無助,有心無力教唔到個仔...

丞丞BB

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔係A都已經年幾...自己哭哭啼啼已經過年幾,阿仔進步不大,2.7歲,未識叫媽媽,未讀書,成日粘住我,連去個廁所都要開住門同佢,最慘係沖涼都要一齊 如果唔係佢就聲嘶力竭
同屋企人關係唔好,同先生關係更加惡劣,感情破裂...
有陣時阿仔一喊,自己情緒崩潰,又發泄係阿仔身上,之後自己又痛哭...搞到自己要去睇精神科...
好想好想訓練阿仔,自己情緒都唔穩定,根本無心機...
見阿仔一日一日大個,毫無進展,心裡焦急,內心痛苦

丞丞BB

你地個個都好有耐性,好堅持~

chunchun09122

記住我地眼中只有我地個小朋友, 唔好理其他人, 我同亞仔出街時一路行都會一路教佢講野, 認圖案, 係車上都會照講,  我知道好多人會用特別眼光望我地, 我理得佢呀!!

harryson

恭喜你！看見你講仔仔追近了好多，大有進步！相信你一定下了好努力，我都要學你一樣努力d同仔仔做訓練，不放棄！加油！

irischans

我仔仔都係大約三歲先講嘢，3-4歲個年超難捱，隔日收學校投訴，學校班主任非常歧視佢，卒之要轉校。當時佢4歲而同佢做評估只有2歲7個月。個段時間我都情緒極之困擾，好彩搵到間好學校，加上唔放棄不停訓練佢，暑假前佢再做評估，當時4歲10個月而評估有4-4•5歲，已經追得好貼。所以只要唔放棄，小朋友一定可以追得返。

原帖由 why-me 於 11-9-26 23:07 發表
我個仔都係超慢果隻.
5歲幾, 但各樣發展都係好似3歲咁.
S位老師/姑娘同我講, 唔好同其仔小朋友比, 要同佢自己比.
咁又係, 我個仔係慢, 但係有進步喎.
都係一口BB話, 同佢坐巴士佢開心起黎就亂啞講, 有人望, 我就同個 ...

why-me

我個仔都係超慢果隻.
5歲幾, 但各樣發展都係好似3歲咁.
S位老師/姑娘同我講, 唔好同其仔小朋友比, 要同佢自己比.
咁又係, 我個仔係慢, 但係有進步喎.
都係一口BB話, 同佢坐巴士佢開心起黎就亂啞講, 有人望, 我就同個仔講:你大個仔要講野, 唔好成日講火星話, 媽咪唔知你想講咩喎, 知唔知? 通常個仔會答我:知.
好在我個仔皮氣好好, 好乖亦比較聽話, 冇固執行為.
我唔會/唔敢諗咁遠, 只要盡左自己能力, 個仔開心健康, 其他我都交托比主.
GOD bless you!

原帖由 apple~y 於 11-9-26 15:25 發表


我仔仔係發展遲緩,都係好似你0甘
"怕面對其他同齡的正常小朋友及家長"
之前我以為自己可以樂觀面對
但有一次m記食0野,仔仔有情緒係0甘叫
聽到附近一位媽媽講"呢個小朋友唔識講0野",
加上奇異眼光
個心真係好難受, ...

LPYdad1

Dear apple~y,

I just want to tell you that it is absolutely normal that you are upset from other parents's eye. Otherwise, u are not a parent but a rock.
There is no pt to escape from that moment. U are upset, should not escape from yr own true feelings.You are a human being, a parent, living in a society, of course, will be affected from others. I think it is very sensible, no need to think it is strange or weak. Actually, you are strong coz u knew something that worth to be worried or considered. Please treat this absolutely normal.

However, after the moment calm down, do find something to talk to, yr spouse, yr parents or yr fd, anyone u could trust, releae yr self.

At night if worry alone, looking at yr kid when he is asleep, how sweet he is, right? Or review some family picutres, talk to us, I guess will be a kind of release

May God bless you

原帖由 apple~y 於 11-9-26 15:25 發表


我仔仔係發展遲緩,都係好似你0甘
"怕面對其他同齡的正常小朋友及家長"
之前我以為自己可以樂觀面對
但有一次m記食0野,仔仔有情緒係0甘叫
聽到附近一位媽媽講"呢個小朋友唔識講0野",
加上奇異眼光
個心真係好難受, ...

apple~y

原帖由 JJran 於 11-9-26 14:41 發表


心情有無好d ?  我就算是認為自己接受左囝囝是自閉症, 但是面對其他同齡的正常小朋友及家長, 又會怕佢在人前露出馬腳 (仍不大會說話, 但都會望下人, 情緒都算穩定) -->不想同人解釋又怕別人的奇異眼光.
而囝囝的 ...

