07-08年宏福幼兒園媽咪繼續入o黎傾~(PART 5)~歡迎新朋友加入

天藍

hongmimi,

唔緊要啦! 匡匡join左泳班, 學唔到功夫, 因以家未
夠人開親子班, 以家昊藍會join番個邊既武術班, 但
就唔係親子, 係兒童班~
我本想都同昊藍join泳班, 但由於我游術又麻麻地,
亦唔放心比工人姐姐帶昊藍去泳班, 你知d工人架
啦! 加上我o黎個係新工人, 怕仔仔百厭佢控制唔
到佢, 等今年昊爸帶多d昊藍游水, 下年先學 lu~

原帖由 hongmimi 於 09-6-5 16:49 發表
ElainAiolia,
妳地聽日玩得開心d喇! 有咩幫手隨時call我呀! 希望妳出外玩下，個鼻會順d，唔好咁慘啦….

搞咩星期六都要返工? 豬流感妳地又要做野??

rplyan,
妳工作幾忙都要食飯嘛，除非妳諗住再kee ...

snoopyhk

Dear all mami,

Jason好番晒啦, 星期五同咗Jason睇醫生, 醫生話佢對腳d係蚊咬, 口裡係飛痴, 手同腳d粒粒就冇晒, 我再問醫生佢之前算唔算係手足口呢?佢話3日前唔知, 現在就唔係 (之前唔係睇佢的)我話佢冇發燒, 佢話生仔都唔一定包生仔啦(個醫生講嘢好寸的, 但好有料)．不過總算好番就安心了．

多謝各位的關心．

ElainAiolia

Dear all mami,
6/6 我同我家姐 & 朋友去 o左掘蜆，我哋唔係玩 o左太耐，大約個半鐘左右，收獲唔太多，但隻隻都好大隻，相信你哋之前會多過我哋，果日我見唔係太多人，我亞媽八卦走去問 d 專業阿嬸點解佢哋咁多 (其實佢哋都係得半桶)，d 阿嬸話已經少 o左，因前排落 o左輪雨，已經少 o左好多 la。我哋掘完出番去東涌食飯，夜晚我家姐打電話比我話 d 蜆好肥、好大隻，仲好鮮味 o忝。

我建議你哋去時 d 小朋友穿泳衣，起碼唔怕濕，又放便洗。你哋 13 號去小心 d，話晒夜晚燈光無咁好。

snoopyhk,
Jason 無乜嘢就好 la，唔知今日有無返學，因子聰都好掛住佢。

天藍,
我哋唔參加親子功夫班，因子聰報 o左協康 d 課程，只得八月比較空閒，所以仲諗緊八月 d 時間點算。

ElainAiolia

626mama,
pls check e-mail.

另有關 6/6 d 相，大家可以去我家姐個 facebook 度睇，因為落手掘蜆，所以我反而無乜點影到相。

snoopyhk

ElainAiolia,

Jason今日有返學, 我問返c6同Jason返學時, 有冇同老師講番, 點知佢話我只係帶佢到門口就走了(未訓醒), 我就話佢有冇攪錯, 咁都得, 不過我有寫手冊。

還記得你說過你朋友用電動電刷可以刷走d牙垢嗎?我找咗好耐才買到支兒童電動電刷, 只係同Jason刷了一次, d牙垢就冇咗好多, 真係唔該晒你報料。

你去咗邊度掘蜆呀? 星期六我地去了昂平360, 回程時見到東涌附近都有得掘, 有成百人係度呀。

原帖由 ElainAiolia 於 09-6-8 08:48 發表
Dear all mami,
6/6 我同我家姐 & 朋友去 o左掘蜆，我哋唔係玩 o左太耐，大約個半鐘左右，收獲唔太多，但隻隻都好大隻，相信你哋之前會多過我哋，果日我見唔係太多人，我亞媽八卦走去問 d 專業阿嬸點解佢哋咁多 (其實佢哋都係得半 ...

rplyan

snoopyhk,

JASON好番就好LAW, 放心哂LA.

