専注力不足及過度活躍症(ADHD)兒童家長站

當媽

    

anna_gigi 寫道:
Hi 各位媽咪
今日我個仔15歲生日啦
辛苦同面對過度活躍症咁多年, 我諗好快有收成

當媽

(轉載)

蝸牛的話
資料提供:趙陳美賢女士 臨床心理學家

請不要強逼我,
也請勿予我嘲笑,
我本來就是這樣:
速度不快,腳部小巧,
是由於我天生腳小,
你是強逼我,予我嘲笑,
我可能會驚慌摔交跌倒.
還是讓我慢慢地好,
雖然速度不快,腳部小巧,
只要我按步就班,不停步,
目的自然會達到.
我本來就是這樣:
速度不快,腳部小巧,
也請必予我嘲笑.

(我每次看完都眼汪汪 )

hoho1105

當媽 寫道:
(轉載)

蝸牛的話
資料提供:趙陳美賢女士 臨床心理學家

請不要強逼我,
也請勿予我嘲笑,
我本來就是這樣:
速度不快,腳部小巧,
是由於我天生腳小,
你是強逼我,予我嘲笑,
我可能會驚慌摔交跌倒.
還是讓我慢慢地好,
雖然速度不快,腳部小巧,
只要我按步就班,不停步,
目的自然會達到.
我本來就是這樣:
速度不快,腳部小巧,
也請必予我嘲笑.

(我次次睇完都眼汪汪 )

              我都係



多謝妳咁有心機回覆我 我明白架、但內化方面...............我要諗吓點做。

maybaby

唔好意思！！想問一吓家長門！！我仔仔经常眼定定發呆，一日約有10次左右，有時同佢講緊嘢中段時間就嚟料，我揮揮手眼都唔旭，要大声叫佢，又或間中睇电視時，佢隻眼角度望住电視，但我企喺佢面前"借"住佢視線，佢都唔避，又係眼定定？？？？
我想問？我个仔係唔係好專注力不足呀？有冇人可以解答我呀？？     

當媽

maybaby
慿你所言，很難斷訂，下列為專注力不足之特徵，請看
•經常無法集中精神於一件事
•很容易因外界無關的刺激而分心
•經常沒有做完一件事便轉做另一件事
•不注意細節，經常粗心大意
•常遺失物品
•經常不能按指示把事情完成
•有困難安排和組織工作，做事、活動時沒有組織條理
•經常逃避或討厭需要專心去做的事(如功課、工作等)
•做事或玩耍時無法持續專注
•好像聽到指示，但卻沒有反應
•容易忘記每天要做的事

yhlmami

Hi, shouxi
  

可否pm有關資料給我。謝謝！

yhlmami

shouxi 寫道:
各位曾pm 我要刮痧資料既媽咪﹐ 我已經pm你地啦﹐ check   下啦﹐ 希望真係可以幫到你地。

yhlmami

Hi 當媽，

請pm有關資料給我，謝謝！

當媽 寫道:
我兒現一星期做三日，每次四十五分鐘，若有時間，應天天再做家居訓練。
效果方面，覺其寫字字體進步了，口齒清楚些，但我深信感覺統合運動，是能夠對腦神經產生刺激。至於，係邊一間做和收費，不想講。

“只想襯他仲細時盡量幫他改善”
你的概念很正確，任何訓練愈細做成效愈大。

[quote]
Hi 當媽,
您好!我想問吓你有冇参加過感覺統合訓練課程? 如果有的話,效果如何?係邊一間呀?收費呢?一星期上幾多堂及小時呢?

對不起有這麽多問題. 老實講我真係有D亂. 不知道什麽是最有效的. 我只想襯他仲細時盡量幫他改善.
唔該哂你!

