08-09小一新生

FiFii

我囝囝都係話小朋友坐係度,係d 嬸嬸姨姨攞俾佢地O既,但食完就要自己放番個盤係架TROLLEY度,佢仲要我比個袋佢用來放水壺,我話,你有條水壺帶咪得囉,佢話係黃SIR叫o既,所以我用個小袋幫佢放水壺,佢尋日無端端話要我地帶飯比佢食,可能佢唔鍾意尋日D瓜o

英文8寶箱,好似係網上學習, right? 我地唔參加o

csk家長jj

原帖由 FiFii 於 08-9-18 10:44 發表
我囝囝都係話小朋友坐係度,係d 嬸嬸姨姨攞俾佢地O既,但食完就要自己放番個盤係架TROLLEY度,佢仲要我比個袋佢用來放水壺,我話,你有條水壺帶咪得囉,佢話係黃SIR叫o既,所以我用個小袋幫佢放水壺,佢尋日無端端話要我地帶 ...

Hi！我仔仔都係帶個8寶袋（手挽袋）去飯堂午膳的,而8寶袋載有水樽、紙巾、消毒濕紙巾、牙簽和牙線义。其實訂午膳是有好處的,起碼可減少偏食的習慣,現在我仔仔連最抗拒的紅米飯和脆肉瓜都死死氣地接受到。

wanwanfubb

係喎, 放埋呢d都好喎, 我都無諗過, 阿女話係小息都用個袋架, 我只係放左水壺同埋小食..

係呢, 你地小食帶d乜架?

mia1112

餅乾,麵包,水果, 有時加d零食

原帖由 wanwanfubb 於 08-9-19 15:27 發表
係喎, 放埋呢d都好喎, 我都無諗過, 阿女話係小息都用個袋架, 我只係放左水壺同埋小食..

係呢, 你地小食帶d乜架?

wanwanfubb

無諗過帶水果添...又多樣嘢諗下

開始有默書啦喎, 你地平時點溫習呀

mia1112

好彩一早有默書紙,英文日日溫習少少, 第一日温3句,第二日温3句加之前3句,第三日......................
11月測驗就不知點算

原帖由 wanwanfubb 於 08-9-19 23:42 發表
無諗過帶水果添...又多樣嘢諗下

開始有默書啦喎, 你地平時點溫習呀

bb43

我都好擔心呀,佢星期四都默英文la,但佢溫極都似唔熟咁,成日都要提佢第一個字母,都唔知點,我都唔望佢高分,最緊要唔好唔合格就得la

wanwanfubb

我諗住叫佢自己先默晒一次, 唔識嗰d先溫習, 我聽過咁樣溫係省點时間,又唔駛佢重複溫習一d 已經識既

中文我就無咁驚...英文...就....
我而家已開始搵緊補習, 諗住單對單練下d 英文spelling (我實在無時間同佢溫)

mia1112

我個囡囡巳在9月開始補習,我也是實在無時間同佢溫, 不過我找咗補習社才知到私人補習都只不過約50元一小時,都不算貴,不過都巳安排好就試試看效果好唔好.
你們知唔知1a班今日話第一次中默係背默(3) 及讀默(4),一次過你都咪話唔驚.

FiFii

係囉,就算九龍塘D名校都未洗一年班第一次默書就要背默,範圍仲要兩課添o
會唔會過左火呢?

唉,唯有比心機溫習啦!
各位同學,加油!!

bb43

唔知你地有無發覺,學校上載係網果啲通告,有啲寫明有一年級份,但又無派俾我地,但上網又睇到wor,唔知係點呢

mia1112

我連新生第一天校長話晚上個音樂會我填咗參加都無比票我.
仲有第三天(觀課時)呀sir話影相張通告都無收到點知隔日巳經影咗啦.

wanwanfubb

通告我打過去校務處問過, 佢話已經分左類, 如果你地仔女係分左係需要支援的, 咁就要留意學生支援, 若不是, 就不用看. 而我今日再睇其他, 例如游水、合唱團, 真係嗰d已選中既先有囉

wanwanfubb

我搵左私人補習啦, 預星期五第一堂, $60 一個鐘!
我阿女9/30先默, 內容一樣, 第一次叫佢試默第三課係我讀俾佢聽, 八個字唔識, 叫佢每個字抄5次, 之後自己背默就錯兩個標點, 一個字唔識... 第四課讀默...都未開始練過 ....阿女同我講數, 話要上多幾堂課, 星期五先默....

不過好彩, 佢唔係幾抗拒

mia1112

我囡囡日日温,而家唔識一二個字,但我想問遲d係唔係每個星期都有默書or 隔個星期?如果每個星期都有邊有時間重温多次.