英語教材的禍害？

llb

本人一直深信學習兩文三語之重要，固特別著重小兒的語文教育。打從小兒三個月開始便讓他聽迪士尼英美語世界，又買大量英文書給他看，發展一直令人滿意：到七、八個月時他已經懂得認英文字，一歲四個月已經認得晒A-Z，而且見到英文字就很興奮，未到兩歲已經識讀超過500個英文字，而且發音十分標準，亦可以讀英文句子。然而，小兒學習中文的進度卻不理想，我見他九個月時已經開始接受英語，便自此對他說廣東話，但由於我日間要上班，坊間亦找不到優質中文教材作配合，白天照顧他的祖父母又說家鄉話，所以直到現在剛滿兩歲，他的第一語言仍然以英文為主，只是叫他說的廣東話，他就跟著說。亦由於我現在重點說廣東話，他的英文亦好像停滯不前，現在十分害怕他兩種語言都不能學好，我當初認為嬰兒有能力同一時間學習多過一種的語言，但事實並非如此。今年九月會送他到廣東話全日幼兒班，因擔心他應付不了年尾的K1 interviews。

各位有經驗的家長，請問你們子女有否該情況，入讀哪類型的幼稚園？特別是自小讓嬰兒接觸英語教材的父母，可否分享經驗？

petunia

我自己都有買教材俾個女用，唔係dwe，但係，我只會當果d係興趣的開端，而不是一切，只會當作是語言環境，但唔會靠晒果套野，就叫做學會英文。

我自己做教書，見到不少的港孩都懂得英文字，卻整篇英文作文不知所謂，亳無條理。怪就怪英文「教材」只求小朋友有「習慣」，但並無深入要求小朋友學會文法和文章。

中文更離譜，連字都唔識寫！駁咀就叻，叫佢地寫返駁咀的字都唔識寫，自以為勁卻自打咀巴。

原因何在？只因現今「好文章」難求，連父母都以為DWE等於好文章，生果報等於讀報。就連會考出題都用網上文法錯誤的文章出題！天呀！語文能力已經無可能再現了。

petunia

大家有無認真咁睇清楚，「中文能力」為何物？

中文能力，不是能說話能讀經咁簡單！
最重要的，係由明白字意、到懂得構造句子，以及欣賞句子的構造，進而明白內容，甚至知道筆者的主旨所在。

長篇大論談「經」讀經，只會明白「經意」，其實對中文還是不解。

家長們，學中文的不二法，是要選好書，選真正好作家的文筆，去討論他們的寫作手法。

讀經是好，但....對不起，經內的文字句字結構有太多的不正確。始終不是語文書。

A8888

請問你指初學者適合讀"莎經", "莎經"是甚麼來的?

原帖由 tracylin2002hk 於 09-7-31 16:35 發表
如在三歲，六歲，至少在十三歲之前學語文，愈早期，是愈以天生的「天才」為主要能力，所以「不費吹灰之力」，即易學好，而且語音正確，文法反射反應。如超過年齡，語文學習之「天份」日漸萎縮，則必須以「人為努力」為主要學習能力。「語 ...

happyvalley

原帖由 zoechan2005 於 10-2-5 14:25 發表
其實學兩種語言係可行嘅,但當中有兩點要留意:
1.兩種語言都要有相當多嘅接觸機會,我指嘅係面對面同佢講嗰種,不斷重覆人嘅說話,而唔係電視嘅聲音。
2.電視係一種極有問題嘅學習方法,喺我接觸到嘅好多case中,如果在兩 ...

好讚同『要多接觸』呢個重點，所以雙語文家庭，如果父母各自用不同語言溝通，係最好的。

我的囡囡六歲前都是專注中文，現在講野真係『牙尖』，英文開始好有興趣，講都無問題，流利就未得，發音就改善緊，希望未來可以『咀利』。

zoechan2005

其實學兩種語言係可行嘅,但當中有兩點要留意:
1.兩種語言都要有相當多嘅接觸機會,我指嘅係面對面同佢講嗰種,不斷重覆人嘅說話,而唔係電視嘅聲音。
2.電視係一種極有問題嘅學習方法,喺我接觸到嘅好多case中,如果在兩歲或一歲前常睇電視,但又無咩人同佢講嘢,個小朋友學講嘢慢嘅機會好大。有時有家長話:"唔係呀,我嗰個又係買disney,不知幾醒....其實佢哋唔係只係電視,仲有好多人同佢哋講嘢。

宜家兩歲都仲有機會,但要暫時停止睇電視,多同佢講嘢,要望住佢,慢講,唔好迫佢講,用多d唔同方法同佢講嘢,否則佢會反感,例如:用不同嘅毛公仔同個小朋友講同一句說話,如果宜家追返多d以前少講嘅!

