海壩街官小(小一)家庭~齊來分享0下對學校既意見

kimami

我個仔今年0岩0岩升上小一,原本我係對呢間學校都好有好感, 但依家呢間學校令我好失望, 因為呢間學校有以下幾點令我不滿既地方 :-

1.係迎生會個日話會將"家課日誌下載上網, 但係到今時今日都未做到("荃灣官小"已經下載上網好耐啦)

2.幾時會開始有默書, 測驗, 考試無指引(荃灣官小已經有晒範圍同埋幾時默書, 測驗, 考試)

3.班主任係好難搵嫁  

4.每次打電話返學校問野, d書記永遠答你"唔知要問返d老師"你話激唔激死  

5.呢間學校都唔注重"英文"科, 但又好注重"中文"科喎(麥政府學校唔係兩者都注重架咩)

唔知有無其他家長同意我以上既睇法呢?請盡情地發表你地既意比我呀, 因為我想係10月13日家長日到會反映出0黎架 :-x  

Lovely媽咪

kimami 寫道:
我個仔今年0岩0岩升上小一,原本我係對呢間學校都好有好感, 但依家呢間學校令我好失望, 因為呢間學校有以下幾點令我不滿既地方 :-

1.係迎生會個日話會將"家課日誌下載上網, 但係到今時今日都未做到("荃灣官小"已經下載上網好耐啦)

2.幾時會開始有默書, 測驗, 考試無指引(荃灣官小已經有晒範圍同埋幾時默書, 測驗, 考試)

3.班主任係好難搵嫁  

4.每次打電話返學校問野, d書記永遠答你"唔知要問返d老師"你話激唔激死  

5.呢間學校都唔注重"英文"科, 但又好注重"中文"科喎(麥政府學校唔係兩者都注重架咩)

唔知有無其他家長同意我以上既睇法呢?請盡情地發表你地既意比我呀, 因為我想係10月13日家長日到會反映出0黎架 :-x  

同意．我打電話問點解上網搵唔到家課日誌，嗰書記話因為負責電腦的同事啱啱新做，所以未得閒update,我即刻話如果真係個小朋友一時大意抄留咗家課,咁算唔算數,佢又冇答,我亦有話佢個網啲資料已過期,幾時先update,佢只係話會盡快.
我仔仔嗰班都係未有默書,但1E班昨日已收到下星期默書範圍.
係呀,你唔記得校長一早講咗呢間學校係以中文為主的.
我都估係10月13日好多人都會有好多問題.

Mrssslui

我有朋友個仔係度讀高小,佢一早講咗呢間學校行政混亂既情況.
我對此校沒有好感.
其實大部份人揀佢都係因為佢同荃官有聯繫,其餘的不用多說.
而且職員老師都係公務員,聽聞都係一般公務員既辦事作風.
小朋友讀得叻唔係歸功於此校老師,而且家長.

kimami

我依家知道點解呢間學校咁注重"中文"科啦, 因為個校長以前係"中文"老師o黎o架.
重有哎, 如果想有咩投訴都無門啦   

Lovely媽咪

kimami 寫道:
我依家知道點解呢間學校咁注重"中文"科啦, 因為個校長以前係"中文"老師o黎o架.
重有哎, 如果想有咩投訴都無門啦   

唔好咁灰啦,你小朋友有6年係呢間學校讀,你咁樣好難捱到6年woo,其實佢地啲老師我又覺得ok, 因我仔仔返嚟都有講啲老師,佢都好鐘意佢地,記得入家教會,咁咪投訴都有門啦.用平常心,唔好俾你小朋友知你對呢間學校不滿,對佢有影響架.

christina

八卦想問下大家, 你地d小朋友讀那間幼稚園, 我想知那間幼稚園派得最多學生在海壩街官小, 麻煩晒.

oilichan007

你講得對 ，D 書記成日都話老師不在，開緊會，對答又無

oilichan007

你好!其實讀任何幼稚園都無用,除非讀國際喇!

oilichan007

梗係啦!識

囡囡mami

christina 寫道:
八卦想問下大家, 你地d小朋友讀那間幼稚園, 我想知那間幼稚園派得最多學生在海壩街官小, 麻煩晒.

沒有話邊間幼稚園, 最緊要在62區加幸運 (大抽獎).

parent2004

我個女舊年入咗海壩街官小讀小一, 當時佢哋網站都冇登小一家課. 喺嗰時嘅小一家長日度, 有家長提出之後, 先至有呢樣嘢. 不過校長話呢個只係比新生養成每日寫家課冊習慣前嘅措施, 所以小二至小六唔會有, 下學期連小一嘅都結束咗.
其實我個女正一大頭蝦, 都未做到日日寫齊家課冊, 所以最初我好歡迎可以幫佢喺網上check家課. 但係十一月時, 發覺佢以為自己寫漏, 我哋都可以幫佢check番.
細心想想, 其實我哋要做嘅, 係設法令佢學識自己寫家課冊, 學識負責任, 而唔係因為校方提供嘅方便, 或者我哋嘅"榜樣", 學識奉旨同依賴.

parent2004

我冇聽過喎, 係個校長喺新生日講嘅啩?
唔好嚇我啦.
佢話"以中文為主"啫, 唔係話以中文科為主嘛.
再講, 點解"以中文為主"就代表"唔著重英文科"?
其實呢間又唔係英文學校, 梗係以中文為主啦, 唔知應該話校長講多咗, 定係話家長諗多咗好.

oilichan007

其實現今家長聽見校長咁講以中文為之主，係人都驚啦!但本人眼見校方在英文科甚淺，課外練習不多，工作紙少，其他小學都在英文科做很多工夫啦!人

tocan

dearl all moms,

可否告之海壩官小和麗城官小是用那本英文教課書呢?

