09/10 K1家長

stephanielum

唔駛客氣, 我都好無記性, 只係忽然想起咪話過你地知囉~~

係呢, 你地有無比囡囡寫字或者做d練習呀? 我買咗d係關於日常生活既練習有比琳琳做, 主要係圈出答案; 另外佢現在上piano都有教佢寫A-G, 係跟住虛線寫英文字, 佢都算好有心機學, 有時見到d英文字母都問我點寫......, 如果佢第時都咁既學習態度就好!
仲有你地囡囡現在上緊乜野興趣班呀?   

[ 本帖最後由 stephanielum 於 09-9-24 16:10 編輯 ]

lyl

9月份通告(1)就話9月29日帶燈籠, 但係今日本手冊就話28/9帶燈籠, 甘9月30日又話公益金+花燈會... 即係3日都要帶燈籠?!

[ 本帖最後由 lyl 於 09-9-24 18:00 編輯 ]

stephanielum

如果今日派本手冊話28/9帶燈籠, 咁應該最up-date 係28/9帶, 可能老師要多d時間佈置花燈會, 所以提早帶回學校啦, 唔駛日日帶架, 要放係學校到, 完咗個花燈會先派番比小朋友, 所以要在燈籠度寫名呀!

原帖由 lyl 於 09-9-24 17:55 發表
9月份通告(1)就話9月29日帶燈籠, 但係今日本手冊就話28/9帶燈籠, 甘9月30日又話公益金+花燈會... 即日3日都要帶燈籠?!

josesinmicki

我有比澄澄寫字呀,不過係姐姐足住佢隻手一齊寫,我諗住比D印象佢,另外都有比D練習連線的補充佢做呀....
點解學piano有英文學,,唔係只教音樂咩?
我諗住等佢4歲先比佢學..
澄澄每星期二及四學芭蕾舞,星期三學英文,我諗遲D比佢學埋珠心算..

原帖由 stephanielum 於 09-9-24 16:02 發表
唔駛客氣, 我都好無記性, 只係忽然想起咪話過你地知囉~~

係呢, 你地有無比囡囡寫字或者做d練習呀? 我買咗d係關於日常生活既練習有比琳琳做, 主要係圈出答案; 另外佢現在上piano都有教佢寫A-G, 係跟住虛線寫英文字,  ...

stephanielum

琳琳係初學Piano, 所以要先上個啟蒙班先, 即係類似柏斯定通利既小小莫札特咁樣, 個課程其中一part教佢A-G key既擺位, 所以功課都教佢地寫埋A-G囉!  琳琳都有學芭蕾舞, 係星期六學一堂, 佢都學咗年半有多, 老師話遲d考試, 要星期三返多一堂排舞喎, 另英文佢現在上緊noddy 既英文班, 下個月上完或者學phoncis, 不過都要睇下夾唔夾到時間先.

其實一個小朋友學咁多野唔知辛唔辛苦既呢, 有朋友話佢地唔辛苦架, 佢地吸收得好快, 係學就早d比佢學, 唔係升到上小學要顧住學業就無時間喎, 但有時我諗一下學幾樣野, 佢地記唔記到咁多呢, 有時都好煩惱

原帖由 josesinmicki 於 09-9-24 18:53 發表
我有比澄澄寫字呀,不過係姐姐足住佢隻手一齊寫,我諗住比D印象佢,另外都有比D練習連線的補充佢做呀....
點解學piano有英文學,,唔係只教音樂咩?
我諗住等佢4歲先比佢學..
澄澄每星期二及四學芭蕾舞,星期三學英文,我諗 ...

stephanielum

彤彤媽咪, 澄澄媽咪: 有關重建小學捐款既支票, 昨日老師交番比我, 話要自己寄去小學部個邊喎, 你地未交比老師就寄去小學部個邊嘞, 如果交咗, 老師都會交回比你, 等你自己寄去既, 唔明學校點解唔一次過收好再送去小學部個邊呢, 咁咪唔駛咁浪費郵費同資源囉!

