剛１歲證實發展遲緩（6歲放棄主流，入讀體障）

BBQUEENBB

原帖由 methy 於 13-01-21 發表
阿仔3歲,返E位返得好開心，上兩星期物理治療師既阿HEAD黎左中心睇cases，問阿仔有無照腦(MRI),因為佢既診斷 ...

CP主要係影響運動神經，照MRI可以知道腦區邊度受損，methy你仔仔未照過MRI??

照下都好既，不過我覺得你仔仔好叻吖！我個CP仔好懶吖，23個月仲唔肯坐，又唔肯企！如果我個仔好似你個仔咁叻就好啦

mornstars

回復 methy 的帖子

Hi, Methy

My son is delay too, now 5 years old la, 看見你說要做推拿針灸，又見到有說做顱底骨治療是否成效很好？又可以在哪裡找到這些治療呢？

Ks

AHGU

邊間綜合中心咁可惡，我轉介家福會排左20個月，仲未排到，唔知點解?

AHGU

你BB是否工人湊，佢有冇偷懶唔放佢落地，成日困在床。懶人國的國民十居其九都常吞pop，連帶我個兩歲女打秋千都講大話，打左一分鐘就唔打，坐著等!

methy

snoopy333 發表於 13-1-24 16:00
回復 methy 的帖子

methy, 你好呀. 之前已經有睇你呢個 post (雖然未睇哂), 覺得你好有心機教小朋友, 好佩 ...

1-2歲既發展里程:
智能發展

• 一頁頁翻看圖畫書
• 用手探索有趣的物件（如：摸、拍、扭）
• 用一些較複雜的動作達到目的，例如：一手揭起小手巾，一手拿起毛巾底下的食物
• 明白一些物件的名稱，例如：問兒童「鞋鞋呢？」，兒童可以指出來
• 至少能指出身體的三個重要部份
• 將兩塊形狀放入形狀板孔內(圓形及正方形)
• 會嘗試用不同的方法解決問題，例如：拿出放在小盒內的食物
  

社交與情緒發展

• 會學別人曾經做過的動作或行為，例如：用毛巾抹桌子
• 會望向成人指著的地方
• 在成人提示下會向別人打招呼或分享食物
• 依從簡單指令，如：‘俾我’‘坐低’‘攞玩具俾我
• 與別人一來一往地玩，例如：玩推波
  

語言發展

• 說出以物件、人物及動作名稱為主的單詞，例如：包、媽、抱
• 明白物件的名稱，例如：包、狗、鞋
• 明白環境性指令，例如：將紙巾掉入垃圾筒內
• 明白與物件功能相關的動作的名稱，例如：「邊樣要黎飲水？」
  

大肌肉發展

• 自行爬上、落樓梯
• 站立時能彎身拾起地上的物件
• 保持蹲的位置30秒
• 穩定地向前步行
  

小肌肉發展

• 用拇指及食指頭相向地拾取小物件放入小瓶中（如：提子乾干）
• 把2塊積木疊高
• 用蠟筆在紙上隨意塗畫（任何一種握筆法）
• 雙手拉開物件如：膠泥、較鬆的插拼玩具
• 把2個圓形杯套起來
  

生活技能發展

• 用手指把食物放進口中
• 用吸管啜飲
• 咀嚼固體食物
• 用手勢或聲音表示如廁需要
• 雙手把褲子拉下脫褲
  

你小朋友情況我唔太ｓｕｒｅ．不過”手指指”係幾重要既指標，１歲就應該做到，如果有懷疑.call健康院，返去見見姑娘，最好要求埋轉介兒科，ｃｈｅｃｋ清楚，早介入，早治療．做多好過做小。

methy

borischiu 發表於 13-1-24 11:33
hi methy
請問你自制訓練1.麵粉&2.紙箱是怎樣整的, 謝謝

麵粉團:

材料: 1杯麵粉
         1/2杯鹽
         15ml 油(我用花生油)
         1/3杯水
          數滴食物顏料(超級市場有賣)

方法: 1.將麵粉 & 鹽撈埋
         2.慢慢加入油 及食物顏料(用小量水溝稀)
         3.搓起麵團,如果太"痴手"，可加麵粉

麵團可雪入雪櫃數星期.拎出黎如果比較硬,可加小小水令佢軟身返。

紙箱:

搵個大紙盒,用"較剪"整洞,指示小朋友用飲管或筷子插入d 洞到,可訓練專注.小手肌&協調。

snoopy333

回復 methy 的帖子

methy, 你好呀. 之前已經有睇你呢個 post (雖然未睇哂), 覺得你好有心機教小朋友, 好佩服你.

我有一對孖b, 17個月. 囡囡發展ok, 但囝囝就明顯慢好多令我有d擔心.

- 不會用手指去指想要的東西.

