海壩街官小(小一)家庭~齊來分享0下對學校既意見

kimami

Lovely媽咪,
我都讚成下年唔同一年級一齊開會,唔好話唔同級話題唔一樣呀, 就算同級唔同班都有呢個問題啦, 好似我哋開會咁, 唔同班嘅家長d話題都唔一致啦. 咁有冇同校長反映過呀?
唔覺唔覺咁快就嚟一年啦, 今年最後一次會, 我希望可能儘量抽時間出席嘅.
我個仔呢排好咗好多啦, 積極咗d啦, 但係我都唔知佢點解有呢個轉變, 不過點都好啦, 有好嘅改變都好嘅希望佢繼續勞力啦, 係度都要同妳講聲"唔該晒妳呀", 因為妳真係幫倒我去知道我個仔係學校度發生嘅事

kimami

Hi 各位海壩街官小家長,
你哋好嗎?好耐無同你哋喺度傾計啦, 今次我想講吓今年學校由開學至今一次嘅"家長會議"都無開過, 到底點解呢?上年學期尾又話要家長會議分為三組(一二年級為一組, 三四年級為一組, 五六年級為一組) 唔再每級一組討論喇(校長話由於要縮減學校嘅經費喎), 雖然有好多家長都唔滿意咁嘅安排(包括咗我在內 ), 但係都無可奈何啦(都唔到我哋D家長話事啦), 咁我諗:"好過無啦", 點知而家都未開過一次會, 到底呢間學校點架,  講一套做又一套架, 除咗呢樣我好唔滿意之外, 其實我仲有好多嘢好唔滿意架, 好似家課日誌咁, 將家課日誌內容上網呢樣又只係提供俾小一學生先至有(仲只限上學期, 又係節省開支喎同埋唔好養成小朋友有依賴家長嘅習慣喎, 人哋間學校(荃灣官小)到二年級都仲有將家課日誌上網俾家長睇, 人哋都係官校啫, 人哋都做到點解我哋間學校(海壩街官小)做唔到呢?       
唔好意思呀, 要大家睇咁大編嘅勞穌, 但係我真係不吐不快呢, 希望你哋可以見諒啦 下次再傾過啦BYE~~~~

Lovely媽咪

hi kimami,
你真係好耐冇出現la,話時話,呢度好似好小海壩街官小家長 唔好話你唔滿意,依家好多家長都不滿,點解唔開家長會?係因為校長唔係好想你班家長聚埋一齊講學校有咩唔好,對學校有咩意見,等佢可以安全地做到退休,但佢又講到好偉大架,只係班家長係開一啲有教育意義的會就冇問題woo .
咩家校合作,講就叻,做就   仲有你有冇發覺佢地二年級突然深咗好多,我地都算好彩la,二年級開始谷佢地,依家五.六年級就俾佢玩死,特別六年級今次考試好多都衰咗(深咗又轉咗俾分準則),攪到班家長嬲到不得了,我都唔明,如果呢班6年級派位派得唔好,對我地呢間學校有咩好處

kimami

Hi Lovely媽咪,
係啦....呢度好似淨係得我同妳係海壩街官小嘅家長咁丫
個校長真係自私呀 為咗自己而奪我哋家長討論嘅機會 :tongue: 真係"黑人真"喇, 咁樣都可以做校長嘅(係邊鬼個揀佢做校長架, 真係無眼光呀 )
我都覺佢哋D課程係深咗(好似中文書咁同荃灣官小係一樣喇, 而其他我就唔知喇), 不過我而家對呢間學校切切底底地失望啦    教學方法同出面D學校掙太遠啦, 學校又無足夠嘅SUPPORT俾家長去幫D小朋友(連最簡單嘅家長會又或者喺裝上設立個討論區都無), 妳話喇, 係咪真係要對呢間學校切切底底地失望呀 , 唔知而家有冇機會轉到校呢??????妳有冇諗過同妳個仔轉校呢????