noelyip

知道大家都有俾咁多唔同既課外活動俾小朋友參加，不其然覺得有D慚愧添！因為我仲未幫彤彤參加呀！

我準備下個月先同佢報芭蕾舞班，因為剛剛開學，而彤彤對於面對新環境既適應能力一向麻麻，我怕佢一下子要面對咁多新鮮野會難於適應，到時日日喊住去學野／番學咁就麻煩啦！

另外我想問吓，我之前問過報讀芭蕾舞好似有分兩種課程，一款是比較靜態的，另一班好似比較似唱遊／土風舞之類，咁妳地揀邊種？

noelyip

咁奇怪！要自己寄去小學部？多謝琳琳媽媽報料！

原帖由 stephanielum 於 09-9-25 10:18 發表
彤彤媽咪, 澄澄媽咪: 有關重建小學捐款既支票, 昨日老師交番比我, 話要自己寄去小學部個邊喎, 你地未交比老師就寄去小學部個邊嘞, 如果交咗, 老師都會交回比你, 等你自己寄去既, 唔明學校點解唔一次過收好再送去小學 ...

noelyip

乜唔係話教育局規定要K1下學期至可以教寫字咩？我只係買左D連線練習同填顏色既練習簿俾彤彤訓導吓小肌肉兼消磨吓時間咋！

noelyip

彤彤尋日同今朝都話要帶個美羊羊燈籠番學校喎！佢話應承左俾林老師睇喎！唔知係未老師叫佢地帶既呢？

原帖由 stephanielum 於 09-9-24 18:01 發表
如果今日派本手冊話28/9帶燈籠, 咁應該最up-date 係28/9帶, 可能老師要多d時間佈置花燈會, 所以提早帶回學校啦, 唔駛日日帶架, 要放係學校到, 完咗個花燈會先派番比小朋友, 所以要在燈籠度寫名呀!

...

stephanielum

其實係要等小朋友先適應咗學校既生活, 先再安排其他新既課外活動架, 不過係琳琳一早已經學開, 所以唔駛特別比佢暫停啫, 而且佢又好喜歡上piano 同芭蕾舞, 所以先繼續比佢上.

乜原來跳芭蕾舞有兩種架, 唔怪之得琳琳跳個d唔同平時出面睇個d啦, 咁樣我諗琳琳應該係跳唱遊土風舞個種嘞, 見佢又跳又轉咁, 一d都唔優雅既!

原帖由 noelyip 於 09-9-25 10:44 發表
知道大家都有俾咁多唔同既課外活動俾小朋友參加，不其然覺得有D慚愧添！因為我仲未幫彤彤參加呀！

我準備下個月先同佢報芭蕾舞班，因為剛剛開學，而彤彤對於面對新環境既適應能力一向麻麻，我怕佢一下子要面對咁多新鮮野會難於 ...

[ 本帖最後由 stephanielum 於 09-9-25 15:25 編輯 ]

stephanielum

唔駛客氣, 我之前都講錯比你地知, 現在只係糾正啱咋~~

原帖由 noelyip 於 09-9-25 10:46 發表
咁奇怪！要自己寄去小學部？多謝琳琳媽媽報料！

stephanielum

如果係正式教寫字, 教育局規定係k2先開始, k1下學期只係教聯線既野, 話佢地小肌肉未發展得好喎!  現在上piano個度唔受教育局監管, 所以無人理, 而且係要教A-G個key所以先學寫, 係跟住虛線寫下, 都無乜大問題!

你地有無買類似泥膠既玩具比佢地玩呀, 個D對訓練小肌肉都好好, 琳琳都好鍾意玩, 因為可以用泥膠整好多野食架!

原帖由 noelyip 於 09-9-25 10:53 發表
乜唔係話教育局規定要K1下學期至可以教寫字咩？我只係買左D連線練習同填顏色既練習簿俾彤彤訓導吓小肌肉兼消磨吓時間咋！

stephanielum

可能老師同彤彤傾計個時, 問佢屋企有乜野燈籠, 彤彤話有美羊羊, 所以林老師叫佢帶番嚟比佢睇呀!

原帖由 noelyip 於 09-9-25 10:55 發表
彤彤尋日同今朝都話要帶個美羊羊燈籠番學校喎！佢話應承左俾林老師睇喎！唔知係未老師叫佢地帶既呢？

noelyip

彤彤玩左泥膠好耐嫁啦，因為以前讀nursery果陣，老師派過一盒泥膠俾佢地番屋企同家長一齊玩，我見彤彤都好鐘意玩，之後我都有自己買，仲可以配埋其他㕑具添，不過我自己就會買D顏色比較鮮艷既，因為怕佢地整到手甲邊痴住都唔知，食左落肚就唔係咁好啦！（雖然佢話無毒啫！）

原帖由 stephanielum 於 09-9-25 15:38 發表
如果係正式教寫字, 教育局規定係k2先開始, k1下學期只係教聯線既野, 話佢地小肌肉未發展得好喎!  現在上piano個度唔受教育局監管, 所以無人理, 而且係要教A-G個key所以先學寫, 係跟住虛線寫下, 都無乜大問題!

