09~10入讀小一的荔天家長請入

湳淇爸爸

hinhin.mami

其實我都想問點解冇褓姆跟車,但佢7:45先到東京街,足足遲咗10分鐘,前少少仲有5個學生等緊佢,好快就關車門走咗去,根據我嘅閃電眼,計埋我個女巳經有7人,再加埋前面5個學生,足足12人,仲未計司機同褓姆,我有少少疑問究竟呢類褓姆車限住有幾多學生坐呢?加上唔係車晒低年班,仲有幾個高年班,其實都坐得好逼,希望李姑娘真係以安全第一行先.

嵐嵐mimi

原帖由 湳淇爸爸 於 09-9-1 10:18 發表
hinhin.mami

其實我都想問點解冇褓姆跟車,但佢7:45先到東京街,足足遲咗10分鐘,前少少仲有5個學生等緊佢,好快就關車門走咗去,根據我嘅閃電眼,計埋我個女巳經有7人,再加埋前面5個學生,足足12人,仲未計司機同褓姆,我 ...

今日我都係見唔到有另一個媬姆, 本來我都想問一問, 不過我佢都係遲左10分鐘至到我度, 所以我就冇再問佢, 可能聽日會問一問.....

到放學又係遲左20分鐘, 不過李姑娘都有打俾我, 話要遲d, 因為小朋友都係未放學, 而且我都覺得架媬姆車好迫, 我個女仲成頭大汗....我諗我都要同佢傾傾至得.....

嵐嵐mimi

應該係返學唔見有另一個媬姆, 不過放學就出現啦.....

hinhin.mami

頭先放學我都見到有另一個媬姆跟車, 嵐嵐媽咪你遲o左 20 min 咪小 lor, 我個仔足足遲成 35min 先黎到, 又熱又倦等到我....

第一日試搭時李姑娘都講過有成 12個小朋友, 不過架車又舊又細"d"小朋友又真係坐得幾逼. 希望佢快"d"換車等班細路坐得舒服"d"  la.

湳淇爸爸

話明12個小朋友,但有4分１係大朋友,我坐都頂頭,冷氣唔夠凍,成班细路困埋一齊,好似運人蛇咁,真係覺得佢地好辛苦,小朋友冇得揀,希望我地做父母可以幫佢地反影吓....快啲換車啦李姑娘!!!!!!!

hinhin.mami

哈哈 ~~你頂頭我就頂腳.

原帖由 湳淇爸爸 於 09-9-1 14:32 發表
話明12個小朋友,但有4分１係大朋友,我坐都頂頭,冷氣唔夠凍,成班细路困埋一齊,好似運人蛇咁,真係覺得佢地好辛苦,小朋友冇得揀,希望我地做父母可以幫佢地反影吓....快啲換車啦李姑娘!!!!!!! ...

嵐嵐mimi

原帖由 hinhin.mami 於 09-9-1 15:08 發表
哈哈 ~~你頂頭我就頂腳.

我咪又係頂頭又頂腳, 一開始我都唔知係呢種細校巴, 初時我都以為係幼稚園 2x 座個種, 我都想佢換車呀, 真係唔夠冷氣嫁, 我個女一落車就話好熱, 都冇冷氣 (我諗係唔夠, 唔係冇開), 講真丫, 如果唔係因為可以遲半個鐘上車, 我真係會唔搭嫁......

hinhin.mami

我個仔落車時個頭好似水塘 tim....我諗我地真係要反映o下比李姑娘聽.

hinhin.mami

哎呀 ~~~ 點解今日又係無跟車媬母o架 ???

嵐嵐mimi

原帖由 hinhin.mami 於 09-9-2 10:20 發表
哎呀 ~~~ 點解今日又係無跟車媬母o架 ???

我今日都係見到冇媬姆, 不過因為我顧住問佢第二樣野, 所以都冇問到添....

我同佢講係咪架車冇冷氣, 尋日個個小朋友熱到濕晒, 佢就話可能尋日撞左基愛班小朋友放學時間, 所以架車迫d, 而且尋日好熱, 所以至唔夠冷氣, 佢話今日會好d嫁啦

咁岩我個位置仲有另外兩個小朋友上車, 咁就問下個媽咪, 話佢點解冇另外一個媬姆係車, 佢就話可能個媬姆會中途上車喎, 不過佢都話唔知, 但係佢就話李姑娘揸車幾好, 咁多年都冇事, 佢話由佢個大女開始坐到依家個細女, 足足坐左8年啦, 都ok, 我仲話初時真係唔知係呢d細車, 以為係 2x 座個種, 佢話個時半日制係 2x 座個種車, 不過依家轉左全日, 佢地d司機分散晒, 咁佢可能冇車啦, 就分左呢種車, 不過佢話佢都唔係太清楚佢地公司既野, 但佢就好強調李姑娘揸車係 ok 既.....

我諗我都係睇定d先啦, 今日會叫個工人睇下放學個時有冇另一個媬姆係車........

湳淇爸爸

啱啱打俾李姑娘,佢話只有回程先有褓姆跟車,因為細車人數有限,我同佢反映車細,冷氣唔夠凍,佢回覆如下:
1.佢都想換車,由於私人性質,顧慮到一般嘅開支,試過上年有啲空位冇人坐而損失,甚至買部16座位新車又驚俾人偷....吹脹!
2.由於呢段時間接放學,烈日當空,難免車廂發滾,遲啲3:30放學會冇咁晒,舒服啲喎.
總結一句:意見接受,工作照舊.

