就話掛住玩囉, 妳話係咪俾佢激死呀. 係開學第一次嘅家長日度我都向校長反映過, 佢話叫d班主任幫助一吓有困難嘅學生, 不過我都唔覺有囉

Lovely媽咪

嗰日會係下午1:30-3:00,希望你嚟到啦

fatfatma

各位你地好!!
我打算同阿仔係荃灣搵學校架...
你地可唔可以比d意見我呀...
咁海壩官小同麗城官小,有咩分別呀....
thanks~~

kimami

maktsehan,
其實我而家對呢間學校嘅情況都唔太清楚, 成積同學習情況我都係探索梗, 所以我先至想返學校開會, 希望可以知多d, 不過我覺得校風應該係無問題嘅, 而係咪band one學校呢, 我只可以話係我嗰個年代係囉, 會唔會比較容易入倒荃官中學呢, 應該會比其他小學好d嘅, 睇返佢哋以往入荃官中嘅人數都唔錯, 如果妳要跨區申嘅話我諗會好難囉, 不過父母有分我諗會有機會嘅

kimami

Lovely媽咪,
好呀, 我抽時間嚟啦, 唔知到時見唔見倒妳呢

882

你地就好啦~我呢個working mom真係好羨慕你地可以有時間參與子女學校既活動。有時我覺得對自己個小朋友唔住，成日無時間陪佢參加親子活動 ，我個小朋友so far家課冊都可以抄齊，因無乜見佢欠家課。我覺得佢地功課唔係好多，好快就做哂，壓力應該唔算多，可能係小一既關係啦！