那間 直資 / 私立 是真正活動教學？

G-Ma

好同意ziyi爸爸所言.

當年自己讀書既年代, 其實深受傳統教學既惡果, 完全當讀書係一件苦差, 壓力好大. 直至去到外國讀書, 人地既教學模式真係好唔同, 老師唔會比好大壓力, 講下笑, 輕輕鬆鬆咁上堂, 功課又唔多, 多數做project會有好長時間比你慢慢做, 又唔會好緊張d分數(外國人多數好手鬆, 唔會咁認真), 但係你真係學到野入腦.  最記得學機會率既時候, 佢地唔會叫你做一百條題目操練, 反而老師帶左好多賭具嚟開左幾個賭檔, 有輪盤, 大小, 啤牌, (係香港咁做可能比人鬧死) 等我地一路玩一路學點計機會率, 大家學得快又開心而且係好明白個原理.  慢慢我開始覺得讀書原來真係好有趣.  

所以見到香港有類似教育模式既學校, 真係好開心, 可以多d新思維教學, 家長又可以多d選擇.  

原帖由 ziyi 於 09-9-10 00:44 發表
唔.....我又覺得不是太糾纏
為什麼呢!
我想信像G-MA,Charlotte_mom及我自己等,自己經過大學的學習模式,亦享受及同意大學學習的人,對校本/活動是容易接受
在教小朋友時(before小學)也不會要小朋友死背書,雖然有時激死 ...

Charlotte_mom

其實活動教學學既野, 唔一定淺架, 有全職補習老師睇到我女d reader, 話深既, 亦讚佢好放膽寫思維好好

不過講exams skills, 傳統學生無錯係會叻d, 因為佢地操慣, 知道exam technique, 例如我女舊年小三至第一次知咩叫考試, 就真係要慢慢去學識咩叫考試, 要做快d, 唔識既先skip, 有time limit等等

原帖由 rachncurtsmom 於 09-9-10 01:19 PM 發表
我有個朋友，佢幫個仔最終選擇左一間傳統教學嘅學校，佢話因為佢有個朋友個大仔返活動教學，個細仔返傳統教學，大仔的確識得好多課外嘅知識，不過阿哥就唔識做細佬D功課，所以我朋友選擇傳統學校。

我唸要睇吓每個家長嘅要求，我 ...

rachncurtsmom

我有個朋友，佢幫個仔最終選擇左一間傳統教學嘅學校，佢話因為佢有個朋友個大仔返活動教學，個細仔返傳統教學，大仔的確識得好多課外嘅知識，不過阿哥就唔識做細佬D功課，所以我朋友選擇傳統學校。

我唸要睇吓每個家長嘅要求，我自己讀左咁多年傳統學校，學左D野都忘記得7788，而且我覺得傳統學校教嘅野沒有太大實際用途，反而大學學到嘅係自學嘅本領，係一生受用嘅野。

mickychow

多謝咁多位靚媽 and 型爸(ziyi : sorry 一路都以為你係靚媽) 分享！
現在我真的真真正正明白活動教學。我自己一直都只是盲目去聽人哋話好就好，自己心入面又諗唔通又唔明，我並沒有好似你哋咁有大學生活ge經歷，只是普通傳統學校長大，所以自己根本唔清楚，但睇到你哋將小朋友的經歷分享，我就知道小兒是那類型，知道應走那個方向。真的上了好詳細的一課。謝謝！以後我可能有更多問題，多多指教！

Charlotte_mom

講件事你聽, 係我女k3時發生的
有日, 我女發燒, 佢訓o係床上面, 突然話"我知點解我發燒, 因為我身體入面d白血球打緊細菌", 我打左個突, 問佢點知, 佢話"你講架嘛", 當時我唸, 咩我講過d咁高智慧既野咩
跟住我女又問我白血球點打細菌, 係咪拎住支叉黎打, 我話傻既, 卡通片咩, 跟住佢跑去拎左本"我們的身體"出黎, 俾幅圖我睇, 我話果d呃細路架, 跟住佢問"無手, 點打呀, 唔通好似pachycephalosaurus咁, 用頭撞呀?" 然後我拎本正正經經既my body出黎俾佢睇下白血球係咩樣
(絕無吹水, 真係k3發生的!)