雙語係無問題,問題係個總input,如果全部嘢都係同一個人講,一定會分薄咗你嘅input,如果工人或婆婆唔識廣東華,佢哋都可以照同佢講自己嘅母語,因為佢哋只會各自強化佢哋嘅語言,都唔會影響佢,講好過唔講,如果你要返工,佢哋唔講就無人同佢講嘢,會有壞影響,不過返全日班係好嘅方法!但你晚上嘅input一定要更多!
例如:b仔個阿媽同佢講咗1000次"萍果",佢就識講
       你用英文講300次,廣東話講300次,方言講300次,
       最終都係要等到1000次,佢就識講,所以比佢慢,你
       宜家就係要追數,只係你一個人講,你當然要用700次
       廣東話先,因為兩歲涉及基本與人溝通問題,但急切d,
       同小朋友相處都要注意。但如果其他家庭成員唔識廣
       東話,佢哋都用自己嘅語言講多d,都唔怕!
       只不過你要佢接收一定嘅量,最後都會講到!

加油!一定可以追回以往,但要比人辛苦!

以我嘅教育經驗來看,其實中文字比英文字難學好多!六歲前一定要接觸更多中文字,不論讀本地學校或國際學校,家長自己不妨自己多教認字!

原帖由 jc2009 於 09-7-31 11:29 發表
你好, llb

作為父母, 當然希望我們的子女能說出一口流利英文, 這也是我的希望; 但最近睇到一位英文老師的blog, 她分享到學習中文的重要性, 我也有些體會。有時間, 你都可以睇吓她的blog。

http://hk.myblog.yahoo. ...

[ 本帖最後由 zoechan2005 於 10-2-5 14:41 編輯 ]

celialing

我都有買英文教材,佢7個月開始用,依家4歲,但都無呢個問題,中文都係我自己同佢睇書同平時見街啲野教下佢,咁又ok,英文個度,發音重好好

另外普通話,我都係佢入幼稚園k1先開始,咁因為我又不是太好,所以依家都有參加學校普通話興趣班,試過在街見到普通話老師,老師都話佢學得好好,以為係屋企有人識成日同佢講

所以可能係太過注重一樣先會咁

llb

首先多謝各位家長分享你們寶貴的經驗及意見。我三個月前寫下文章時，確實有點心灰，但三個月後的今天，我想同大家報告我兒子的情況。

因緣際會下，他一個半月前開始入讀一間屋村幼兒園N1，因前身是拓兒所，老師特別有愛心及不介意照顧小ｂｂ，他十分喜愛番學，並開始識唱歌，廣東話更有明顯進步，識唱很多廣東歌，在家仍愛讀英文書，亦多謮了中文書(我買了大量有趣的中文書)，我現在有信心他兩種語言也可以學好！上星期六用廣東話interview了第一間心儀的K1幼稚園，並已經收了他，接下來的interviews，如果可以選擇英語的，都會用英語，始終表現會好一點，但若用廣東話，亦可以一試。

未來我會主力訓練他中文，而英文次之，看了各位的分享，覺得有很多家長在語言教育上面對共同的問題，特以本人的分享共勉之。

happyvalley

寫作英文文章是要多看、多聯想、多寫作為主，要是語境是以英文語為主的家庭，自不然會用英文思考及思索，寫作就會好。如果小朋友還細個思想未敏捷，但腦筋裹中中英英混雜，有人說可以，但我就有保留。


.

[ 本帖最後由 happyvalley 於 09-8-27 11:56 編輯 ]

Tata1668

我既情況都大家既都好近似.  兒子一歲前由嫲嫲同太嫲嫲照顧, 所以識聽家鄉話.  另tv都係英語為主 (因避免老人家隨便開電視給小朋友看, 所以只會播碟).  一歲之後自己同太嫲一齊照顧, 我會以英語或廣東話作為溝通語言.  

去年考k1, 我都只係選本地學校, 面試時老師見佢以英文為主, 都會用英文考佢, so far 都ok啦.

現在兒子已經2歲半, 當然以英語為主, 但聽得明白廣東話. 下星期返K1啦, 仲要係國語學校, 呢2個星期開始都加一D普通話比佢認識, 佢都明白和有興趣學習 (如佢知道COW既國語係"牛"等等)

讀開看書, 屋企以前d書都係90%以上係英文書, 剩下10%既中文書, 佢好多時都要我用英文讀... 但近來佢接受我用普通話讀比佢聽, 仲一次過幾本幾本咁讀!  所以呢, 我覺得只要個小朋友有興趣時, 你就可以乘機多d加中文比佢.   所以今年書展, 我都只係比自己去買中文書!