囡囡mami

tocan 寫道:
dearl all moms,

可否告之海壩官小和麗城官小是用那本英文教課書呢?

海官 - (舊年) Longman
         (今年) Oxford

GIGI168

請問各位mother, 小一派位時, 有無人得15分, 第1st round已經可以入, 另一方面, 派升中有多少%可以派到官小中? 麻煩晒大家.

Lovely媽咪

我記得就好似冇人15分第1round入到,因呢間都有好多有哥哥/家姐或父母係舊生的,所以15分多數係第2round先入到(我就係la),但今年就唔知,因今年好似多人過舊年.

係佢個網睇到2003-2005約52%派第一志願.

2003至2005年度中學學位分配派位結果:
教學語言 中學名稱 人數
英 荃灣官立中學 37
英 喇沙書院  1
英 賽馬會體藝中學  1
英 可風中學(嗇色園主辦) 1
英 佛教善德英文中學 2
英 林大輝中學 1
英 長沙灣天主教英文中學 1
中 寶安商會王少清中學 8
中 保良局李城璧中學 7
中 何文田官立中學 1
中 廖寶珊紀念書院 17
中 皇仁舊生會中學 1
中 荃灣聖芳濟中學 4
英 基督教崇真中學 1
英 港青基信書院 1
中 東華三院伍若瑜夫人紀念中學 2
中 東華三院吳祥川紀念中學 2
中 樂善堂梁植偉紀念中學 1
中 中華基督教會全完中學 1
中 荔景天主教中學 1
中 博愛醫院歷屆總理聯誼會梁省德中學 7
中 聖馬可中學 1
中 中華基督教會基朗中學 1
中 樂善堂楊葛小琳中學  1
中 新界西貢坑口區鄭植之中學  1
中 博愛醫院八十週年鄧英喜中學  1
中 靈糧堂怡文中學 1
中 裘錦秋中學(葵涌) 3
中 迦密愛禮信中學 1
中 嶺南鍾榮光博士紀念中學 3
中 李惠利中學 2
中 仁濟醫院林百欣中學 14
中 保良局姚連生中學 8
中 紡織學會美國商會胡漢輝中學 3
中 獅子會中學 1
中 路德會呂明才中學 5
中 香港四邑商工總會陳南昌紀念中學 1
中 棉紡會中學 3
中 中華基督教會燕京書院 1
中 葵涌循道中學 4
中 上葵涌官立中學 3
中 下葵涌官立中學 2
中 聖公會李炳中學 1
學生總人數︰ 159人


另荃官小今年用logman-express ,俾海壩官小的oxford深小小.

parent2004

[quote]
oilichan007 寫道:
其實現今家長聽見校長咁講以中文為之主，係人都驚啦!但本人眼見校方在英文科甚淺，課外練習不多，工作紙少，其他小學都在英文科做很多工夫啦!人

parent2004

諗番舊年我喺家長日度, 見到個幾得意嘅現象, 就係同一班學生嘅家長, 有人話功課太多, 又有人話功課太少. 比我做校長, 就真係搲頭.
個家教會睇嚟有啲say, 唔係只係聯誼會性質. 好唔好建議由佢哋做個問卷調查, 收集全體家長對每科功課嘅意見, 到時向校方提出要求都有力啲吖. 好過我哋散疏疏咁一人一句.

kimami

parent2004 寫道:
諗番舊年我喺家長日度, 見到個幾得意嘅現象, 就係同一班學生嘅家長, 有人話功課太多, 又有人話功課太少. 比我做校長, 就真係搲頭.
個家教會睇嚟有啲say, 唔係只係聯誼會性質. 好唔好建議由佢哋做個問卷調查, 收集全體家長對每科功課嘅意見, 到時向校方提出要求都有力啲吖. 好過我哋散疏疏咁一人一句.

依妳咁講, o黎個情況好明顯應該係佢o地唔同班o者, 因為我睇我個仔果班d家課日誌o既時候我都有去另外d班度睇, 有d已經話有默書o既時候, 我個仔果班都未話有默書 o既通知, 就o黎件事就可以睇到, 其實每班課程o既進度都唔同, 自然功課多少實有唔同, o黎樣我又覺得應該d家長個別因應小朋友o既進度同埋接受能力而去反反響比個別班班主任, 等d班主任再作一d應變o既安排先至o岩, 因為小朋友識應力o既快慢唔同, 而唔係用"少數服從多數"o既方法去解決"功課多與少"個問題, 不過"問卷調查"o黎個建議我都好讚成, 但係應該用係d教學方針, 例如 : 書本採用邊間出版社, 課外活動類別等等.