嵐嵐mimi

原帖由 湳淇爸爸 於 09-9-2 11:06 發表
啱啱打俾李姑娘,佢話只有回程先有褓姆跟車,因為細車人數有限,我同佢反映車細,冷氣唔夠凍,佢回覆如下:
1.佢都想換車,由於私人性質,顧慮到一般嘅開支,試過上年有啲空位冇人坐而損失,甚至買部16座位新車又驚俾人偷.... ...

唉.......真係好煩......尋日放學見到阿女成頭濕晒, 我就話不如轉過第二架校車啦, 好冇? 佢又話唔好, 可能因為已經識左幾個朋友仔, 所以唔想轉......咁攪法, 都好煩

hinhin.mami

o甘即係話以後返學都無跟車 ???"mug" 唔係法例規定一定要有跟車o架咩 ?? 死啦我個仔仲要係坐係個門口位, 架車又好似無安全帶, 有咩事起上黎實 look 落車 la.

湳淇爸爸

嵐嵐mimi,
暫時靜觀其變,希望下個月天氣秋涼會好啲啦.
另外都又問佢如果下年细佬同家姐一齊坐,仲可以加到位咩??佢話下半年先再決定,加上有小朋友會畢業麻,學妳話齋如果唔係遲半個鐘上車,未必揀佢.

湳淇爸爸

阿女都係坐係軒軒後面,跟住就嵐嵐,次次我睇埋佢轉彎入荔枝角道先走,見佢都唔係揸得好快,始終女细心過男嘅.

嵐嵐mimi

原帖由 湳淇爸爸 於 09-9-2 11:41 發表
嵐嵐mimi,
暫時靜觀其變,希望下個月天氣秋涼會好啲啦.
另外都又問佢如果下年细佬同家姐一齊坐,仲可以加到位咩??佢話下半年先再決定,加上有小朋友會畢業麻,學妳話齋如果唔係遲半個鐘上車,未必揀佢. ...

就我所知, 依家有兩個小六學生坐媬姆車, 如果下年就會多出兩個位囉, 所以細佬同家姐一齊坐係冇問題......

我就係煩緊, 如果轉搭校車又太早, 我都係諗緊如果每日自己送返學, 放學就轉搭校車, 唔知得唔得, $$ 個方面就一定多左, 而且仲要睇下時間就唔就到, 小朋友搭地鐵再轉小巴唔知會唔會好煩, 又係另一個問題........

hinhin.mami

原帖由 嵐嵐mimi 於 09-9-2 11:55 發表


就我所知, 依家有兩個小六學生坐媬姆車, 如果下年就會多出兩個位囉, 所以細佬同家姐一齊坐係冇問題......

我就係煩緊, 如果轉搭校車又太早, 我都係諗緊如果每日自己送返學, 放學就轉搭校車, 唔知得唔得, $$ 個方 ...

我又係諗緊自己帶返學, 放學就係泓景壹個邊搵間補習社托兩個鐘,我放工過去湊佢返屋企. 但其中就有好多問題要解決. 例如..買餸啦 ! 我又唔想帶埋個仔去遊街市, 再加上托管埋又要支出一筆. 佢依加淨係游水加埋公文英文同數學巳經洗唔小錢一個月.

p.s. 如果搭地鐵去到荔枝角其實係唔需要轉小巴o架, "我覺得"行過去唔係好遠.

嵐嵐mimi

原帖由 hinhin.mami 於 09-9-2 12:16 發表


我又係諗緊自己帶返學, 放學就係泓景壹個邊搵間補習社托兩個鐘,我放工過去湊佢返屋企. 但其中就有好多問題要解決. 例如..買餸啦 ! 我又唔想帶埋個仔去遊街市, 再加上托管埋又要支出一筆. 佢依加淨係游水加埋公文英 ...

我就係唔識行.....我老公都同我講話好近, 等我再研究下先....

你都要返工嫁, 咁依家邊個幫你湊放學丫, 我都有諗過唔請工人, 不過個仔太細啦 (一歲三個月), 所以都要等個仔大d, 讀小學啦, 咁我就可能好似你咁, 放學之後放補習社....

我個女既興趣班又係洗唔少$$, 鋼琴, 珠心算 + 跳舞, 個個月都過千, 我唔做野想自己湊都唔得啦......

湳淇爸爸

其實我當初好似妳地咁想自已湊,上次8月份荔天嘅暑期活動都有帶佢返學,但計過時間同天氣嘅因素,坐校車對大家始終冇咁辛苦,希望大家要三思.
我都想做全識爸爸照顧佢地(除非發咗達),但試問有邊個父母唔會將自己資產投資晒係啲小朋友身上呢,就係呢個教育制度令全香港嘅家長付上沉重嘅壓力.
我地要加油呀!

hinhin.mami

其實真係好易行o架咋, 係荔枝角 mtr "A"出口出穿過巴士總站再過幾條馬路入昇悅居商場一直行到另一面出口再過多條小馬路就到, 真係唔難, 如果有唔明下次家長日我可以帶你行o架.
我依家都係姐姐接放學呀, 我個細女大過你個細仔幾個月所以同你一樣仍然十分需要姐姐照顧, 我諗可能要等佢三歲讀幼稚園時先可以唔用姐姐 lu.