小朋友有時學習既潛能, 係好得人驚的, 我讚成ziyi講, 如果一早俾個框框佢, 係局限左佢發展, 活動教學, 唔係齋玩架

ziyi

唔.....我又覺得不是太糾纏
為什麼呢!
我想信像G-MA,Charlotte_mom及我自己等,自己經過大學的學習模式,亦享受及同意大學學習的人,對校本/活動是容易接受
在教小朋友時(before小學)也不會要小朋友死背書,雖然有時激死,但始終不會叫小朋友死背
講一次親身經歷:
囡囡K1時,她同班好友的mama也是我妻子的好友說公文英,公文數好
我妻子死拖我同囡囡去報名,但一進那些公文式的地方
看到一個個小朋友坐在桌前死做,然後交到最前面的老師改
再做
心裡打了個"突",我死也不報名,妻子生氣也堅持
當回到家,囡囡玩玩具,看電視,一路很多說話問題問妻子
我才對妻子說,你覺得囡囡可坐定定嗎?
可以是死背書,不去理解就做嗎,聽話的人嗎?
我妻子才開始明白為什麼我突然反口
我相信時代在變,我接觸的小朋友大多數與我的囡囡相似
否則都不會有很多傳統學校也將部份課程改去活動教學模式
現時的傳統學校教學,真的是同我們小時侯一樣嗎?

原帖由 小米米 於 09-9-9 20:29 發表
去年我都糾纏在這兩種教育模式的憂慮。這一輩的家長都是在傳統教學成長, 要自己仔女放棄自己走過那一套,接受活動教學模式,同樣艱難。

傳統教學有很實在、具體的課程範疇,再在考試、測驗體現子女學習成效,對家長來說 ...

小米米

去年我都糾纏在這兩種教育模式的憂慮。這一輩的家長都是在傳統教學成長, 要自己仔女放棄自己走過那一套,接受活動教學模式,同樣艱難。

傳統教學有很實在、具體的課程範疇,再在考試、測驗體現子女學習成效,對家長來說,好像很有目標。

活動教學, 家長同樣要改變思考模式, 課後如何啟發他們多元思維, 已經很大難題。

當愈接近高小, 你有信心子女跟傳統教學出身的學童, 大家的學術水平差不多嗎???

幼稚園至初小, 我覺得首要培養他們自學的信心, 對事物的好奇心,然後才打好基礎, 開展他們往後尋找知識的人生, 這點無疑是活動教學的孩子有利。特別是中學的通識, 我有信心這班孩子的多元思維, 組織能力一定不俗, 問題是學校及家庭如何灌輸基礎知識。

帶孩子上興趣班,若混齡上課, 傳統名校的孩子跟活動教學的, 是兩種很明顯的分別。

G-Ma

hi charlotte_mom,

當然搜集了的資料有時太深係要同佢地講解, 至於project製作及如何表達佢既topic我一般都由佢自由發揮.

原帖由 Charlotte_mom 於 09-9-9 18:47 發表
G-Ma
現階段, 我會幫女女一齊搵資料, 佢識利用internet, 同埋去圖書館用終端機去search有關資料, 搵到佢地既書
有時d資料比較深, 我會幫佢揀relevant既部分, 然後叫佢自己消化

mickychow
而家活動教學學校做既野,  ...

[ 本帖最後由 G-Ma 於 09-9-9 20:45 編輯 ]

Charlotte_mom

G-Ma
現階段, 我會幫女女一齊搵資料, 佢識利用internet, 同埋去圖書館用終端機去search有關資料, 搵到佢地既書
有時d資料比較深, 我會幫佢揀relevant既部分, 然後叫佢自己消化

mickychow
而家活動教學學校做既野, 根本就係大學既教法: 成個圖書館, 互聯網都係資料, 學習唔係睇完一本課本就complete, 係要上完堂, 自己繼續去build up的, 當識左之後, 再識用自己方法去表達同演釋, 就係所謂做project, 做presentation
當然小學生根基未穩, 學校就要額外幫學生建立一d基礎, 基本功一定要有, 而去做呢d基本功, 亦唔似傳統學校咁一味靠操, 例如話, instead of公文咁重覆做100題做到唔駛經大腦都識做, 活動教法係貴精不貴多, 兜一大個圈至做到一題, 但做完會真正了解個principle啦

原帖由 G-Ma 於 09-9-9 06:28 PM 發表
其實活動教學的功課也不會是很花時間, 基本課程也是跟外面其他學校差不多, 只是老師在教學上及功課上會加多一點啟發.

