海壩街官小(小一)家庭~齊來分享0下對學校既意見

kimami

fatfatma ,

我只可以答妳除咗帕出版社唔同之外同埋d課程比起麗城官小係無咁緊迫嘅, 不過我個人嚟講好like麗城官小有網上家課日誌喇, 麗城官小比海壩官小嘅校社係新好多(因為原本"麗城官小"係喺"海壩官小"校一齊, "海壩官小"係以前上午校, "麗城官小"係下午校, 佢哋改全日制時下午校就搬去麗城新校社啦)

Lovely媽咪

hi kimami, 我緊係會去啦,你留意最八卦嗰個就係我la

hi 882, 係呀,我都覺得佢地啲功課真係唔算多,所以我仔仔每日都好輕鬆同讀得好開心,相反見其他小朋友(好似荃官小/仁立等等),嘩啲功課多到丫

Lovely媽咪

kimami 寫道:
fatfatma ,

我只可以答妳除咗帕出版社唔同之外同埋d課程比起麗城官小係無咁緊迫嘅, 不過我個人嚟講好like麗城官小有網上家課日誌喇, 麗城官小比海壩官小嘅校社係新好多(因為原本"麗城官小"係喺"海壩官小"校一齊, "海壩官小"係以前上午校, "麗城官小"係下午校, 佢哋改全日制時下午校就搬去麗城新校社啦)

其實選邊間真係要睇你小朋友係受唔受迫,因麗城官小啲課程係會深過海霸官小,同佢地好緊張學生成績,唔多唔小會催迫學生,如果我仔仔去到佢實死緊 ,因佢有個幼稚園同學去咗呢間,讀得好辛苦,佢阿媽成日都話選錯學校,想轉校,但相反小朋友係好自動自覺做功課/溫習,就冇所謂.

fatfatma

kimami & lovely:
多謝你地覆我呀...我會考慮一下....

kimami

Lovely媽咪,
請問妳知唔知學校有冇d放學後嘅"功課輔導班"呢可, 專係幫d喺屋企做唔到功課嘅學生呢???

Lovely媽咪

好似到五年級先有,一年級一定冇

Lovely媽咪

hi kimami,
固唔到原來我地係識架 你對開完第一次家長會有冇咩意見呀,你真係好彩,林主任只係間唔中出現,但今次次居然佢同校長都一齊出現.

kimami

Lovely媽咪,
係呀, 開頭我都估唔倒我哋係識架, 但係至從妳喺bk度話妳個仔係俾人佢同學媽咪補習我大概都估度係妳架喇(不過未confirm係妳啫)
講到開完今次家長會, 意見就唔講得架喇, 不過我真係覺得好有用呀, 喺同同班d媽咪傾談之間可以知道好多嘢呀, 因為我個仔佢喺屋企係唔講喺學校嘅嘢俾我聽架, 就算有都係好少架咋, 仲有呀, 我最開心嘅原來我個仔嗰班d家長出席率係最多同最多人架.
唔好意思嗰個林主任係負責d乜架, 我真係完全都唔識佢係邊個嚟, 我整係覺得佢講d嘢好似係幫住學校講嘢咁, 都唔係幫我哋d家長講說話咁.
係呢....我想問一問妳點解會問校長嗰個問題(係話如果有老師係堂上講d不雅說話我哋d家長可以點做), 妳係咪想.......我仲以為妳會即時同校長講添. 講度呢度妳會唔會覺得我好長氣呢? 下次嘅家長會我都會儘量出席架

Lovely媽咪

係呀,我地班係最多人出現架,就算幫學校啲活動都係我地班最多人 林主任係今年家長會的負責老師之一,另外袁sir都係,冇計啦,佢地的責任就係幫學校解釋,不過都冇所謂,其實佢唔係次次都嚟,有時我地都當佢地冇到.
另外點解問校長嗰個問題,因為我頂佢唔順又係到讀嗰啲舊文章,咩家長唔應該同小朋友講咩講咩,所以我成機問如果有老師講呢啲說話又點,可能你仔仔冇講,因教數學的雷老師每日就係用呢啲說話話某啲唔聽話的學生,好彩我仔仔冇份,但我覺得俾佢閙的小朋友好慘,其實我已經經家教會會長同副校長講過,但好似冇咩改善.因我仔仔同我一樣都好八掛 所以佢每日都講番課室發生咩事,下次有關你仔仔我會第一時間同你講  

kimami

Lovely媽咪,
個日開會妳覺唔覺校長有意無意話我哋將教仔女嘅責任推咗俾學校呀, 我覺得有乜推唔推俾學校啫, 我哋其實將問題所處講出嚟分享, 嘜唔係學校同家長要多溝通嘅咩, 其實我喺第一次家長日度已經俾我覺得呢個校長係唔進取嘅校長嚟嘅, 係咪年紀嘅問題呢???定係女人嘅問題呢???(咁樣講好似有d性別同年齡歧視呀可)不過"麗城官小"嗰間教學方法又太過急進啦, 唔啱我個仔去讀, 如果佢係"麗城"嗰間讀嘅話, 佢肯定佢日日都唔想返學呀, 仲會好似而家咁開心咩, 唔怪得好多bk媽咪都話"荃灣"無咩好小學學校啦, 但係我以前喺呢間學校讀嗰陣時真係叫band one 小學嚟架

