剛１歲證實發展遲緩（6歲放棄主流，入讀體障）

methy

6個月時健康院話無問題，但當時我開始同媽媽會網友（同一預產期）聚會，發覺其他BB已經坐得穩，頸好直好硬，自己個仔仲有全身軟99，坐完全唔得，到9個月人地個個識坐，仲有d 識爬，自己個仔仍然係坐唔穩，莫講話爬，11個月左右要求早返健康院，要求轉介，當時健康院姑娘話可以再觀察，我堅持轉介。
你小朋友咩情況？

hilzarie

我仔仔剛6個月，之前手纖維增生做果手術，我覺得他坐同扶住企都ok,係點都唔肯同唔識攞野，比野他玩唔識，亦要好耐時間先掂到個物件，所以有d擔心。
健康院檢查時，姑娘話他識跟著個個long long望野就沒問題，但係我覺得唔係咁樣，所以想了解下同埋可以做乜

hilzarie

你好叻，識堅持！唔係錯過好多黃金機會！

methy

太細個真係無咩好做，都係按佢發展，日日同佢玩，多d互動，如果1歲都跟唔到里程碑，就要健康院或兒科
科醫生轉介，早d排服務，如果到時唔使，就當然開心，如果唔係到時先排，等得黎都5、6歲，好易錯過訓練既黃金時間。

lucky2014

我個人經歷，我仔一出世就住醫院，所以醫生根到好足，評估佢遲緩，佢而家係十二歲，當年冇雙非同我地香港人爭，而家啲細路好多發展有問題，前幾年排協康條隊多到，你升到小一都未排到。
好在等左一年，岩岩適齡就讀到，協康真係好好，training好有用，讀左兩年，健康院又叫番去做評估，話佢可以俾個位人地，俾佢去讀兼收，讀到小一。而家佢升band1中學喇，每個小朋友發展都唔同，要由小針對佢弱點去train,就會好快冇事。只怕有些家長唔接受自己個仔讀特殊幼稚園，最終miss左嗰三年機會，因為一上到小學，唔係太嚴重都係去主流小學讀，資源少左。

taylortse

原帖由 methy 於 13-11-22 發表
阿仔1歲睇兒科已經book左磁力共震照腦，到2歲排到我覺得佢有進步、就唔想佢食藥瞓覺照，到2歲半歲又覺得佢 ...

請問照腦係未一定會知道係乜野問題影響到佢發展遲緩？係未關於智力都睇到？

methy

醫生講過照腦都未必搵到原因。
我仔個結果係腦部白質部分大左dd,主要影響手腳協調能力，智力係無影響（的確令我輕鬆哂）。
當我問醫生點解有時係會突然好醒神進步神速，佢解釋：阿仔個腦某部份似電線外露，通電情況唔穩定，有時又突然好暢順通哂電，手腳咪會突然叻左，問到點樣可通電到好d,都係話做訓練，刺激電線通電。

我都聽過有其他小朋友一樣又係腦部白質多，但個小朋友情況同我仔又完全唔一樣。照唔照腦好睇醫生點斷症。

methy

話咁快讀完一年S位，拎「成績表」，呢一年社交、大肌進步最多，由學期初雙腳無力踏三輪車，要用繩索住隻腳掌落腳踏到，到現在自如到向前轉彎都無問題，可以慢慢放手上落樓梯。

認字無問題，A-Z，基本中文字，但寫都係要跟點線提示，先寫得出個字。識得數數量，但顏色未完全分得到。
講野已經無咩問題，copy成句複習句子，識運用。e.g.媽媽，我想食下午茶，你有無（興）趣？
最鐘意指揮我地跟佢做運動：伸高雙手揮揮手（雙手高舉），媽媽，舉高手呀，跟住...交差手掂*駁頭*（雙手打X，掂兩邊肩）⋯⋯

社交最強，早上回到學校，食早餐等候其他人時，會主動迎接剛入課室既同組同學，最鍾意老師分配工作比佢，例如分發圖書，佢會去書架拎幾本，每個同學都分一本，派發時會讀出同學個名。
但同時亦因為太過social.老師叫佢去洗手間洗手時，佢係立即去，但5分鐘後佢仍然停留在課屋一角同老師或其他組既學生傾計。

大小便呢兩個月最大突破，小便10次9次會出聲，要求去廁所。大便都開始忍到下，有意識叫坐痰罐。不過多數都係一叫，已經痾左落條底褲到，不過已經好好，早3、4個月前係屋企真係周圍喇大便，周不時係房地上有幾粒「蜜提沙」但又唔肯著片，執糞執到我好激氣，我曾經失控打他。

總結係，今年進步好多，老師提議讀多一年S位，手腳訓練得再好d,最後一年可試主流K3

taylortse

原帖由 methy 於 14-08-06 發表
本帖最後由 methy 於 14-8-6 14:37 編輯

話咁快讀完一年S位，拎「成績表」，呢一年社交、大肌進步最多， ...