至於project, 我自己很少幫囡囡手做, 因為我想她有自己獨立的思維, 一般都是她自己做好了, 我稍 ...

G-Ma

其實活動教學的功課也不會是很花時間, 基本課程也是跟外面其他學校差不多, 只是老師在教學上及功課上會加多一點啟發.

至於project, 我自己很少幫囡囡手做, 因為我想她有自己獨立的思維, 一般都是她自己做好了, 我稍為看一下就交的了, 所以都不會花我很多時間.  學校在小一小二時已經教懂小朋友如何用電腦找資料, 如何用word, powerpoint 等等, 所以小朋友都可以自己應付.  有時看到囡囡做的project, 我覺得他們想東西的方向比我們更廣, 更天馬行空, 有時真的很有趣, 我們做家長更不應該用我們舊有的一套局限了他們, 讓他們自行發揮對他們將來的得益將會更大, project重要的是過程, 在整個製作過程中可以培養小朋友多方面的發展.  我知道有些家長會幫小朋友做project從而可以取得高分, 不過我自己覺得最終是令小朋友損失了學習及長大的機會.

原帖由 mickychow 於 09-9-9 16:20 發表

依你所講，即是活動教學ge功課係好輕鬆，教學方式係啟發小朋友，對嗎？咁小朋友咪唔會好似傳統教學咁樣可以學到生字？
Sorry ! 其實我都唔明白活動教學點先可以教小朋友書本上知識？ ...

ziyi

港同/真道/EC

當然也會買保險申請私校

原帖由 happylala 於 09-9-9 17:46 發表
ziyi,

請問你會幫女女選擇邊間活動教學既學校，可否參考吓?

我自己就心儀:浸小, 真道, 同埋啟思, 啟基.

G-Ma

我囡囡係讀聖瑪加利男女英文中小學

原帖由 jamhappybobo 於 09-9-8 23:54 發表


請問你介意pm我告訴我你女女係讀邊間嗎?因為我希望仔仔也有個開心的小學生活

happylala

ziyi, 請問你會幫女女選擇邊間活動教學既學校，可否參考吓? 我自己就心儀:浸小, 真道, 同埋啟思, 啟基.

ziyi

no welcome 相互幫助嗎
我早一年半入BK都是像你的目的一樣
我囡囡是2011/12才升小一的

原帖由 mickychow 於 09-9-9 16:58 發表
我之前只是盲目去聽人講活動教學好就去跟隨，但現在慢慢開始了解少少，多謝你咁有耐性去告訴我，謝謝！嚟緊我會去盡量認識多些，了解多些，多d睇BK topic。
為仔仔舖路！
日後可能仲多問題，多多指教！真的千萬個唔該！ ...

mickychow

我之前只是盲目去聽人講活動教學好就去跟隨，但現在慢慢開始了解少少，多謝你咁有耐性去告訴我，謝謝！嚟緊我會去盡量認識多些，了解多些，多d睇BK topic。
為仔仔舖路！
日後可能仲多問題，多多指教！真的千萬個唔該！

Charlotte_mom

如果活動教學既老師執行得好, 係可以俾學生好大發展空間, 上課時老師都會教, 教完之後, 去得幾遠, 就睇小朋友喇
有d小朋友對自己要求好高, 去到活動教學既學校一樣好有成就感, 因為佢可以去到好遠, 例如自己學d生字黎作文, 我女3年班, 有份功課係課本入面有個故事, 講隻羊呃左獅子對眼鏡, 等獅子食唔到動物, 份功課要小朋友當自己係隻獅子, 點解決? 有個同學寫, 叫佢搵optometrist做lasik, 以後唔駛戴眼鏡  -- 自學, 然後學以致用, 呢個就係活動教學既精神
舊年我女有個project講天氣, 點解有雲點解有霧, 學生係要睇書架, 睇完要做project, 畫圖, 整layout, 一定會花時間, 係佢地花得開心(你估做project開心d, 定對住本科學書照背開心d), 辛唔辛苦, 好睇小朋友享唔享受過程姐