ElainAiolia

snoopyhk,
Jason 好番就好 la。 Jason 尋晚有無同你講要帶薯片返學校比螞蟻食？子聰同我講話要攞一塊，我比完佢之後，我見佢攞住筒薯片係咁食，都唔知佢講真定假 。

你支兒童電動牙刷幾多錢？因我係屋企樓下藥房見到要成 $2XX- ，不過可能係 "mickey" 關係，所以咁貴。

我哋 6/6 去 o左梅窩銀礦灣度掘蜆，我都聽過東涌有得掘蜆，但唔知食唔食得，因銀礦灣果 d 一定食得，話晒 626mama、pcdogxx、hongmimi 都食過無事 o麻，而且而家仲有我家姐食過，一定無問題。

rplyan,
你記得忙還忙，記得食嘢同去廁所，身體始終係自己，病 o左或有事，公司唔會有人可憐。雖然講易做難，因我都超忙，但盡量試吓，大家一齊努力，希望快 d 唔使做。

天藍

snoopyhk,

Jason好番返學就好啦! 今個星期六昊藍見到jason
啦! 昊藍好掛住jason, 上星期昊藍成日追問我jason
去左邊?! 今個星期六jason係咪會同我地一齊掘蜆???

原帖由 snoopyhk 於 09-6-8 12:11 發表
ElainAiolia,

Jason今日有返學, 我問返c6同Jason返學時, 有冇同老師講番, 點知佢話我只係帶佢到門口就走了(未訓醒), 我就話佢有冇攪錯, 咁都得, 不過我有寫手冊。

還記得你說過你朋友用電動電刷可以刷走d牙垢嗎? ...

天藍

626mama / pcdogxx,

真唔好意思! 我公司近期出現o左d煩o野! 突然之間
今個星期日公司要做展覽會, 晨今早要返公司開會,
唉...., 我都係昨天下午先知, 變o左今個星期六夜晚
唔可以係"塘福"到宿營, 因星期日要一朝早返到公司,
真係好煩打亂左我d美夢, 變左星期六下午掘完蜆就
要走...。
你地睇下我個位搵唔搵到人頂上, 如搵唔到我照比番
我個份錢, 因我臨時甩底, 真唔好意思!!!


rplyan,

你今日仲有無咁忙? 保重身體!
今個星期六下午你會唔會同我地一齊去掘蜆?!
不過, 剛睇天文台個網星期六"落雨", 真係有d失落~

天藍

ElainAiolia,

我係facebook到睇到d相, 心心大左好多, 高左又
靚女, 個d你地收獲好豐富好多蜆~
功夫班個到唔緊要, "親子功夫班"未必開得成, 但
昊藍下個月會join個邊個"兒童功夫班", 希望昊藍
會開心啦! 因今次係佢自己要求要上功夫班。

原帖由 ElainAiolia 於 09-6-8 08:56 發表
626mama,
pls check e-mail.

另有關 6/6 d 相，大家可以去我家姐個 facebook 度睇，因為落手掘蜆，所以我反而無乜點影到相。

hongmimi

snoopyhk/ElainAiolia,
我之前係網上睇人講，東涌d蜆都食得架，掘既係東涌居民多，佢地日日走去，而家掘到既都係細細隻咯~ 邊有我地d咁大隻....

hongmimi

天藍,
妳放心, 有我頂上~

我今朝先同pcdogxx講電話, 因匡爸confirm放假可以同妳地一齊掘蜆, 原本我諗住bbq完就走, pcdogxx係咁叫我留低唔好走, 仲話讓埋張床俾我瞓....