[/quote]

當媽

唉！我投降了！ 徇眾要求 ，手頭上有關感覺統合或職業治療訓練的資料(大部分有埋其他訓練)，現列於下：

●但附註以下各中心良莠不齊，好與不好，請自行觀察和判斷。正所謂『唔做宗，唔做保，唔做媒人，三代好。』    但又見長假期快到，忍唔住口添！

還有！還有！趁聖誕節假時，阿仔阿女較得閒，同佢地搵下聖誕假感統班，比佢地玩下。

還有！還有！還有！感覺統合是要經長期訓練(最好日日做)，才可見成效。千祈唔好，做了幾個月便放棄。

[size=large][url=www.counsellingplay.com.hk/events.htm#child ]按按鈕：遊戲輔導室[/url]

[url=www.heephong.org/chi/slp/slp_news_list.php ]按按鈕：協康會[/url]

按按鈕：兒童成長及發展中心

[url=www.potential-develop.com/05100.html  ] 按按鈕：維思潛能發展中心[/url]

[url=www.linkscdc.com ]  按按鈕：領思兒童發展中心[/url]

[url= www.cdcentre.com.hk/course_content2.html]按按鈕：身心靈全能發展中心[/url]

[url=www.step-hk.com/otservices.htm ]按按鈕：邁步兒童發展中心[/url]

[url=www.newpage.hk  ]按按鈕：新一頁言語治療及復康顧問[/url]

還有，很多、很多，………



再贈您們金句：感覺統合失調會阻礙孩子的學習能力,正如法拉利車的性能雖然時速可達百哩,但在大塞車的中環也要面臨時速只能開十哩的命運。
[quote]
yhlmami 寫道:
Hi 當媽，
請pm有關資料給我，謝謝！
[quote]

小白427

各位, 我囝囝也是過度活躍加專注力不足, 都係食緊ritalina, 分量為1.5粒, 每天2次. 醫生話有需要可以做功課時食多次, 但呢次我地好少俾佢食.  明天返油麻地覆診了, 其實政府資源有冇iq test做呢, 定係自己去鴉蘭街排定由精神科醫生安排定點呢?

呢個學期, 都係由一年班既班主任繼續跟上, 學校方面算係咁, 老師都好盡心教呢個小朋友, 但的確投訴多左, 就算食左藥, 都會坐唔定, 離位, 蝦某d淋善老師, 口不擇言, 擾亂課室上堂, 要導致老師中斷授課.  唉, 真係唔敢想像冇食藥會攪成點.  我都成日變癲婆壓力非常大.

前排玩自行放學閃人, 我去到學校唔見人, 搵勻學校, 去校務處叫埋廣播都唔見, 最後老師一齊搵到7點幾, 佢自己行番黎, 後來話去同學屋企玩.  當然千叮萬囑叫佢不能再犯, 到第二日又係咁, 係自己想去同學度, 但唔識路去, 最後折返. 第三日又係咁, 話自己週圍行.  從此之後要同副校長玩親自交收, 副校長臨放學前就係課室門口恭候囝囝免得佢係禮堂趁人多閃左去, 要囝囝跟住佢,直至我黎接為止.  真的好感激他的專業, 不會不耐煩.
班主任就不消提, 囝囝對佢黎講太困難了, 因為班主任係剛畢業的老師.

副校長叫我同醫生講呢個情況, 話當佢有慾望時就完全蓋過理智, 正所謂呀媽姓乜唔知...  

成績.. 我巳忘記幾多分, 不過我理念上佢合格就算.

因為搬左家, 日日新界(沙田)出九龍(大角咀)返學, 依家想同佢轉番同區, 但想.. 有冇學校可以容納佢?  有冇咁好既副校長?  如果要轉, 就要開始申請的了..

夜晚訓覺, 硬係訓唔到, 碌來碌去, 10點上床, 大約12點就訓得到啦.  我都費事理, 佢唔係玩得過份都唔理啦.

課外活動都唔敢同佢報, 以前試過報抬拳道, miss叫佢地做熱身佢巳經不遵指令又唱反調, miss罰佢佢條氣又唔順, 淪為不受歡迎人物, 真係好慘.

唉, 好煩.  好希望其他媽咪講, 要睇佢幾時開竅.