原帖由 mickychow 於 09-9-9 03:15 PM 發表

其實我所謂辛苦是指傳統學校和活動教學其實都要陪做功課、陪溫習，但活動教學還可能要做多好多project 或者要花好多時間去搜集資料，咁小朋友會否辛苦得多呢？
"其實我都唔知係唔係，所以先咁樣問吓d 過來人" 唔該！唔該！ ...

ziyi

不可以說輕鬆或容易,只是小朋友會將功課當成遊戲,所以小朋友會主動及在做的過程中不會對功課產生討厭

我建議你要參觀一下那些採用校本課程/活動教學的小學

始終很難去解釋.當你發現那些小朋友喜歡上學,而所有小學都需要按教育局要求的標準編排教學內容,就知道其實活動教學與傳統的學習內容相同,得到的知悉相同

只不過校本課程/活動教學的小學更會教小朋友problem solve and application

傳統的可能教早一級的課程,但不是教育局要求的

原帖由 mickychow 於 09-9-9 16:20 發表

依你所講，即是活動教學ge功課係好輕鬆，教學方式係啟發小朋友，對嗎？咁小朋友咪唔會好似傳統教學咁樣可以學到生字？
Sorry ! 其實我都唔明白活動教學點先可以教小朋友書本上知識？ ...

mickychow

原帖由 ziyi 於 09-9-9 15:27 發表

對小朋友來說, 功課是玩的,會不會辛苦? DSS的功課就是這樣
但傳統的默書,做作業,小朋友會不會當做遊戲般?我想不會吧
看了這麼久的BK,大部份家長說DSS及傳統,其中一位講得很好,去聽簡介時也聽過的 ...

依你所講，即是活動教學ge功課係好輕鬆，教學方式係啟發小朋友，對嗎？咁小朋友咪唔會好似傳統教學咁樣可以學到生字？
Sorry ! 其實我都唔明白活動教學點先可以教小朋友書本上知識？

ziyi

對小朋友來說, 功課是玩的,會不會辛苦? DSS的功課就是這樣
但傳統的默書,做作業,小朋友會不會當做遊戲般?我想不會吧
看了這麼久的BK,大部份家長說DSS及傳統,其中一位講得很好,去聽簡介時也聽過的例子是
沙士/H1N1,返活動教學的DSS學生會失望,因不能上學
而返傳統的,就感到快樂,因不用上學

當然,這不是肯定句,因一定有部份小朋友是適合傳統的,也喜歡傳統的.

我們小時只有傳統教學的,遇到相同事,問一下自己會是那種心情,我想這就是答案

原帖由 mickychow 於 09-9-9 15:15 發表

其實我所謂辛苦是指傳統學校和活動教學其實都要陪做功課、陪溫習，但活動教學還可能要做多好多project 或者要花好多時間去搜集資料，咁小朋友會否辛苦得多呢？
"其實我都唔知係唔係，所以先咁樣問吓d 過來人" 唔該！唔該！ ...

mickychow

原帖由 ziyi 於 09-9-8 15:28 發表
我覺得看你所謂辛苦是什麼啦!

傳統名校的辛苦是陪小朋友默書,可能拿92分就要見家長(真人真事),因此每晚陪小朋友溫習很晚,考試壓力大

DSS中部份沒有這樣(因DSS中亦有老牌名校),但亦需要陪小朋友分析事情,看圖書,查 ...

其實我所謂辛苦是指傳統學校和活動教學其實都要陪做功課、陪溫習，但活動教學還可能要做多好多project 或者要花好多時間去搜集資料，咁小朋友會否辛苦得多呢？
"其實我都唔知係唔係，所以先咁樣問吓d 過來人" 唔該！唔該！