- 不斷教佢指五官, 飛吻, 請請, 點頭. 囝囝而家都只係識只識 byebye, 拍手呢兩樣指令 (都唔係次次做).

- 佢心情好時叫佢拎野佢都會拎俾你 (只懂波波, bb鞋), 但教佢形狀, 顏色之類既野佢多數唔聽.

- 玩玩具時多數會咬, 不懂正確地玩.

- 經常發脾氣.

我唔知囝囝發展係米慢, 想請你俾d意見. thx!

borischiu

hi methy
請問你自制訓練1.麵粉&2.紙箱是怎樣整的, 謝謝

chloe_karina

原帖由 methy 於 13-01-21 發表
阿仔3歲,返E位返得好開心，上兩星期物理治療師既阿HEAD黎左中心睇cases，問阿仔有無照腦(MRI),因為佢既診斷 ...

做乜好地地又話係CP 架

methy

阿仔無論係私人定政府訓練，我都會要求用手機拍片，等返屋企可以睇返。有d治療師好好，會重複一次重點比我拍片，返屋仁睇返就易recall返d技巧。

methy

阿仔3歲,返E位返得好開心，上兩星期物理治療師既阿HEAD黎左中心睇cases，問阿仔有無照腦(MRI),因為佢既診斷一直都係delay.而佢地既治療計劃都係針對呢樣野，我問佢覺得我阿仔似咩,佢話阿仔似"腦痳痺"(CP),佢話大肌差已經似係。我又"回帶"一次話無人講過佢似CP,我亦唔想佢食任何藥物,唔想比藥物影響佢。

一星期後，覆診兒科,,阿仔行比醫生睇,醫生話佢行得肉酸。問醫生阿仔有無可能係CP,佢諗諗下又覺得似..就安排快期照MRI。阿仔一直進步中,我其實唔想再做咩檢查，最後都係要照腦 +抽血。如果照左係CP,協康既PT話會改治療計劃,對症下藥。

阿女2個月大了..阿仔已經過了呷醋期，學校老師都話佢情緒好番哂。阿仔一直都好明白多左個妹，間中會做d naughty 野令我發嬲，不過同佢傾完.佢又唔會再做，話比佢知我都係咁惜佢。
我都盡量出席阿仔E位既訓練,等佢知道我唔會因為妹妹出世而忽略佢。

kennyrita

methy 發表於 13-1-18 14:06
不經不覺已經2年了，阿仔的確日日進步，間中停滯不前都有d氣餒，不過呢個係過程，當佢做到正常小朋友都做到 ...

HI, 你係 step, 協康定其他中心做治療??? 可否send d資料比我, thx

Hopesforlife

回復 methy 的帖子

謝謝你！剛開始了第一次PT，那治療師都細心，在她引導下，阿囝都做到啲動作。不過返屋企自己做都有d唔記得。下次要專心d記。亦已排期其他機構，不過要等幾個月，所以自己學住先啦！我都知緊唔嚟，自己要學有耐性d！

波蘿包1

Send錯左post

波蘿包1

出世到而家都未到最低個條線
我仔都係得個廿二，三磅到 食極都無肉
真係成條柴 就係想搵下有冇其他方法幫下個仔

methy

不經不覺已經2年了，阿仔的確日日進步，間中停滯不前都有d氣餒，不過呢個係過程，當佢做到正常小朋友都做到既野事，就覺得之前做咁多野係無白費。
我稍後PM d治療師資料比你

Hopesforlife

謝謝你的鼓勵，見到你的小朋友一直進步亦替你高興。看見你說要做推拿針灸，又見到有說做顱底骨治療是否成效很好？又可以在哪裡找到這些治療呢？

methy

早發現，早介入，接受治療同訓練，好快會追返，但過程的確唔易，每次覆診都要面對自己小朋友有未達標既地方既現實，或醫生發現新既情況，再安排抽血，接受檢驗等。個個星期常規活動就係去做治療，放假親子活動就去另類治療，推拿，針灸。
過程最開心係有突破既進步，第一次申手抓野，第一次由瞓轉坐，第一次由蹲下再起身，都足以令我開心一整晚。

加油呀，媽媽：）

Hopesforlife

看了大家的留言幾天，得到了很多資料。見到大家都積極協助自己的小朋友，我知道要堅強面對。囝囝6個月還未會翻身又坐不到，而且手未試過攞柬西，心裏都懷疑有問題。經轉介，遲些會見腦科，在網上看到才知道須面對很多問題。心情當然不好受，但看了你們的資料已立刻排期及開始私人PT。希望大家都努力！

methy

都急唔黎，開始時都係單字，慢慢加長上去咁講、的確9月讀N班後講野進步好多，唱學校教既歌，開頭斷開哂咁唱，唔知佢唱咩，慢慢可以唱一整句。