當媽

小白427，

我覺得Ritaline的缺點是藥效只有四小時，當服了藥要等藥力到才有效，到了有效，再過一段時間藥力又漸失了，跟著再食下一粒，又要再等藥力到。所以，我覺得小朋友的表現會因應藥效而會反反覆覆。你有沒有要求精神科醫生轉藥，如可以的話嘗試請醫生開concerta(其藥效請翻看本論題較前部份)，但一粒concerta的零售價成十幾二十元，好大機會醫生會寫紙比你出去自己買。

做iq test呢？
詳細情形，你從下列資料按所住地區，找相應的中心，去查詢吧！
鴉蘭街兒童體能智能測驗中心 2395 4298/2789 4120
觀塘尤德夫人兒童體能智能測驗中心 2727 8474/2727 8479
沙田尤德夫人兒童體能智能測驗中心 2747 7411/2646 6327
屯門兒童體能智能測驗中心 2468 5261/2462 4962
下葵兒童體能智能測驗中心  2370 1887/2744 8579
中九龍兒童體能智能測驗中心 2246 6633/2715 3447
粉嶺兒童體能智能測驗中心 26394102 /26712797

至於學校事情，由校方去理吧！不要把太多事情肩負上身，擔負太多了。你只可做兩件事：
一•學校事你不應挿手，不可作任何推測，子女回來說學校什麼都好，校方說子女什麼都好，都是單方面，一定要保持中立，但一定要有反應，回應可以是：哦、係呀、你有什麼想法等…。咪不知就裏，胡亂答嘴，很易令小朋友感到你是偏袒，從而輸了彼些間信任和感情。
二•財政上許可同佢試叧一隻藥，觀察有否改善。若有改善，佢又小比人責罵，你唔使成日變癲婆壓力非常大。這樣，校方好，阿仔好，你又好，是三贏。

而其放學的行為，一方面，副校長已經幫你睇住了，短期內都可解決問題。至於，在你方面，我建議你跟他講感受，話比佢知，當他失蹤時，媽媽的擔心，害怕失去了心肝寶貝。再者，家中嘗試設一些他喜歡的玩具，互相協議當他放學回家時，可比佢玩一段指定的時間，來提升他回家的慾望。

班主任唔好，都有副校長好呀！

“當佢有慾望時就完全蓋過理智”
我建議你從日常生活去訓練佢不要太心急。

而轉校問題，你其實已想得很周詳，但多提一點，就是兒子的意願、适應、社交和情緒。

至於，沒有課外活動我就覺得對其身心發展不太好了。

“好希望其他媽咪講, 要睇佢幾時開竅”
真是有希望的，若小朋友是因腦神經中樞跟同齡兒童遲了發育的話，在不斷發育期間，可寄望追得上。

事事要迫自己正面看，要樂觀，若非如此，漫漫長夜很難堅持下去。

當媽

ADHD 的小朋友可以報些什麼課外活動??
不一定，因人而異，但
•首要是他/她喜歡。
•千萬唔好話個樣好，呢樣好，去玩啦！
       (現在是小朋友玩，不是小朋友替阿媽玩。)
•最好唔好要佢坐定定。
•樣樣嘗試、順其自然、玩票心態。

我覺得不要太介意課外活動老師投訴，因大部分的學校都要學生去玩學校的課外活動，在一視同仁的原則下，若個個同學玩，不給他玩，他會感到自己很異類，而同輩更加標籤他，心靈會有所傷害，什至覺得連阿媽都同外人一樣嚴棄佢。

至於，提議的話，我就鍾情專注力、情緒控制和感覺統合訓練。

你若排緊期見瑪麗醫院,你應知大約見醫生的日期，衡量下等得耐唔耐，自己可不可以支持得住，等得就等，若感等得太耐，想下睇唔睇住私家。

想請教, 我現在可以做些什麼幫到阿仔??
報玩我提議的訓練，在家和他玩一些提升專注力的遊戲。

想請問, ADHD 的小朋友可以報些什麼課外活動??