我仔仔係發展遲緩,都係好似你0甘
"怕面對其他同齡的正常小朋友及家長"
之前我以為自己可以樂觀面對
但有一次m記食0野,仔仔有情緒係0甘叫
聽到附近一位媽媽講"呢個小朋友唔識講0野",
加上奇異眼光
個心真係好難受,自己真係一0的都唔堅強
之前番幼稚園無參加過任何活動,生日會無去過
朋友,親戚攪小朋友的聚會都無去
下星期仔仔4age生日
見佢一路長大但發展仲未追上,仲一口bb話
心痛又心酸

路都要一直行~~~

[ 本帖最後由 apple~y 於 11-9-26 15:26 編輯 ]

JJran

原帖由 丞丞BB 於 11-9-18 09:03 發表
阿仔2.7歲,但個樣就成個bb咁,d行為都好bb.....

心情有無好d ?  我就算是認為自己接受左囝囝是自閉症, 但是面對其他同齡的正常小朋友及家長, 又會怕佢在人前露出馬腳 (仍不大會說話, 但都會望下人, 情緒都算穩定) -->不想同人解釋又怕別人的奇異眼光.
而囝囝的發展真係比人慢同差d, 其實自己真係看在眼裡酸在心裡.  但見努力試的導師們的小朋友很多情況都不太好, 有些頗嚴重的, 但她們的樂觀及努力很有感染力, 上完心情真的好了很多, 多了力量和忍耐力教囝囝, 建議你同你先生一齊上明年2月份的晚間課程~
雖然實際上幫不了你, 但我們很多bk媽咪都精神上支持你, 有需要找人傾下啦~

[ 本帖最後由 JJran 於 11-9-26 14:51 編輯 ]

harryson

明白妳的感受！我仔仔2歲多時d人都問我佢是否1歲幾，當時我咪微笑吓便算，到現在我仔快4歲d人問我佢係咪2歲幾。明白妳的感受！我仔仔2歲多時d人都問我佢是否1歲幾，當時我咪微笑吓便算，到現在我仔快4歲d人問我佢係咪2歲幾。

BeBe媽媽

丞丞BB (Amy),
明白你有壓力,如果你有心....但無力....你可以多D同小朋友落公園玩,比佢跑跑跳跳,你當然要睇實唔好比佢跌,教佢點爬上爬落,好過唔比佢玩,保護佢! (我係咁做...分享下)....落公園又唔洗錢,又可以比佢出多D力,練埋體能! 當然要小心唔好比人打佢OR你仔打人...哈哈哈
有心就一定會有力! 你有情緒問題,要學習下 RELAX (外出你都可以RELAX),你仔仲未番學....太多時間響屋企/困住,唔係咁好呢!
其實我年頭都有情緒問題(應該無你咁嚴重),我都見左一排社工! 搵下傾下計都好架!個個星期去,有時一星期2日.....睇工點安排!
當然你唔知點應付小朋友時,試下同佢隔開,唔好向佢發皮氣.....你要冷靜左先!(你對佢發皮氣,佢會唔知點,又可能會學架!)
多D嚟呢度同大家傾下啦! RELAX

pinkdoll

我個仔2歲半個陣都係成個bb咁 成個人似係一個一歲bb咁 有人問我佢幾多歲 我就把心一橫話2歲多啲 免卻好多麻煩 又令自己不用再答這麼多問題

盡量不要比較 這會令自己更加不開心 我那時知道他的發展只是一歲 我做媽媽的就當他一歲bb這樣看待 想想一歲bb懂什麼? 懂的東西是很少的 是嗎? 我的仔仔都不想這樣的 但他只是一個一歲的bb

可以的話, 考慮去上一個叫"努力試"的課程 那裡的導師全部是過來人, 他們教的很管用, 從中亦得到很大很大的鼓勵安慰

原帖由 丞丞BB 於 11-9-18 09:03 發表
阿仔2.7歲,但個樣就成個bb咁,d行為都好bb.....

丞丞BB

阿仔2.7歲,但個樣就成個bb咁,d行為都好bb.....