882

882

設立個討論區都幾好提議喎,點解唔版比人討論喎  
對我地呢d要返工既mummy好好多架,唔使成日發生乜事唔知,一舊舊cloud咁,又唔識其他同學他家長,個校長我都唔知見到佢會唔會認得  , 幾時換校長呀?
我見亞囡又讀得幾開心,功課又跟得到, 佢好llove去圖書館架,不過都好擔心升到高年級又唔知點. 我見上年都有幾多人派左去荃官, 我只係望個囡都可以啦. 佢星期五考完中文話好易,都唔知佢話真定假.

kimami

Hi 882,
係架...有討論區俾我哋要返工D媽咪真係好好架(人哋"荃灣官小"都有啦), 我個朋友佢個仔係"荃灣官小"讀, 佢話我知佢周不時都上個學校網度睇下個仔有乜功課做啦有乜默書啦, 不知幾方便, 唔駛我似我咁成日都要去估估下我個仔係"家課日誌"度寫D嘜, 同埋佢又去下討論區度同其他家長交流吓, 不知幾好, 我聽佢咁講之後, 我不知幾羨慕佢呀, 佢個仔係咁好設備嘅學校讀書, 其實我之前都可以揀呢間學校架, 不過地區唔就脚而且我又諗住大家都係官校應該師資呀其他嘢都差無幾啫, 點知.......       

Lovely媽咪

佢地就係唔想聽家長意見,又點會俾個平台你地發表丫
會唔會轉校?曾經諗過架,但仔仔又真係讀得好開心,功課唔多,默書又唔多,一個學期都只係默5-6次(荃官每星期都要默書,亦成日要評估,即測驗),而我地只係今年多咗幾次所謂小測,真係要睇係咩老師教,如果個老師積極啲,咁就會對佢地啲進度緊張啲,相反就
其實最唔明係點解咁早考試,放完假返2日就考,但之後就冇嘢做,直至放新年假,整埋啲咩活動週(差唔多3星期),駛唔駛要咁長呀,啲放學時間又煩,下星期返全日,再下星期又返半日(俾啲老師編成績表,討論下學期教學事務)

kimami

我都覺得佢哋編排D時間都真係好有問題????學妳話齋今個星期二考完試後又係返半日學(所謂但係"活動週"其實就等D老師多D時間改下卷啫), 跟住下個星期又返全日(都真係幾煩架, 對我哋要返工嘅媽咪嚟講, 每星期我都要提我99同工人講個仔幾點放學), 總之就麻鬼煩喺啦.........
就係因為呢間學校D功課唔多,默書又唔多我先至驚, 同出邊D學校嘅進度差咁遠, 第日再高年級時要同出邊D學校競爭, 佢哋點去爭呀???我一諗到咁我就想同我個仔轉校啦     

hoiyeungchu

HI:
    我是新會員, 下面是我少小意見,希望大家有同感la!


校長做事甚有公務員心態,少做少錯,唔做包冇錯,凈係想住退休,唔好出事,平穩過度,而家唔方唔愉快地學習,d 成績跌到阿媽到唔認得,又不聽取各積極而進取的老師和家長意見,唯我獨尊,高高在上,唔聽話就調走,真是慘無人道!學校就有日過日,家長又敢怒不敢言,怕揪後算帳,真係害死人,認真要早d返歸 la, 咪咗住個地球轉啦.  早d 換個有幹勁,有理想和朝氣ge人來就好啦! 做褔學生, 回復惜日光輝和聲譽啦!!!!!! 唔駛咁瘀啦!

有d主任和老師重差,應做唔做, 唔做走去做,做埋d表面功夫,見人講人話,見鬼講鬼話,凈係刷鞋和埋堆,又分黨派和冇品,鬧人又惡又狠,冇d愛心,又先入為主,自以為視,懶到死,好像有病咁, 鄧d 學生慘!!!!!  我懷疑校長包庇佢地ge所作所為,視若無睹.

  

令有抱負d老師卻步,想做又不敢做,有理想又肯做又唔比做,都唔知想點,好好的主任和老師都走人和求調,真可惜.  
唉死梗啦!  

專留d又廢又冇用ge主任和老師在學校,真可惡!