小朋友進步左咁多，真係好直得恭喜
你講得啱，我仔又係突然間進步好多，但有時又好似停左喺度咁吸收唔到

銘豬媽

我亞囡情況同你一樣，食極都未到最低個條身長缐，有咩計，營養師見埋了，現在19月大了！有計嗎？醫生話體障小朋友（身體發展遲緩）好少咁

methy

就算有無體障問題，我識人正常普通小朋友都可以有呢個情況，營養師講過身高體重都係遺傳父母。（話時話，我仔另外6個同學都係細細粒粒，瘦蚊蚊）

我仔體重身高一直都係最低生長線上個5%-10%，4歲身高體重齊齊跌出生長線，見埋營養師，研究食譜，等阿仔食多d不同種類食物，4歲半一量，身高又突然高左4-5cm,入返生長線圖內，體重都係過輕，不過要做既都做了，就平常心，無咩大病痛就唔算了。

bbcheung53

好開心睇左呢個post 知道左好多有關發展遲緩嘅資料, 見到大家嘅小朋友有進步都好開心

我仔10個半月, 出世後已發覺佢好易喊, 見到陌生人去陌生地方就喊, 但喊完去搭車時又撩左右隔離玩, 去多同一地方幾次, 就肯同其他小朋友玩, 好反覆
遲反身, 識左都好少反.   8個月先正式識坐. 而家未識爬.  未識由瞓轉坐, 係我地扶佢起身坐或扶佢瞓低
夾硬反轉佢, 佢就表現到好辛苦, 喊但無眼淚, 夠力撑高上半身, 但唔識揣摩點爬
對玩具有興趣但不大, 伸手拎唔到情願唔郁坐係度, 唔會盡力爬或伸手拎
唔俾人掂佢對手捉住玩, 係我示範, 佢慢慢自己練習, 而家識拜拜, 拍掌.  唔知係咪感統障礙, 但同佢梳頭又OK, 打鞦韆都OK
7個幾月已學講野, 其他反應, 手部運用都OK

睇左2次私人物理治療, 話佢肌肉夠力, 但唔識運用, 第一次話低張, 第二次話有進步但進步唔夠, 改話唔係低張
問左協康會, 都話太細難做評估, 亦都未能知道係主要咩問題做咩評估, 佢提議我上佢地嘅play group試吓先.  上左一堂, 但BB好易喊, 一喊明明識嘅都做唔到, 玩嘅又玩唔到
排左下星期睇政府門診, 想轉介去醫院兒科再轉去CAC

1. 咁嘅情況, 係咪真係等大個D先做評估會準確D, 因為佢好易喊, 喊住就評估唔到, 但私人評估要幾千蚊好貴
2. 私人評估係咪直接可排E,S,I 位, 唔駛浪費時間去CAC?  我見step係咁寫
3. keep住上協康playgroup係咪都OK?  返屋企可以重覆玩D遊戲.    私人物理治療都幾貴, BB日間公公婆婆湊, 唔能夠做齊D 訓練動作, 變左返去覆診又唔會再教到好多野.  BB 又好好記性, 知道我地D動作係想迫佢訓練, 就反抗唔做, 情緒及與我地關係仲差左.   

而家呢個階段有點迷惘, BB 好似唔係好嚴重咁, 但坐爬呢D比同齡慢, 跟住落黎應該點好呢????

ct926

原帖由 bbcheung53 於 14-10-17 發表
好開心睇左呢個post 知道左好多有關發展遲緩嘅資料, 見到大家嘅小朋友有進步都好開心

我仔10個半月, 出世 ...

你有沒有去健康院？這樣情況會直接轉介去醫院兒科，但政府要等很久。我阿仔當時1歲轉介，但1歲5個月才見政府兒科。建議你上幾堂私人，學習了技巧，自己在家訓練，大肌肉需時間段練。我阿仔也不爬，8至9個月才轉身，1歲1個月才開始企，17個月才開始放手行。

銘豬媽

建議務必排CAC, 因為始終政府支援較多

bbcheung53

原帖由 ct926 於 14-10-17 發表
你有沒有去健康院？這樣情況會直接轉介去醫院兒科，但政府要等很久。我阿仔當時1歲轉介，但1歲5個月才見政 ...

健康院覺得唔爬無問題。下星期去睇政府診所要求轉介

bbcheung53

原帖由 ct926 於 14-10-17 發表
你有沒有去健康院？這樣情況會直接轉介去醫院兒科，但政府要等很久。我阿仔當時1歲轉介，但1歲5個月才見政 ...

想請教，你仔仔識行過後有無其他方面問題？政府排醫生話係咩原因會咁呢？

ct926

原帖由 bbcheung53 於 14-10-18 發表
想請教，你仔仔識行過後有無其他方面問題？政府排醫生話係咩原因會咁呢？



  ...

我阿仔是整體發現遲緩。所以也有語言遲緩，眼神接觸差，認知也遲，初期社交弱，但返了學之後好了很多。你發現得早，也需同時留意其他方面發展。驗過血，醫生說很多時發展遲緩是查不到原因。

lovly_family

終於可以係呢到搵到同道中人可以交流下啦！
我仔11個月，岩岩先叫做坐得定，未識爬！而家一個星期做一次物理治療，叫做有少許進步啦！
講真，係佢既成長過程真係好唔開心，不停出入醫院，照腦，抽血我真係令到我好灰，日後既路都唔敢唸

bbcheung53

lovly_family 發表於 14-10-19 18:11
終於可以係呢到搵到同道中人可以交流下啦！
我仔11個月，岩岩先叫做坐得定，未識爬！而家一個星期做一次物 ...

其實我都好疑惑, 我仔好似有D野遲過人, 但其他方面又OK, 又好似係感統問題.  
我都想係感統問題, 好似無咁嚴重易D改善到.  
話俾朋友家人知, 佢地又覺得我緊張, 誇張左個問題
安排左下星期做感統評估, 但問左地區社工, 要醫生轉介信先可以排E,I,S位, 感統評估係OP做, 佢地寫嘅report唔可以排E,I,S位.  即係遲D又要再搵醫生做全面assessment, 好煩

銘豬媽

大家有冇睇剛剛過的星期一鏗鏘集呀！好值得睇呀！我小朋友22個月大了都係發展遲緩，原因不明！本打算唔再查咩原因導致咁！但睇完個節目又再激發起我嘅探究慾。我於是打電話去搵個位病理科權威醫生！希望揾到原因啦！不過依家等緊佢接唔接亞囡個job