你地 ...

noelyip

唔知妳地有無發覺佢地宜家既課程好似重温番以前學過果D ?點解會淺過N1?

想問吓妳地出去讀英文班，會點樣學英文嫁？遊戲形式進行？

stephanielum

我估佢暫時係想平衡番個d無上N1個小朋友啩, 遲下可能好d, 不過你都唔好咁高期望, 因為聽人講都話SRL既課程唔深架!

現在琳琳上英文班係好係disney world 咁, 不過佢係Noddy既英語工作坊, 由外國老師用係講故事, 讀flash card, 唱歌, 填顏色同遊戲, 等佢地可以用d英文溝通囉, 琳琳好喜歡上, 不過下個月頭讀完, 要找其他比佢上lu.

原帖由 noelyip 於 09-9-25 16:11 發表
唔知妳地有無發覺佢地宜家既課程好似重温番以前學過果D ?點解會淺過N1?

想問吓妳地出去讀英文班，會點樣學英文嫁？遊戲形式進行？

josesinmicki

我覺得現在比多D野佢地學係好架,忙慣了,第時小學無咁辛苦呀,所以下個月我會比佢學埋普通話,咁除了星期一外,每日都有野做..
琳琳好叻好乖呀,佢上Piano堂時會唔會坐定定架?
我每次想彈琴時,一開個鋼琴,澄澄就會第一時間抬自己張椅一齊彈,不過就係亂彈,而我跟本就唔會彈到............

原帖由 stephanielum 於 09-9-25 10:09 發表
琳琳係初學Piano, 所以要先上個啟蒙班先, 即係類似柏斯定通利既小小莫札特咁樣, 個課程其中一part教佢A-G key既擺位, 所以功課都教佢地寫埋A-G囉!  琳琳都有學芭蕾舞, 係星期六學一堂, 佢都學咗年半有多, 老師話遲d ...

josesinmicki

係咩,原來芭蕾舞有兩種架,我都唔知喎,
澄澄現在在SDM學,每次都係跳下,玩下,,(好似會叫佢地做"大肚腩,小白兔,小公主")D動作就係跳芭蕾舞D動作,澄澄玩得不知幾開心呀..你快D比彤彤學啦,

原帖由 noelyip 於 09-9-25 10:44 發表
知道大家都有俾咁多唔同既課外活動俾小朋友參加，不其然覺得有D慚愧添！因為我仲未幫彤彤參加呀！

我準備下個月先同佢報芭蕾舞班，因為剛剛開學，而彤彤對於面對新環境既適應能力一向麻麻，我怕佢一下子要面對咁多新鮮野會難於 ...

stephanielum

咁又係, 幼稚園既生活無小學咁大壓力, 可以學多幾樣都無妨, 不過荷包就慘重囉!

琳琳上piano係單獨上, 每次半小時, 老師話有d小朋友適合一班上, 有d適合單獨會專注d, 如果成班幾個上, 琳琳成日掛住留意其他小朋友, 所以我比佢單獨上, 因為咁樣先可以集中d聽老師講野, 老師feedback話琳琳好好記性, 記得每個音符去到邊度會停, 而且上堂坐得都好定, 不過有時太心急d手指仔就彈得好快, 不過整體表現都好好喎!  我都希望佢可以keep 住咁既學習態度啦!

你屋企有琴同識得彈琴架, 我唔識而且屋企無琴, 所以琳琳都係在學校學同練習, 我諗住遲下佢真係有心學上去先買比佢, 怕d大小姐三心兩意就浪費金錢啦!

原帖由 josesinmicki 於 09-9-26 08:43 發表
我覺得現在比多D野佢地學係好架,忙慣了,第時小學無咁辛苦呀,所以下個月我會比佢學埋普通話,咁除了星期一外,每日都有野做..
琳琳好叻好乖呀,佢上Piano堂時會唔會坐定定架?
我每次想彈時,一開個鋼琴,澄澄就會第一時 ...