阿仔一年班在學校報了小提琴班, 但常被老師投訴; 上打鼓班, 英文拼音班, 畫班都是一樣 (全部都是學校的課外活動班)......... 被老師說不專心上堂..... 唯一佢可以繼續學的是游水 (因為他貪玩), 而家一星期一堂, 但我都想替阿仔報其他活動, 請問有沒有提議??

阿仔而家排緊期見瑪麗醫院, 一切都係等.........

想請教, 我現在可以做些什麼幫到阿仔??

謝謝你!

當媽

驗專注力不足，有兩種方法，一是找心理學家，二是找精神科醫生。
首先，你要確定方案，若小朋友真的有事，自己想不想小朋友食藥。
若不想食藥：找心理學家，因有事的話，心理學家會循行為認知方面去幫小朋友，如小朋友的專注力不足是輕微或年紀小，我建議見心理學家。
若比食藥而專注力不足是嚴重，如伴隨有情緒和社交等問題：見精神科醫生，由醫生開藥食，因藥物的成效會快啲，再用行為認知來輔助。

評估方法：
1.可經健康院醫生轉介
2.自行找私家精神科或心理學家評估
3.憑醫生轉介信，從下列資料按所住地區，找相應的中心，去查詢吧！
       -鴉蘭街兒童體能智能測驗中心 2395 4298/2789 4120
      -觀塘尤德夫人兒童體能智能測驗中心 2727 8474/2727 8479
      -沙田尤德夫人兒童體能智能測驗中心 2747 7411/2646 6327
      -屯門兒童體能智能測驗中心 2468 5261/2462 4962
      -下葵兒童體能智能測驗中心 2370 1887/2744 8579
      -中九龍兒童體能智能測驗中心 2246 6633/2715 3447
      -粉嶺兒童體能智能測驗中心 26394102 /26712797

當媽:
希望不太打擾你, 剛巧經個這個topic, 見到很多媽媽也請教你, 所以都想問下你既意見.

我女女6歲, 發現佢有以下問題:

•經常無法集中精神於一件事
•很容易因外界無關的刺激而分心
•經常沒有做完一件事便轉做另一件事
•經常不能按指示把事情完成
•經常逃避或討厭需要專心去做的事(如功課、工作等)
•好像聽到指示，但卻沒有反應

我應該從何可以讓她接受評估呢?

謝謝!

blesshim

當媽, 你好,

有看你一直的留言, 覺得你在這方面很有經驗, 現想請教一下.

我的兒子, 10歲, 剛被評估患有ADHD, 而且醫生立即開藥 (strattera, 10mg), 本人不知道是否真的很嚴重而導至第一次consutation就開藥?  當天跟醫生大約會面2.5小時, 當中做了一些我認為很簡單的測試, 如醫生給小兒說出一組數子, 要小兒由後講出, 即醫生講出1234, 小兒應講出4321. 直到7位數止.  另外再問一些生活問題等.... 不知道一般的consutation是否是這樣的.  

因小兒在校情形比較失控, 上課時會走出位, 又會因一些事情而大發脾氣, 所以常常給老師責罵, 功課當然是交不齊, 他也會常常說不想讀書等.  現已通知學校, 學校叫我不用擔心, 他們會有支援, 雖然是, 但我也十分擔心, 因一班有45人, 他們究竟能怎樣妥善處理?  眼見情況好像越來越差, 我也顧不了甚麼side effect, 都給小兒開始試藥, 希望有轉機!

現請你比些意見.  謝謝.

andy.ma

hi.,各位,我想問是否見一次醫生就龂症?