不過我都驚梗天氣既問題~

snoopyhk

ElainAiolia,

Jason 尋晚冇講要帶薯片返學校比螞蟻食, 佢只係同我講佢冇”螞蟻”課本。

支兒童電動牙刷係萬寧買$99, 係百靈牌的巴斯光年, 我都想搵mickey的, 因為Jason最喜歡mickey。不過買咗後我朋友話係吉x島見到買$29x, 之前去過見唔到有。米奇電動牙刷係有音樂的, 可以幫小朋友刷牙時計時, 而且係义電, 而巴斯光年就係最普通的一支牙刷, 用乾電, 但兩款都可以換刷頭。 不過平平地比佢玩吓先, 佢唔用就好晒了。

原帖由 ElainAiolia 於 09-6-9 08:42 發表
snoopyhk,
Jason 好番就好 la。 Jason 尋晚有無同你講要帶薯片返學校比螞蟻食？子聰同我講話要攞一塊，我比完佢之後，我見佢攞住筒薯片係咁食，都唔知佢講真定假 。

你支兒童電動牙刷幾多錢？因我係屋企樓 ...

[ 本帖最後由 snoopyhk 於 09-6-9 12:13 編輯 ]

snoopyhk

天藍,


逢星期六晚我都要返團契, 上次話去得係剛剛放假唔使返, 我都好想去的, 我會找個星期日下午去一次。


Hongmimi,


聽你講東涌都可以一試, 但當然銀礦灣會好d。

原帖由 天藍 於 09-6-9 09:21 發表
snoopyhk,

Jason好番返學就好啦! 今個星期六昊藍見到jason
啦! 昊藍好掛住jason, 上星期昊藍成日追問我jason
去左邊?! 今個星期六jason係咪會同我地一齊掘蜆???

...

snoopyhk

All mami,


昨日新工人已到港, 現在係Agent家暫住, 昨日同佢驗身, 今日去取身分證同去領事館聽嘢, 將會星期四到我家, 心情有d緊張, 希望兩位少爺都肯跟佢啦。

ElainAiolia

Dear all mami,
希望星期六唔好落雨掃你哋興 la。

天藍,
你有無幫昊藍報到暑期黏土班，因子聰都想學，但其餘時間同協康撞晒期，只有星期五平時我哋上黏土班個鐘數先得 (即 3:45 p.m. - 5:00 p.m.)，我諗如昊藍都揀呢個時間，老師會就佢哋將上堂時間提早 o卦。

snoopyhk,
Jason 話佢無螞蟻課本，我諗佢意思係話佢無螞蟻養，因上星期 Jason 放病假期間，子聰話老師叫佢哋帶空水樽返學校，帶佢哋去公園裝螞蟻，而家先話帶薯片返去比 d 螞蟻食。

支電動牙刷可以幫到 Jason 就好 la。我覺得 $99- 平平地用住先，總好過買 o左唔肯用先。

新工人仲有兩日去你屋企，都真係幾緊張 o架。咁你舊果個幾時就？咁你有無請定假教新工人做嘢？有無擔心佢搞唔點呢？我個工人 o黎 o左都成個月 la，但有 d 嘢仲係唔太 o岩心水，唯有得閒先教 d。煮嘢食都係麻麻 o乍。

hongmimi,
尋晚我放工番屋企，出 lift 果陣見 lift lobby 有人搬傢俬，唔知係搬走定搬入 o黎呢？

flostangraphy

hello every parent,
longtime no see!!

626mama

各位,

唔好意思，老細係方唔方便回復。

pcdogxx 叫我post d野比妳地睇，睇下大家有冇興趣去玩...
http://www.playtown.com.hk/chi/photos.htm
一大一小 $100  +多個大人 $50
可以玩足一日..   好大型既遊樂設施...
果個playtown係西環架..  不過pcdogxx 朋友連續兩個星期去左兩次都話好好玩....

pcdogxx

嗚嗚..
星期六日都係雷電呀......  乜揀d咁既時候黎落雨呀... 激死.......

得閒諗定室內有咩好玩, 落雨出唔到去玩都有d細藝嘛..

ElainAiolia

Dear all mami,
唔好咁灰，可能星期六會好天呢，天文台有時都會唔準 o既，我上個星期六原先天文台都預測唔好天，但後期不知幾咁好天，仲差 d 晒 C o忝。不過諗定室內活動都好，起碼以備必時之需。

626mama,
pcdogxx 叫你 post 個網出 o黎，好似好正咁，如果大家有興趣，不如約埋一齊去。