唔好灰心, 既然已經打左一個英文底, 就算之後著重中文, 都唔會一下子冇晒d英文能力.  我自己就認為, 佢地返左學, 就點都一定識中文, 至於日後佢中文定英文強d, 就睇佢自己啦.

asterlui1

我的小朋友五歲大, 其實我係緊張大師, 佢未出世我已經睇定幼稚園的書, 啱啱入幼稚園就睇定小學網, 其實一早已經想她入讀一些國際學校, 但看見那些較西化的小朋友太過大膽, 自己就擔心小朋友會給人家欺負, 唯一的做法是給她捒一所有一條龍及出名一點的幼稚園(只係希望自己的小朋友會純樸一點), 但係自問自己讀書比較聰明, 但係因為小時侯基礎打得不夠, 現在的確比較遜色, 而我的表哥小時候入讀了英文幼稚園, 現在已經是港大傳譯系畢業主修英文.
但係我又想給她過一個無悠無慮的幼稚園生活, 但係社會似乎不能這樣做, 以致我現在還未可以令她開始英語的學習, 我真係想知點做好.

Eclipse_2006

樓主唔駛太擔心.  我個情形同你差唔多, 而且我個仔仲係語言發展比較慢果種, 平日屋企又只係姐姐湊.  兩歲以前, 主要講英文單字.  我唯有同佢報多d playgroup, 唔好成日只係對住姐姐.  我發現佢返了 best concept 後, 廣東話突發猛進.  我覺得很奇怪, 因為 best concept 應該只用英語及國語.  我估因為此間學校一定要做 separation, 姐姐的影響力會消失, 而同學仔可能多數用廣東話交談, 所以我個仔學廣東話學得比較好.  這是意料之外的得著.  小朋友之間的影響力很大.  所以返了幼稚園後, 小朋友的廣東話應會進步很快, 不用擔心.

meredo

原帖由 llb 於 09-8-6 12:54 發表
meredo,

多謝分享經驗！請問IS是否International School?

Yes!

llb

meredo,

多謝分享經驗！請問IS是否International School?

meredo

原帖由 stccmc 於 09-8-4 21:08 發表
I am of the opinion that English is actually easier to get started, especially for young children.  It is the balanced bilingual that is very difficult to achieve.

agree!

meredo

各位mami,
其實,我亦有和各位同樣嘅疑慮!
我女兒剛剛滿兩歲,三個月大開始用教材!
她十三個月大前,由我,及爸爸,嫲嫲and婆婆輪流照顧!爸爸,嫲嫲and婆婆同BB講廣東話!
之後,由菲傭(說英文)照顧,但有嫲嫲 or 婆婆陪伴!
自用教材以來,成效顯著!
一直以來,BB都多說英語,少說廣東話!
亦應歸疚於我一直只著重英文,大量圖書中只得幾本中文書!
她聽得懂廣東話,不太愛看中文字,識講只不太愛說!
其實之前,已發覺有問題存在!但唔敢太急進教BB中文,怕佢confuse,變成唔講嘢及怕人!
因為,有朋友嘅小朋友有咁情況!
之前已為interview担心,自己掙扎咗好耐!現在應會盡量選可用英語intereview嘅學校,而用中文interview,eg.學之園,就會喺旁邊翻譯!
計劃:
慢慢開始比多d中文書佢睇(由爸爸陪睇),由淺開始,及比d普通話佢聽!
9月開始返pre-school班(english and 普
通話)!
希望可以英文繼續進步,中文開始起步!
我又覺得問題可以解決,但應要多花時間同心思,不要急!
我會考慮IS,但因抽簽,怕入唔到!因而interview其他學校,作後備及可作考慮!
如入IS就要自己多花時間教佢中文,及考慮日後升學問題!
因考慮到BB性格,所以考慮IS!

[ 本帖最後由 meredo 於 09-8-4 01:13 編輯 ]

llb

安安太太，

多謝你的分享。我也有減少使用教材的時間，暫時亦初見成效。

我有朋友提醒我，假如日後想兒子入讀本地主流學校，就要學好廣東話，因為這是同學們閒談的語言，如果廣東話不好會影響交際，但如果你想女兒入讀英語學校就另作考慮。

llb

kerkermui,

多謝你的鼓勵，我會努力製造一個中文環境給他，希望日後有你個仔咁叻，中英俱佳！