請各海官家長多給校方意見和壓力,令校方知錯能改,明天會更好   多多幫忙, 為我們小朋友著想吓啦  
:evil:      :tongue:    

kimami

Hi hoiyeungchu,

妳好, 妳個小朋友讀幾年級呀?聽妳咁講妳個小朋友應該都唔會係小二咁低年級架喇, 妳D怨恨睇

Lovely媽咪

Hi kimami,
你收唔收到份意見表呀,想唔服個校長都唔得,每年見家長攞成績表當日佢都會整個討論會俾啲家長講吓有咩問題,今年冇咗只係整張意見表俾啲家長填,重要只係填"對學校/老師讚賞或優點",我唯有填"對不起,學校真的沒有優點".
你仔仔今次考試考成點呀,通常上學期都係差啲,同聽其他人講今次的中文聆聽又係聽得唔清楚,我仔仔話好多都係靠估,同數學轉了改分,好易就扣好多分

kimami

Hi Lovely媽咪,
我收到啦, 不過我睇都未睇過就問我個仔係咪一定要交架(如果唔一定要交我就唔鬼填架喇, 不過佢話可以係家長日到交, 所以我仲未填啦). 哈哈哈~~~~妳真係咁串佢

hoiyeungchu

HI  kimami ,

我個小朋友讀四年級,要集合多人D 意見,反映自己問題,不厭其煩,要有耐性至得,學校see死我哋班家長怕秋後算帳,唔咁亂來,其實唔駛怕,只要肯周旋到底和投訴,學校怕家長日日煩佢哋,同佢鬥命長,堅持到底,[size=large]家長一定要團結,佢哋點咁,聽聞以前D家長投訴到好大獲,個小朋友都去咗官中la, 信不信由你! 只要小朋友有實力,甚麼都不怕,邊道都有書讀la ,唔駛日日咁受氣 .

年年的意見調查表,其實一定要反映自己心想要的意見,因學校目的在同校本會或家教會開會時的數據, 話家長沒有表達甚麼意見和認同校方自己想做的校政,所以為咗小朋友著想,一定要有嘜寫嘜,有多冇少,如果不是,咁就慘啦!!!!!!

最好要校方谷吓D學生,唔駛咁差!!!!!!

夜la! talk u later, 請留下e-mail 給我們

Lovely媽咪

依家校長就係驚我地太團結,所以用盡方法避開我地.
係呀,kimami唔好唔填呀,意見個項一定要填,好似hoiyeungchu講如我地唔填,個校長就可以大大聲話家長對學校冇問題,今日問其他家長點填,佢地多數填"不滿意"及"整不滿意",睇吓到時係家長日點回應我地.

Lovely媽咪

hi p1234,
你呢件事我舊年都有聽過, 當我聽到都覺得咁樣真係好影響佢地選中一,同另我覺得校長只係不停用官腔去拖家長,唔知你小朋友終於派到那間中學呢?
今年的6年級都同你地同一命運,好多數學都唔合格,家長都好頭痛,因好多學校一見有一科唔合格就連見的機會都冇

kimami

聽妳

Lovely媽咪

kimami,
你好少呢個時間online ,其實你又真係特別啲,因你住得遠,反而你可以諗吓轉唔轉,而我就多數唔會la,一來仔仔鐘意返學,二來佢同啲同學又friend,如果要佢轉真係難啲,而我又住得唔遠,依家唯有自己係屋企俾多啲練習佢做,唔可以靠學校架la.
另噚日俾教中文個阿sir激死,我個仔唔鐘意呢個老師,因佢教得勁悶,差唔多全班都頂唔順,咁噚日佢又駁咗佢一句,點知佢係食飯時間叫咗我個仔去101室同佢訓話,我仔仔只係食咗一啖飯,而佢就一路食飯一路同我個仔訓話,攪到佢終於食唔到飯,放學就同我講好肚餓.咁都唔緊要,一餐唔食都冇咩問題,最慘係仔仔問我"個口唅住啖飯同人講嘢有冇禮貌"我緊係話冇啦,跟住佢就話今日阿sir就係咁樣同佢講嘢,我都唔知點講好

kimami

Hi Lovely媽咪,

不過我都唔知用乜嘅理由去轉校喇??????唔通同嗰間學校講呢間"海壩街官小"好唔妥咩, 去數臭間學校咩!!!我驚人哋會覺得我呢個家長咁麻煩, 反而會唔收我個仔添噃. 我都唔知點做好喇??????妳有冇好嘅意見俾到我呀????