當媽

Blesshim，

很對不起，因有事在身，打字又打得慢，不能即時回覆開解。好多謝你一入會，就幫趁。很長篇大論，希望唔好悶親你。

你好，我們的兒子同是10歲，相信你的兒子是小四或小五了。

經驗真講不上，只是從錯誤中 得以領會，望你們可避開這些錯誤。

不如在大家背景相近的情況下，講下我為何在丈夫反對下都給兒子服藥，其實大多數原因，前文已提及，不再長氣了。而另一原因是他要凖備升中，我想在他升中前，能確立一個自我正面形象，希望他不要以為自己頑皮、無用、被人涶棄等……總之唔好一切衰野都歸佢，因再長此下去，快又步入青春期(反叛期)，快又升中，怕他同時面對太多的轉變，又受到同輩的排擠，衝擊(打擊)太多了，怕他會放棄自己，誤入歧途。

至於，評估的時間(2.5小時)是合理，而其所評估的內容也差不多，不過，我是徵詢了兩個私家精神科醫生，確實真的要食藥，我才給他吃。

至於是否要食藥？醫生是叫你們選擇食定唔食？還是二話不說就開藥？觀其語氣像有點懷疑，反正要食到藥，真是可大可小，若財政許可，

當媽

其他pm比我的家長，因想多人分享，又想多計發表文章，我定會不列名盡快在這個論題回覆。

無需醫生信。

你好當媽
我想問一下eyeQ在那兒可買到和價錢多少??還有要不要醫生信才可買???
謝謝

當媽

andy.ma

不一定，好視乎醫生的基準，不可一概而論，有

當媽

“是否沒希望?”
不能一概而論，每個人的成長、際遇、發展都不一樣，所以很難定論。

但你要深信，ADHD只是他一個小小的瘕疪。

你知道嗎？維珍航空創辦人布蘭森，細時都被懷疑有adhd。他只有中學程度，讀書時，成績差，老師還睇死佢，長大後一定一無是處。你瞧他現在多風光。

“現正讀精英班”
有否留意兒子是否屬資優，因資優生也會有專注和情緒問題。

因佢資質冇問題, 現正讀精英班…………
我再想問此病的將來是怎樣的, 是否沒希望?

blesshim

當媽,

有資料說患有adhd的有1/3會痊癒, 1/3要終生服藥, 餘下的1/3會出現take drug, ... etc   我好怕!

我冇同佢做過IQｔｅｓｔ, 所以我唔知道係唔係資優, 就算係, 咁又點呀?!

我昨天有問香港健康情緒中心, 他們有一系列test, 是否該去做呢?有冇咩意見.

謝!

當媽

blesshim

“1/3會痊癒”
當然希望是他發展慢，遲些會痊癒 :wink:
“1/3要終生服藥”
我唔知佢係唔係這類，所以同佢做其他非藥物治療
“餘下的1/3會出現take drug”
這部分是父母無處理問題，在成長過程中，遇到負面或反面的待遇多於一切，才會去到自我放棄的地步。 :cry:
因此，不要怕，盡量處理他的困難，做得幾多得幾多，因現在就是將來的基石，現在愈穩，將來更妥當。

“我唔知道係唔係資優, 就算係, 咁又點呀?!”
我的格言是“寧可信其有”，因小朋友來到這個世界是坦蕩蕩的，無付印有說明書，話明比父母知他有什麼長處短處，所以若對子女的發展有疑問的話，而經濟又許可，就去驗，因任何的測試或評估便是他們的說明書。

比方說，你兒子有情緒問題，你便要弄清楚，究竟是專注所至，還是資優引起。因是ADHD就當然是腦神經中樞問題，但因資優所至的話，很大機會是思考模式的問題，因資優生有時會好成熟有時又好細路仔，通病是轉數太快，常用成熟的心去睇事，卻用細路的心去解決，別人不明白，便話他有情緒。若兩者並存，即既是ADHD又是資優，我兒子就是兩樣都中，情況就較複雜了，父母較吃力。所以先找尋原因，才可因材施教，再去定立相應的管教、輔導……模式。

“我昨天有問香港健康情緒中心, 他們有一系列test, 是否該去做呢?有冇咩意見.”
做與否，則見仁見智，若做，除非價錢平，否則單做IQ Test不化算。