Twins_Mom

丞丞BB

好明白你的心情, 其實真是唔好同人比, 因為通常你只會見到人家好的一方面, 人家頭痛又唔知姐遮! 我的identical twins, 兩件都是A, 但都有程度不同, 好似大仔, 3 歲已經對顏色有興趣, 而細仔刖要教到5歲先識, 一個要s位, 一個唔使, 所以唔好比 la.  自己要放鬆些, 有進步便成, 因為他們真是急唔來

(努力試)我上過, 不錯,可試, 就算miss左, 可先看書和聽cd

我們的路唔易行, 但千奇要努力, 唔好放棄, 因為他是我們個仔, 沒有人會比媽媽更愛他

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

owl_2046

我反而擔心你同你先生感情問題. 大家都唔想自己囝囡有發展障礙, 但事實係咁, 你一定要同你先生平心靜氣溝通, 大家接受現實, 否則前面條路你會更加難行.
我都有同感, 3-4歲前真係好難教, 佢地好多野都未ready, 你亦唔好將個囝同人地比較, 雖知你個囝都唔想自己與別不同, 亦唔好怨自己冇多餘錢比佢讀私人S位, 你要明白,最好既老師就係你自己, 只要你有耐性, 唔會教唔到.
你先要管理好自己情緒, 慢慢教啦, 唔好諗咁遠.
我仔都係過左4歲先開始好教D, 你唔好氣餒.
GOD BLESS YOU & YOUR FAMILY!

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

chunchun09122

我地唔係超人，累了就去玩下，去下公園，比自己抖下，當佢發脾氣時，開佢最愛的卡通或音樂，抱緊佢，令大家都冷靜一下！加油！！

Olympian

唔好咁諗啦，我都明白你上完小組的心情，我自己都會將阿仔同人地比較，有時覺得人地小朋友叻D，自己就好似若有所失咁。但係真係人比人，比死人，冇病冇痛已經好好。訓練到幾多咪幾多囉。我都經常冇心機教仔，咪抖下囉。去行下街，睇電視，上網，輕鬆下，或者多D請朋友上來屋企坐下，傾下計都好。心情好先有心機教仔。囝囝剛剛病好，大人細路都要休息。振作﹗

原帖由 丞丞BB 於 11-9-10 09:10 發表
私人訓練有做,不過少,都係d小組訓練之類的,單對單負擔唔起,
做小組訓練時,見到其他D A仔各方面都俾我仔叻,媽咪又好有耐性好有心機,又俾佢地返私人s位,做好多訓練...
而我無心機教仔之餘,又無能力俾佢做好多訓練,覺得 ...

spiga

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...

丞丞BB,我地係要用多D耐心。我仔都係2歲10個月先發出第一個音，而家過咗5歲，吱吱喳喳可以講過不停，唔好灰心呀，佢而家未講倒但聽到架，照同佢講多D。3嵗時就反叛期包拗頸，激死我。但之後就多方面都有進步。
多D想佢少少的進步會好過點，唔開心就同朋友傾吓或者係度傾吓，有很多同路人分享吓經驗又試下囉。

pinkdoll

明白你壓力好大 會否考慮找s位暫託 讓自己可以有點私人時間 做家務及休息一下 小朋友又可以有機會與其他人相處一下 大家都有得益

我完全明白當中是好辛苦的 小朋友好需要你的支持 但你都要別人支持 會否考慮找社工? 我哋需要有專業人士的開解及扶持 不怕坦白講 我都見緊社工 我發覺我一直高估了自己 原來我一直沒有面對過自己的情緒 近日因為一些事引發了好多負面的情緒 才發覺自己其實好軟弱 自己原來一直自己騙自己 .......現在我還有好多好多負面情緒, 自己深心處的事, 要去一一面對.

你要好好待自己呀 雖然你仔仔好似什麼都不知道 但他其實很愛你的 你看他沖涼的時候多麼需要你陪伴 你給了他最大的安全感 你仔仔雖然不懂得叫媽媽 但他知道你的存在 他沒有安全感 所以你一走開他就慌張起來 因為他知道你是最親密的人 你可以保護到他的 所以他很信任你 在你懷抱裏非常安穩 你付出給你仔仔的一點一滴並沒有白費的

原帖由 丞丞BB 於 11-9-9 14:01 發表

每一日都上下bk睇A仔媽咪分享,有樂觀的有苦惱的;有進步的,有退步的...
見到傷心的媽咪,想安慰幾句,但自己卻詞缺,也沒有正面經驗分享,也很傷心.見到進步的A仔,也有一絲鼓勵.
知道阿仔 ...