Lovely媽咪

呢個校長係咁架la,所以老實講我就唔係好想佢出席,成日都講啲冇建設性的意見,希望佢快啲退休啦,唔係都仲有排捱.
以前真係唔差架,但呢幾年啲程度因要就一些新移民,所以係真係淺咗同荃灣已有"麗城官小"頂住,所以我地校長就"小做小錯,唔做唔錯".
其他你依家住咁遠,會唔會諗住轉校呀

kimami

Lovely媽咪,
暫時我仲未諗住轉校住, 一來我個仔如果去第間學校我又驚佢又要由頭適應過另一間學校同埋而家我個仔喺呢間咁無要求嘅學校度佢d成績都係麻麻, 如果去一間比呢間學校好嘅話我又怕佢仲辛苦過而家(連我都會比而家更辛苦), 但係如果搵間比呢間仲無要求嘅學校, 咁就不如唔好轉仲好, 所以我係暫時無呢個打算住, 不過日後如果我個仔有一日佢醒覺嘅話, 可以好好咁讀書嘅話, 我就可能會去考慮一吓呢個問題喇, 但係都唔知係幾時囉
係呢, 咁妳有冇呢個打算啦, 而家呢間學校咁, 而妳個仔又咁有自律去讀書, 如果長此下去妳唔擔心可能會影響妳個仔嘅將來成績咩

Lovely媽咪

我個仔緊係唔會自律去讀書啦,但我都冇諗過轉校,因佢係呢度都讀得好開心,我始終覺得依家最重要係唔好令佢怕咗返學,因為仲有好長好長的時間讀書,如果佢依家已經驚咗,咁咪仲慘

kimami

我個仔已經有唔鍾意返學嘅諗法啦, 佢尋日無返都係因為唔記得帶數學簿驚俾老師鬧, 佢喺學校可能喊得激得制而喊到想嘔, 咁D校工姐姐見佢想嘔乜叫佢上二樓攞嘔吐袋, 咁二樓D姐姐打電話俾我, 問我揍唔揍佢返去, 咁我聽到姐姐咁講咩話揍返佢囉睇吓佢做嘜事啦, 我揍返佢嗰時, 佢好似又無嘜事咁, 妳話喇, 係咪個數學老師好有問題呀. 今日班主任打過電話俾我, 佢話想去瞭解吓我個仔點解尋日無返學, 咁我乜襯住呢個機會同佢反映咗個數學老師呢個問題, 不過佢只係同我講可能數學老師係男人, 所以D學生就會比較驚佢啦. 我都唔知點算好喇.其實我真係好好奇想知個數學老師係點嘅樣, 係咪真係咁得人驚啫

parent2004

海壩街官小原來有好多新移民仔女咩? 我又唔多覺喎.
而且, 如果話新移民仔女程度低, 都係英文科啫.

kimami

Lovely媽咪,
今次我無時間出席家長會, 唔知今次議題係講d乜呢?可唔可以講吓俾我聽聽呢?同埋下次開會時間係幾時呢?

Lovely媽咪

今次主要講番下學期之測驗深咗好多,同開始加埋課外題,想知學校是否會以這個方向,唔想一時就深,一時就好淺.另有家長發覺多咗小朋友講粗口,希望學校可以正視,唔想俾人覺得呢間學校啲校風唔好,同大家都覺得下年唔想同一年級一齊開會,想繼續分開,因始終話題唔一樣,大致係咁,而下一次亦係今年最後一次會係6月23日,你有時間就嚟啦.
同你仔仔近排點呀,係咪仲係唔想返學呀

szewan

HI,
各位,我係麗城荃官小的小一家長 ,請問海壩街官小下學期測驗係米好深?我有麗城荃官小的測驗卷,可否大家交換一下參考呢?

Lovely媽咪

.

szewan 寫道:
HI,
各位,我係麗城荃官小的小一家長 ,請問海壩街官小下學期測驗係米好深?我有麗城荃官小的測驗卷,可否大家交換一下參考呢?

其實我地學校今次的測驗雖然係深咗,但我所知同你地的學校相對都係淺,因我有朋友的仔仔都係讀你個間.而唔知點解到依家都未派番啲測驗卷俾我地,所以暫時借唔到俾你睇.

szewan

Lovely媽咪
吾該曬你 :